Библиотека литературы Древней Руси. Том 2 (XI-XII века)

Толк. То же о друзех смысляще: придеть убогый, буди по том мыслию, не болша положи чьсти богатства ради. Несть нища, ни богата о Христе. Не срамляйся внешнею одежею, нъ приими внутрьняя ради веры.

23. Сущее

Слышите, братие моа възлюбленая! Не Богъ ли изъбра нищая всего мира богати въ веру и наследници Царствию,[300] егоже обеща любящимъ его Богъ? Вы же укористе нищаго.

Толк. Златоуста. Мы же, яко повелику преобидими, тако просящая уничьжаем, досаждающе, отвращаемся, не дадуще, что печалуеши? «Утешайте, — рече Павелъ, — яко братию, а не досаждайте, яко врагомъ».[301] Утешаяй же брата своего не пред человекы се створи,[302] нъ особь, и съ многом вниманием, и болезнию устрекаем, и слезами, и рыданиемь, братьскы от сердца подавающе, братьскы утешающе изволениемь, не боляще о подании, боляще же о ономь преступлении приобретения ради. Аще бо о подании досадиши, погубляеши даръ. Аще ли же и не давъ, поносиши, како не съделаль еси зла страстному оному окаяному? Приде бо помилованъ быти тобою, приимъ же язву отъиде. Паче же и прослези, нудимь бо есть скудости ради просити, и того ради досаждаеши ему. Виждь, колика мука досаждьшему убогому, раздражаеть бо сътворшаго и. Рече бо: «Еда самъ ся сътвори нищь? Нъ тебе ради, да ты спасешися имь».[303] И тебе ради нища бывша уничьжаеши? Колико неразумие и колико неблагодарение дела сего!

24. Сущее

Не богатии ли обладають вами и ти влекуть вы на судища? Не ти же ли хулять доброе имя, нареченое на васъ?

Толк. Претерпевайте доблестне лихоимьство, лихоимьци бо себе погубляють, а не нас. Насъ бо лишають имений, а себе обнажают промысла Божиа и помощи его. Еяже обнажьшеся, аще и всея вселеныя съберуть богатство, всех суть убожейше.[304]

25. Сущее

Аще убо Законъ кончаваете царскъ,[305] по Книгам,[306] възлюбиши искрьняго твоего, яко и сам себе, добре творите. Аще ли на лица зрите, грех творите, обличающеся от Закона, яко преступници.

Толк. Аполинариево.[307] Якоже паче ты хощеши помиловати ближняго си, праведне и человеколюбне, тако и тъ творить къ единочадну ти и самому сущу Богу. Естьственый помыслъ, в немьже всех Спасъ в начяли глаголя: «Аще хощете, да творять вам человеци, якоже и вы творите имь, тако бо есть Законъ и Пророци».[308]

26. Сущее

Иже бо весь Законъ съблюдет, съгрешить же въ единомъ, бысть всемъ повиненъ.

Толк. Еже съвершену имети любовь, то есть глава всемъ добромъ. Аще ли главу отвержеши, излиха прочее тела есть.

27. Сущее

...рекый бо: «Не прелюбы сътвори», си рече и «Не убий». Да аще не любы твориши, убиваеши же, бысть преступникь Закону.[309]

Толк. Аще и не всяко стройне лежить предлежащее писание, нъ убо самоя ради тоя ползы изряднее положихом. Господь бо нашь и Богъ Исус Христос предлежащая Моисеем реченаа въ съвръшение приведъ, веща: «Слышите, яко речеся древним: “Не убиеши. Аще ли кто убиеть, достоинъ есть суду”? Азъ же глаголю вам, яко: “Прогневаяй брата своего, повинень есть суду”.[310] Слышасте ли, яко речеся: “Не прелюбы сътвориши”. Азъ же глаголю вам, яко: “Вьсякь, възревый на жену, яко похотети еи, уже съблудилъ есть въ сердци своем”».[311] Си толкуя, Севиръ, Антиохискый епископъ, въ 46 слове рече: «Мосеем писаная Законоположениа “не убиеши” глаголеть. Христос же, иже Закону разумъ и еже в немь Духа податель, еже бо не разгневити брата своего повеле, сию паче исполняя закону волю. Гневъ бо, от негоже убойство бывает, помрачивъ е болшаго ради повеления. Гневь бо аще придеть къ убийству, не прогневатися попусти. Тако и къ похоти несытьства подвигъ възрениемь осудивь, рекъ: “Не любодействуеши”, исполни и яви. Духовный бо Законъ Господь исполни обновлениемь Духа, раздреши же Писаниа древнее, яко паче от стеньнаго писаниа на скрижалех въображены округъ».

28. Сущее

Тако глаголете, и тако творите, яко чяюще Закономъ свободы судъ прияти.

Толк. Есть бо о суде правемь поучение. Законь же свободы глаголеть Законъ правьды, тако судяща, якоже обретает. Се же рече, понеже неции съгрешають, милосердиа Божиа надеющеся и глаголюще: «Человеколюбець сый, простить». Темь и наводить рекый: «Немилостивь судъ не сътворшему милости».

29. Сущее

Судъ бо безь милости не сътворшему милости.

Толк. Тверде убо глаголы нас устрашаеть, да не вещьми поболимъ.

300

Не Богъ ли изъбра нищая ... Царствию... — О том, что у нищих есть преимущества перед богатыми в стремлении достигнуть Царствия Небесного, апостол Иаков уже вскользь упоминал в стихе 9 1-й главы («Да хвалится смиренный...»). Избрал? Может быть, это: «Приидите ко мне вси труждающиеся и обремененные»? (Мф. 11, 28). О нищих и о том, что забота о нищих — неотъемлемый признак благочестия, неоднократно говорится и в Ветхом, и в Новом Завете. Но представляются важными слова пророка Исайи (Ис. 61, 1), цитируемые в Евангелии от Луки (Лк. 4, 18): «Дух Господень на мне. Он послал меня благовестить нищим...». И не только благовестить нищим, но и помочь другим страдающим (сокрушенным сердцем, плененным, слепым, измученным). Поскольку путь к Царствию Небесному — страдание, то его достигнут страдающие. И еще. В Послании к Коринфянам апостол Павел говорит о «мудрости века сего», противопоставленной Божественной мудрости: «Не Бог ли избрал немудрое мира сего, чтобы посрамить мудрых, и немощное мира сего избрал Бог, чтобы посрамить сильное, и незнатное мира, и уничиженное, и ничего не значащее, чтобы посрамить сильное» (1 Кор. 1, 26—27). Посрамить — показать отсутствие ценности. Ведь ценно только то, что ведет к Царствию Небесному. В этом смысле апостолы, евангелисты и пророки учат тому же самому.

301

Утешайте, — рече Павел, — яко братию, а не досаждайте, яко врагомъ... — Призыв утешать друг друга у апостола Павла встречается неоднократно, см. 1 Сол. 4, 18; 5, 11, 14.

302

...не пред человекы се створи... — Ср. Мф. 6, 1—4: «Смотрите, не творите милостыни вашей пред людьми».

303

Рече бо: «Еда самъ ся сътвори нищь? Нъ тебе ради, да ты спасешися имь». — Христос нищим «вменился», принял на себя образ раба ради спасения людей добровольно. 2 Кор. 8, 9: «Он, будучи богат, обнищал нас ради...»; Фил. 2, 7: «Он уничижил сам себя самого, приняв образ раба».

304

Еяже обнажьшеся ... убожейше. — Ср. Мф. 16, 26: «Кая помощь человеку, аще он приобретет весь мир, а душу свою отщетит».

305

Аще убо Законъ кончаваете царскъ... — Царский, т. е. самый главный. Апостол Павел (Галат. 5, 4): «Весь закон в одном слове заключается: любите ближнего своего, как самого себя».

306

... по Книгам... — т. е. по Священному писанию. Заповедь о любви к ближнему в Ветхом Завете, Лев. 19, 8: «Возлюби ближнего своего, как самого себя».

307

Аполинариево. — Аполинарий Младший, епископ Лаодикийский, IV в., автор толкований на Священное писание.

308

Аще хощете ... Законъ и Пророци. — Мф. 7, 1.

309

... рекый...«Не прелюбы сътвори»... преступникь Закону. — Заповеди Господни (десять заповедей), данные Моисею на горе Синай, — Исход 20, 1—17. Среди них: Не убивай. Не прелюбодействуй (Исход 20, 13—14).

310

Слышите, яко речеся ... повиненъ есть суду. — Ср. Мф. 5, 21—22.

311

Слышасте ли, яко речеся ... въ сердци своем. — Ср. Мф. 5, 27—28.