Бог наш троица, иже прежде век сын ныне есть, отец и сын и святый дух, ниже начала имать, ниже конца, о немже живем и движемся есмы, и имже царие царьствуют и сильнии пишут правду; иже дана бысть единородного слова божия Иисус Христом, богом нашим, победоносная херугви и крест честный, и николи же победима есть, первому во благочестии царю Констянтину[132] и всем православным царем и содержателем православия, и понеже смотрения божия слова всюду исполняшеся, божественным слугам божия слова всю вселенную, яко же орли летание отекше, даже искра благочестия доиде и до Руского царьства: самодержавство божиим изволением почин от великого князя Владимера, просветцвшего всю Рускую землю святым крещением, и великого царя Владимира Манамаха, иже от грек высокодостойнейгиую честь восприемшу, и храброго великого государя Александра Невского, иже над безбожными немцы победу показавшего, и хвалам достойного великого государя Дмитрия, иже за Доном над безбожными агаряны велику победу показавшего, даже и до мстителя неправдам, деда нашего, великого государя Иоанна, и в закосненных прародительствиях земля обретателя, блаженные памяти отца нашего, великого государя Василия, даже доиде и до нас, смиренных скипетродер-жания Руского царствия. Мы же хвалим за премногую милость, произшедшую на нас, еже не попусти доселе десницы нашей единоплеменного кровию обогритися, понеже не восхитихом ни под ким же царьства, но божиим изволением и прародителей и родителей своих благословением, яко же родихомся во царьствии, тако и возрастохом и воцарихомся божиим велением, и родителей своих благословением свое взяхом, а не чюжее восхитихом. Сего православного истинного христианского самодержства, многими владычествы владеющего, повеление, наш же христианский смиренный ответ бывшему прежде православнаго истиннаго христианства и нашего содержания боярину и советнику и воеводе, ныне же преступнику честного и животворящего креста господня, и губителю христианскому, и ко врагом христианским слугатаю, оступльшим божественнаго иконного поклонения и поправшим вся священные повеления, и святые храмы разорившим, осквернившим и поправшим со священными сосудами и образы, яко же Исавр, и Гноетесныи, и Армейский2, сим всем соединителю, — князю Андрею Михаиловичю Курбскому, восхотевшему своим изменным обычаем быти Ярославскому владыце, ведомо да есть…
… Яко же беси на весь мир, тако же и ваши изволыпия быти Друзи и служебники, нас же отвергшеся, преступивше крестное Целование, бесов подражающе, на многообразныя ми воды всюду сети поляцающе, и бесовским обычаем на всячески назирающе, блюдуще хожения и глаголания, мняше нас яко безплотных быти, и от сего многия сшивающи поношения и укоризны на нас, и весь мир позорующих и к вам приносящих. Вы же им воздаяние много за сие злодейство даровали есте нашею же землею и казною, называючи их ложно слугами; от сих бесовских слухов няполнилися есте на мя ярости, яко же ехидна яда смертоносна, и возъярився на мя и душу свою погубив, и на церковное разорение стали есте. Не мни, праведный, на человека возъярився, богу приразитися; ино бо человеческо есть, аще и порфиру носит, ино же божественное…
… Како же не усрамившися раба своего Васьки Шибанова? Еже бо он благочестие свое соблюде, и пред царем и предо всем народом, при смертных вратех стоя, и ради крестного целования тебе не отвержеся, и похваляя и всячески за тя умрети тщашеся. Ты же убо сего благочестия не поревновал еси: единого ради моего слова гневна, не токмо свою едину душу, но и всех прародители души погубил еси, понеже божиим изволением, деду нашему, великому государю, бог их поручил в работу3 и оне, дав свои души, и до смерти своей служили, и вам, своим детем, приказали служити и деда нашего детем и внучатом. И то то все забыл, собацким изменным обычаем преступил крестное целование, ко врагом христианским соединился еси; и к тому, своея злобы не разсмотряя, сицевыми и скудоумными глаголы, яко на небо камением меша, нелепая глаголеши, и раба своего во благочестия не стыдишися, и подобная тому сотворити своему владыце отвергался еси.
Писание же твое приято бысть и разумлено внятельно. И понеже убо положил еси яд аспиден под устнами своими, наполнено меда и сота, по твоему разуму, горчаише же пелыни обретающеся, по пророку глаголющему: «умякнуша словеса их паче елея, и та суть стрелы». Тако ли убо навыкл еси, христианин будучи, христианскому государю подобно служити? и тако ли убо честь подобная воздаяти от бога данному владыце, яко же бесовским обычаем яд отрыгаеши?..
… И сего ради, еже от юности моея благочестие, бесом подобно, поколебасте, и еже от бога державу, данную ми от прародителей наших, под свою власть отторгосте. Ино се ли совесть прокаженная, яко свое царьство во своей руце держати, а работным своим владети не давати? И сему сопротивен разуму, еже не хотети быти работными своими владенну? И се ли православие пресветлое, еже рабы обладаему и повеленну быти? Сие убо от внешних и от (о)душевленных и о церковном.
Аще есть малое согрешение, но сие от нашего же соблазна и измены; паче же и человек есмь: нет бо человека без греха, токмо един бог; а не яко же ты, яко мнишися быти выше человека, со ангелы равен. А о безбожных человецех что и глаго-лати! Понеже тии все царьствии своими не владеют: како им повелят работныя их, тако и владеют. А Росииское самодержство изначала сами владеют всеми государьствы, а не бояре и вельможи. И того во своей злобе не мог еси разсудити…
111. ЖАЛОВАННАЯ ГРАМОТА ИВАНА ГРОЗНОГО ГРИГОРИЮ СТРОГАНОВУ (1564 г.)
«Дополнение к актам историческим», т. I, № 117.
Се аз царь и великий князь Иван Васильевич всеа Русии, преж сего в лете 7000 в шестьдесят шестом году[133] в априле в четвертом числе, пожаловал есми Григория Аникеева сына Строганова: что мне бил челом, а сказывал, что деи в нашей отчине ниже Великие Перми, за восемьдесят за восемь верст, по Каме реке, по правую сторону Камы реки с усть Лысвы речки, а по левую деи сторону реки Камы против Пызноские курьи, по обе стороны по Каме до Чюсовые реки места пустые, лесы черные, речки и озеры дикие, острова и наволоки пустые, а всего деи того пустого места сто сорок шесть верст; и прежде деи сего, на том месте, пашни не пахиваны, и дворы деи не стаивали, и в мою деи цареву и великого князя казну с того места пошлина никакая не бывала, и ныне не отданы никому, и в писцовых де книгах и в купчих и в правежных то место не написано ни у кого; и Григорий Строганов бил нам челом, а хочет на том месте городок поставити, и на городе пушки и пищали учинити, и пушкарей и пищалников и воротников устроити, для береженья от Нагайских людей и от иных орд, и около того места лес по речкам и до вершин и по озерам сечи, и пашню росчистя пахати, и дворы ставити, и людей называти неписменных и нетяглых, и росолу искати, а где найдется росол, и варницы ставити и соль варити; и мне б Григорья Строганова пожаловати, велети б ему на том месте городок поставити собою, а на городе пушки и пищали учинити и пушкарей и пищалников и воротников устроити собою для береженья от Нагайских людей и от иных орд, и около б того места лес по речкам и до вершин и по озерам велети сечи, и пашни росчистя велети пахати, и дворы ставити, и людей велети называти, и в том бы месте велети росолу искати, где найдется, и соль бы ему тут велети варити. И здеся на Москве казначеи наши про то место спрашивали пермитина Кодаула, а приезжал из Перми ото всех пермичь с данью и казначеем нашим, пермитин Кодоаул сказал о котором месте нам Григорей бьет челом и те деи места искони вечно лежат впусте, и доходу в нашу казну с них нет никоторого, и у пермич деи в тех местах нет уго-жаев никоторых. И ож будет так, как нам Григорий бьет челом и пермяк Кодаул сказывал… и яз царь и великий князь Иван Васильевич всеа Русии Григорья Аникеева сына Строганова пожаловал, велел есми ему на том пустом месте… на черных лесех городок поставити, где бы было крепко и усторожливо, и на городе пушки и пищали учинити, и пушкарей и пищалников и воротников велел есми ему устроити собою, для береженья от Нагайских людей и от иных орд, и около б того городка ему по рекам и по озерам и до вершин лес сечи и пашни около того городка роспахивати, и дворы ставити, и людей ему в тот городок неписменных и нетяглых называти… А тяглых людей и письменных к себе не называти и не приимати; а воров ему и боярских людей беглых, с животом, и татей и разбойников не принимати ж… А где в том месте росол найдут, и ему тут варницы ставити и соль варити, и по рекам и по озерам в тех местех рыба ловити безоброчно. А где будут найдут руду серебряную, или медяную, или оловяную, и Григорью тотчас о тех рудах отписывати к нашим казначеям, а самому ему тех руд не делати, без нашего ведома; а в Пермские ему ухожеи> и в рыбные ловли не входити. А льготы есми ему дал на двадцать лет, от Благовещеньева дни лета 7000 шестьдесят шестого до Благовещеньева дни лета 7000 восемьдесят шестого: и кто к нему людей в город и на посад, и около города на пашни и на деревни и на починки, придут жити неписменых и нетяглых людей, и Григорью с тех людей, в те льготные двадцать лет, не надобе моя царева и великого князя дань, ни ямские ни ямчюжные денги, ни посошная служба, ни городовое дело, ни иные никоторые подати, ни оброк с соли и с рыбных ловель, в тех местех…
132
Констянтину — имеется в виду римский император Константин (умер в 337 г-). при нем в Римской империи утвердилось христианство. 2