1. Судити суд бояром и околничим, а на суде быти у бояр и у околничих диаком, от суда и от печалованиа не имати, тако и всякому судие посула[109] от суда не имати никому; а судом не мстити, ни дружити никому.
2. А каков жалобник к боярину прийдет, и ему жалобников от себе не отсылати, а давати всем жалобником управа в всем, которым пригоже; а которого жалобника а непригоже управити, и то сказати великому князю, или к тому его послати, которому которые люди приказаны ведати…
17. О холопьей грамоте. А с холопа и с робы от правые грамоты и от отпустные боярину имати от печати, с головы по девяти денег; а диаку от подписи по алтыну2 с головы, а подьячему, которой грамоту правую напишет или отпустную, с головы по три денги.
18. О отпустной грамоте. А положить кто отпустную без боярского докладу и без диачьи подписи, или с городов без намест-нича докладу, за которым боярином кормление с судом боярским, ино та отпустная не в отпустную, опроче тое отпустные, что государь своею рукою напишет, и та отпустная грамота в отпустную…
37. Указ наместником о суде городскым. А в которой город или в волость в которую приедет неделщик или его человек с приставною, и ему приставная явити наместнику или волостелю, или их тиуном. А будут оба истца того города или волости суди-мыя, и ему обоих истцов поставити пред наместником или пред волостелем, или пред их тиуны.
38. А бояром или детем боярским, за которыми кормления с судом с боярским, и им судити, а на суде у них быти дворьскому, и старосте, и лутчим людем; а без дворского и без старосты и без лутчих людей суда наместником и волостелем не судити, а посула им от суда не имати, и их тиуном и их людем посула от суда не имати же, ни на государя своего, ни на тиуна, и пош-линником от суда посулов не просити. А имати ему с суда оже доищется ищея своего, и ему имати на виноватом противень по грамотам, то ему и с тиуном, а не будет где грамоты, и ему имати противу исцева. А не дошуется ищея своего, а будет виноват ищея, и ему имати на ищея с рубля по 2 алтына, и тиуну его с рубля по 8 денег; а будет дело выше рубля или ниже, ино имати на ищеи по тому же розчету, а доводчику имати хоженое и езд3 и правда по грамоте. А досудятся до поля4 да помирятся, и ему имати по грамоте, а побиются на поле, и ему имати вина и противень по грамоте; а где нет грамоты, а помирятся, и ему имати противень в полы исцева, то ему и с тиуном. А побиются на поле в заемном деле, или в бою, и ему имати противень против исцева; а побиются на поле в пожеге, или в душегубьстве, или в розбое, или в татбе; ино на убитом исцево доправити, а сам убитой в казни и в продаже наместнику, то ему и с тиуном…
54. А наймит не дослужит свое с урока, а пойдет прочь, и он найму лишен.
55. О займех. А которой купец, идучи в торговлю, возмет у кого денги или товар, да на пути у него утеряется товар без-хитростно, истонет, или сгорит, или рать возмет, и боярин обыскав да велит дата тому диаку великого князя полетную грамоту с великого князя печатаю, платити исцеву истину без росту. А кто у кого взявши что в торговлю, да шед пропиет, или иным каким безумием погубит товар свой без напрасньства, и того истцю в гибели выдати головою на продажу…
57. О христьанском отказе. А Христианом отказыватися из волости, из села в село, один срок в году, за неделю до Юрьева дня осеннего и неделя после Юрьева дня осеннего. Дворы пожилые5 платит в полех за двор рубль, а в лесех полтина. А которой христианин поживет за кем год да пойдет прочь, и он платит четверть двора; а два года поживет да пойдет прочь, и он полдвора платит; а три года поживет, а пойдет прочь, и он платит три четверти двора; а четыре года проживет, и он весь двор платит….
60. А которой человек умрет без духовные грамоты, а не будет у него сына, ино статок6 весь и земля дочери; а не будет у него дочери, ино взята ближнему от его рода.
88. СЛЕДСТВЕННОЕ ДЕЛО ОБ ИВАНЕ БЕРСЕНЕ И ФЕДОРЕ ЖАРЕНОМ
Думный человек Иван Никитич Берсень-Беклемишев и дьяк Федор Жареный были осуждены за непочтительные речи о великом князе Василии Ивановиче и его матери Софии Палеолог. Следственное дело, откуда взят приведенный ниже отрывок, напечатано в «Актах, собранных Археологической экспедицией», т. I, № 172.
Лета 7033[110] февраля. Сказывал Максим старец Грек2: «приходил ко мне Иван Берсень и говаривал со мною о книгах и. о цареградских обычяех: «ныне у вас цари бесерменские, и гонители; и вам деи ныне от них люта времена; и как вы от них проживаете»? И яз ему говорил: «цари у нас злочестивые, а у патреярхов и у митрополитов в их суд не въступаются». И Берсень молвил «хоти у вас цари злочестивые, а ходят так, ино у вас еще бог есть».
А келейник Максимов Афонасей сказал: что прихожи были к Максиму Иван Берсень, князь Иван Токмак, Василеи Михаилов сын Тучков, Иван Данилов сын Сабурова, князь Андреи Холмской и Юшко Тютин; а советен, господине, из тех добре Максиму Иван Берсень; коли к Максиму придут Токмак, Василеи Тучков, Иван Данилов, Сабуров, князь Ондрей Холмъской и Юшко Тютин, и они говаривали с Максимом книгами и спиралися меж себя о книжном, и нас тогды Максим и вон не высылает; а коли к нему придет Берсень, и он нас вышлет тогды всех вон, а с Берсенем сидят долго один на один…
И Максим молвил: «…да Берсень ко мне говорил: «добр деи был отец великого князя Васильев князь Иван3 и до людей ласков, и пошлет людей на которое дело, ино и бог с ними; а нынешней государь не по тому, людей мало жалует; а как пришли сюда грекове, ино и земля наша замешалася; а дотоле земля наша Рускаа жила в тишине и-в миру». А молвил то про великую княгиню Софью4: «Как пришла сюда мати великого князя великая княгиня Софьа с вашими греки, так наша земля замешалася и пришли нестроениа великие, как и у вас во Царегороде при ваших царех». И яз Берсеню молвил: «господине, мати великого князя великая княгиня Софья с обе стороны была роду великого, по отце царьский род царегородских, а по матери великого дуксуса Ферарийского Италейские страны». И Берсень мне молвил: «господине, какова ни была, а к нашему нестроенью пришла».
Да Максим жо сказывает: да Берсень жо, господине, мне говорил: «Максим господине, ведаешь и сам, а и мы слыхали у разумных людей: которая земля переставливает обычьи свои, и та земля недолго стоит; а здесь у нас старые обычьи князь велики переменил; ино на нас которого добра чаяти?» И яз Максим Берсеню молвил: «господине, которая земля преступает заповеди божьи, та и от бога казни чяет, а обычаи царьские и земьские государи переменяют, как лутче государству его». И Берсень молвил: «однако лутче старых обычаев держатися, и людей жа-ловати, и старых почитати; а ныне деи государь наш запершыся сам третей у постели всякие дела делает…»
Да Максим жо говорил: а то мне всего неупамятовати, что со мною Берсень говорил; многие, господине, речи Берсень про государя говорил: «Государь деи упрям и въстречи против себя не любит, кто ему въстречю говорит, и он на того опалается: а отец его князь велики против себя стречю любил и тех жаловал, которые против его говаривали»; да и заказывал мне Берсень, чтоб я тех речей не сказывал никому, что со мною Берсень говорил…
89. ИЗ ПОСЛАНИЯ СТАРЦА ФИЛОФЕЯ К ВЕЛИКОМУ КНЯЗЮ ВАСИЛИЮ III
«Послание старца Филофея» написано между 1515 и 1521 гг. Здесь пере-печатывается с сокращениями. «Православный собеседник», № 1, 1863.
Иже от вышняя и от всемощныя, вся содержащия десница божия, им же царие царствуют, им же велиции величаются и силнии пишут правду, — тебе пресветлейшему и высокостолнейшему государю великому князю, православному христианскому царю и владыце всех, браздодержателю святых божиих престол святыя вселенския и апостолския церкви пресвятыя богородицы честнаго и славнаго ея успения, иже вместо римския и константинопольския просиявшу. Старого убо Рима церкви падеся неверием аполлинариевы ереси; втораго же Рима Костянтинова града церкви агаряне внуцы[111] секирами и оскордми2 разсекоша двери. Сия же ныне третьяго новаго Рима державнаго твоего царствия святая соборная апостольская церкви, иже в концых вселенныя в православной христиансей вере во всей поднебесней паче солнца светится. И да весть твоя держава, благочестивый царю, яко вся царства православныя христианския веры снидошася в твое едино царство: един ты во всей поднебесней Христианом царь.
109
Посула — взятка. 2
110
111
Агаряне внуцы — турки. 2