И преидоша чрес полаты, бяху бо полаты полны гада, но не створиша им ничто же.
Они же пришедше и влезоша в церковъ, и наполнишася благоухания уста их: бяху бо много деяния въ церкви написана. И поклонишася гробомъ святыхъ 3-хъ отрокъ Онаньи, Озарьи и Мисаила и ркоша: «Приидохомъ к вам по Божию изволению и великаго царя Василия богохранимаго просить от вас зднамения». И стояше клубокъ на гробе Онаньине златъ с камениемъ драгымъ с жемцюгом украшеным, полнъ мура и ливанъ, и стекляницю, того не видихом. Мы же,[58] вземше ис кубка того, быхомъ веселе. И воставше от сна, мыслихомъ взяти кубокъ с виномъ и нести ко царю. И бысть нам глас от гроба въ 9-й час дни: «Не возмете зднамения зде, но идите в царевъ домъ, возмите зднамение!» Они же ужасны быша велми. И бысть имъ глас 2-е: «Не ужасайте, идите!»
Они же вставше идоша. Бяше бо царева полата от часовнице. И внидоша в цареву полату и видиша ту одръ стоящъ, и ту лежаше 2 венця: царя Навходоносора[59] и царице его. Они же вземше, видиша грамоту, написано греческымъ языком: «Си венци створене бысть, егда Навходоносоръ царь створи тело златое и постави на поле Дирелмсгьй».[60] Бяху бо венци те от камени самфира, измарагды и жемчюга великаго и злата аравита. «Си венци сокровены бысть доселе, а ныни положена бысть и на царе богохранимом Василии и цареце блаженнии Александре[61] молитвами святых 3 отрок».
И вшедъ въ 2-ю полату и видеша запоны и памфиры царьскыя, иде же прияша руками, и бысть все, акы прах. И бяхут ту ларцы со златомъ и сребром, и отвергше, видиша злато и сребро и камение многоценное и драгое. И взяша камень великых числомъ 20 донести цареви, а собе, яко могут отнести, и взяше кубокъ таковъ же, яко же у трех отроков.
И приидоша къ церкви и вшедше поклонишася трем отрокомъ, и не бысть им глас. И начаша тужити, и вземше от кубка того, испивше и быхомъ весели. И бысть им глас заутра свитающи дни неделному и рекошач имъ: «Умыемъ лице свое!» И узревше кубокъ церковный с водою, и умывше лица своя, и воздаша хвалу Богу и трем отрокомъ. Отпевше и заутренюю и часы, и бысть имъ глас яко: «Взясте зднамение, поидите путемъ своим, Богомъ водими, къ царю Василию». Они же, поклонишася, испивше по 3 стеклянице и поидоша къ змии. И прислонивше лествицю, полезоша чрес змея, и принесоша все, еже имеяху.
Сынъ же обежанинъ, именемъ Яковъ, запенъся съ 15 степени и полете долу[62] и убуди змея. И въсташа на змеи чешуя, акы волны морьскыя. Они же, вземше друга своего, поидоша сквозе былие с полудни и видеша коня и другы своя. Егда начаша вскладывати бремя на своя коня, и свистну змей. Они же от страха быша акы мертвии.
А где стояше царь Василей, ожидая детей своих, — бяшеть я нарекъ собе акы детей, — бяше бо змея того свистъ и тамо. И падше от свиста того, ослепле бяхут, и мнозе от стадъ их изомроша, яко до 3000: подошелъ бо бяше за 15 дний. И отступиша от того места за 16 дний и рече: «Уже мои дети мертве». И пакы рече: «Еще пожду мало».
Сии же въставше, яко от сна, и поидоша, и постигоша царя за 16 дний, и пришедше, поклонишася цареви. И рад бысть царь и вси вои его. И сказавше ему по единому.
Патриарх же взем 2 венца и, прочетъ грамоту, възложи на царя Василия и на царицю на Александрею, родомъ арменина наречеся.[63] Царь же, вземъ кубокъ, повеле наполнити сухимъ златом, а камений 5 драгих посла въ Ерусалимъ к патриарху. А что собе принесоша, поведавше цареве злато и сребро и камение драгое и жемчюгъ великый. Царь же не взяше ничего же, но еще дасть имъ по 3 перпера злата.[64] И отпусти я и рече им: «Поидета с миромъ, где суть отци ваши и матери, и прославите Бога, и 3 отрокы, и царя Улевуя, а во крещеньи нареченнаго Василия».
Царь же оттоле восхоте ити во Индею. Давидъ же царь критьскый[65] рече: «Поиди на страны полунощныя, на врагы иноверныя, за род крестьянескъ!»
ПЕРЕВОД
Сначала он хотел послать трех человек, христиан сирийского рода. Они же сказали: «Не подобает нам идти туда, но пошли из Греции грека, из Обезии обежанина, из Руси русина». И он послал тех, кого они хотели.
Когда они были за пятнадцать дней пути до Вавилона, сказал им царь Василий: «Если будет здесь знамение святых, то не отрекусь от Иерусалима, но буду поборником веры христианской и защитником от врагов иноверных рода христианского».
59
60
61
62
64