|270| И засвистал Михаила Поток Ивановичь своим богатырским голосом. Ажно мечутся ево товарищи Илья Муромец да Олеша Поповичь и побивают силу Кощееву, а Кощею царю живу очи вынули, а Лебедь Белую привя[за]ли г добру коню за хвост и опустили далече во чисто поле. А казну взяли несметную, а и Ганку, дочь Кощееву, с собою взяли.
|275| И поехали в Киев град. И нача жить лучше прежнево, пити и ясти и веселитися. Тут конец трем богатырем земли руськие и града Киева.
37
ПОВЕСТЬ О КНЯЗЕ ВЛАДИМЕРЕ КИЕВЪСКОМ И О БОГАТЫРЯХ КИЕВЪСКИХ, И О МИХАИЛЕ ПОТОКЕ ИВАНОВИЧЕ, И ЦАРЕ КАЩЕЮ ЗАЛАТОИ АРДЫ
В славном граде Киеве, у великава князя Владимера киевъскава Всеславъевича, было пированье великое на многие князи и бояры и сильныя могучия богатыри. Как будет у них пир навеселе, что зговорит великии князь Владимер киевъскии: «Ои еси, князи и бояры и сильныя и могучия |5| богатыри! Есть ли кто у меня служить три службы великия: хто бы ехал в землю Турскую, взял бы дани и выходы; хто бы ехал в землю Задонскую, възял бы дани и выходы; хто бы ехал в землю Алевицкую, възял1 бы дани и выходы за тритъцат лет и за три годы?»
Воставал из места славнаи богатырь Илья Муромец, а сам зговорит |10| такаво слово: «Свет государь, великии князь Владимер киевъски, и князи и бояры, и силныя могучия богатыри! Что нихто ответу не даст? Болшои за меншова, а у менших ответу нет». Сам зговорит слово, похваляючис: «Свет государь, великии князь Владимер киевъскии! Я поеду в землю Турскую, возму дани и выходы». Что зъговорит Михаила Поток Ивановичь: |15| «Свет государь, великии князь Владимер киевъскии! Я поеду в землю Задонскую, возму дани и выходы». Что зговорит Алеша Поповичь: «Свет государь, великии князь Владимер киевъскии! Я поеду в землю Алевитцкую, возму дани и выходы за тритцат лет и за три годы».
И те речи великому кънязю полюбилися, подносит им чары зелена вина, |20| и запивают меды сладкими, и с великим князем прощаютъца. И называютъца братьями назваными, и садятъца на свои добры кони, и едут из града Киева. И меж сабою такаво слово молвили: «Братъцы милыя, хто у нас наперед приедет до Киева, а каво не будет опосле, и нам ехать таво сыскивать». А сами поехали нарозно, всяк своим путем.
|25| Михаила Поток Ивановичь поехал возле моря синева, ажно по морю плавает лебяд2 белая. И Михаила вымает из налучи свои крепкои лук и ис колчана колену стрелу, и хочет убить лебяд белую. И она ему провещитца человеческим голосом. «Свет государь, Михаила Поток Ивановичь, не стреляи меня, лебяди белыя; я по морю плаваю лебедю, а перед табою3 |30| стану краснаю девицаю». И Михаила не успел в налуч положить крепка лука и в колчан колены стрелы, ажно перед ним стала краснаю девицаю. И Михаилу она полюбилася, и берет ея Михаила за руки белыя, и цалует во уста сахарныя, и сажает на свои доброи конь, и взял дани и выходы, и едет ко граду Киеву, а белую лебяд с собою же взял.
|35| И приехал до Киева, становитъца на свои богатырскои двор и идет ко князю Владимеру, а сам зъговорит такаво слово: «Свет государь, великии князь Владимер киевъскии, от меня тебе служба заслужена, привез дани и выходы наскоре». Что зговорит князь Владимер киевъскии: «Свет Михаило Поток Ивановичь! Тебе у меня за службу залата казна не запечатана и |40| кони на стоиле не заперты». И Михаила бьет чалом о сыру землю. И подносит ему чары зелена вина, и запивают меды сладкими.
И Михаила зговорит такаво: «Свет великии князь Владимер киевъскии! Ехал я возле моря синева, ажно по морю плавает лебяд белая; и я вынял из налучи свои крепкои лук и ис колчана колену стрелу, и хотел |45| убить лебяд белую. И она мне провещитца человеческим голосом: „Свет Михаила Поток Ивановичь, не стреляи меня, лебяди белыя; я по морю плаваю лебедю, а перед табою стану краснаю девицаю“. И я не успел в налуч положить крепка лука и в колчан колены стрелы, ажно передо мъною стала краснаю девицаю. И мне она полюбилас, и я привез ея во Киев |50| град». Что зговорит великии князь Владимер киевъскии: «Свет Михаила Поток Ивановичь, перепусти мне тое девицу красную». Что зговорит Михаила Поток Ивановичь: «Я ее, государь, тое девицу взял за саблею, я сам с нею свенъчаюся». И крестил ея, и венчалъся с нею, и венчал их владыко черниговскои, и дал еи имя: Белая Лебяд, Авдотья Лиховидовна. И почал |55| с нею любезна жить. И живет с нею4 два годы. А охотник был Михаила ездит во чисто поля тешитца по два месяца, и по три, и по пяти.