Воскресни́, Го́споди Бо́же мой, да вознесе́тся рука́ Твоя́, / я́ко Ты ца́рствуеши во ве́ки.
Стих: Испове́мся Тебе́, Го́споди, всем се́рдцем мои́м, пове́м вся чудеса́ Твоя́.
Го́споди, воздви́гни си́лу Твою́, / и прииди́ во е́же спасти́ нас.
Стих: Пасы́й Изра́иля вонми́, наставля́яй я́ко овча́ Ио́сифа.
Воскресни́, Го́споди Бо́же мой, да вознесе́тся рука́ Твоя́, / не забу́ди убо́гих Твои́х до конца́.
Стих: Испове́мся Тебе́, Го́споди, всем се́рдцем мои́м, пове́м вся чудеса́ Твоя́.
Воцари́тся Госпо́дь во век, / Бог твой Сио́не, в род и род.
Стих: Хвали́ душе́ моя́ Го́спода, восхвалю́ Го́спода в животе́ мое́м.
ПРОКИМНЫ ДНЕВНЫЕ
ПОНЕДЕЛЬНИК — ВТОРНИК — СРЕДА — ЧЕТВЕРГ — ПЯТНИЦА — СУББОТА
Творя́й А́нгелы Своя́ ду́хи / и слуги́ Своя́ пла́мень о́гненный.
Стих: Благослови́, душе́ моя́, Го́спода, Го́споди Бо́же мой, возвели́чился еси́ зело́.
Возвесели́тся пра́ведник о Го́споде, / и упова́ет на Него́.
Стих: Услы́ши Бо́же глас мой, внегда́ моли́ти ми ся к Тебе́.
Вели́чит душа́ Моя́ Го́спода, / и возра́довася дух Мой о Бо́зе Спа́се Мое́м.
Стих: Я́ко призре́ на смире́ние Рабы́ Своея́, се бо, отны́не ублажа́т Мя вси ро́ди.
Во всю зе́млю изы́де веща́ние их / и в концы́ вселе́нныя глаго́лы их.
Стих: Небеса́ пове́дают сла́ву Бо́жию, / творе́ние же руку́ Его́ возвеща́ет твердь.
Возноси́те Го́спода Бо́га на́шего / и поклоня́йтеся подно́жию но́гу Его́, я́ко свя́то есть.
Стих: Госпо́дь воцари́ся, да гне́ваются лю́дие.
Весели́теся о Го́споде, / и ра́дуйтеся пра́веднии.
Стих: Блаже́ни, и́хже оста́вишася беззако́ния и и́хже прикры́шася греси́.
СЕДАЛЬНЫ ОКТОИХА [10]
ПОНЕДЕЛЬНИК
ГЛАС 1 — ГЛАС 2 — ГЛАС 3 — ГЛАС 4 — ГЛАС 5 — ГЛАС 6 — ГЛАС 7 — ГЛАС 8
ВТОРНИК
ГЛАС 1 — ГЛАС 2 — ГЛАС 3 — ГЛАС 4 — ГЛАС 5 — ГЛАС 6 — ГЛАС 7 — ГЛАС 8
СРЕДА
ГЛАС 1 — ГЛАС 2 — ГЛАС 3 — ГЛАС 4 — ГЛАС 5 — ГЛАС 6 — ГЛАС 7 — ГЛАС 8
ЧЕТВЕРГ
ГЛАС 1 — ГЛАС 2 — ГЛАС 3 — ГЛАС 4 — ГЛАС 5 — ГЛАС 6 — ГЛАС 7 — ГЛАС 8
ПЯТНИЦА
ГЛАС 1 — ГЛАС 2 — ГЛАС 3 — ГЛАС 4 — ГЛАС 5 — ГЛАС 6 — ГЛАС 7 — ГЛАС 8
В ПОНЕДЕЛЬНИК НА УТРЕНИ, по 1-м стихословии седальны умилительны:
В беззакониих зачат есмь аз блудный, не смею взирати на высоту небесную, но дерзая на человеколюбие Твое зову: Боже, очисти мя и спаси мя.
Стих: Господи, да не яростию Твоею обличиши мене, ниже гневом Твоим накажеши мене.
Аще праведник едва спасается, аз где явлюся, грешный? тяготы и зноя дневнаго не понесох: но с наемники единагонадесяте часа сопричти мя, Боже, и спаси мя.
Слава, и ныне, Богородичен: Чудо чудес, Благодатная, в Тебе зрящи тварь радуется: зачала бо еси безсеменно, и родила еси неизреченно, Егоже чиноначалия Ангелов видети не могут: Того, Богородице, моли о душах наших.
По 6-й песни глаголется мученичен, аще не имать Минея кондака. Аще же имать, глаголется сей вкупе с седальнами мученичен (перед Богородичным, со стихом: Дивен Бог во святых Своих, Бог Израилева):
Страдания похвалою, и венечною почестию, славнии страстотерпцы, одеяшася Тобою, Господи: терпением бо ран беззаконных победита, и силою Божественною с небесе победу прияша. Тех молитвами даруй нам, Боже, велию Твою милость.