"Ob yu pri jivi in tal kyete loko?"
Laojen shwo: "Ya."
Sinior Wilson shwo: "Kwo es hao om it?"
Laojen jawabi: "Wel, kadawan koni kadawan. Jenta oftem lai visiti me, e me oftem go visiti li. Yoshi ye mucho kinda hir."
Sinior Wilson shwo: "Es interes-ney. E kwo es buhao?"
Laojen dumi idyen, poy shwo: "Wel, same kosas, pa fakta."
Don safari pa landa, e undey ta lai a un hotel in un syao urba. Dar oni servi deyfan fon klok shi-dwa e haf til klok un e haf. Ta promeni longem, poy vidi un yungo pa gata, shwo a ta: "Skusi ba, ob yu mog shwo kwel klok es?"
Yungo kan an swa-ney handakloka, jawabi: "Es klok shi-dwa."
Don bu joi al audi se, shwo: "Ob bu es pyu tarde?" Ta fai hunga, ta yao chi deyfan.
"Non," yungo shwo. "In nuy urba neva es pyu tarde kem klok shi-dwa."
Don fa-astoni, shwo: "Es interes-ney. Kwo yu maini?"
"Wel," yungo jawabi, "kadaves afte ke es klok shi-dwa, nu snova begin fon beginsa: klok un, klok dwa..."
Sinior Klark gun in ofis e zwo mucho muhim e mushkile gunsa, bat poy ta begin fogeti olo, e por se luy gunsa fa-mushkile. Undey ta shwo a swa: "Me sal go visiti doktor Martin fo toki om se."
Ta weiti in weitishamba she doktor Martin, kun otre pasientas tuhun, poy nana shwo a ta: "Nau yu mog zin."
Sinior Klark hasti zin doktor-Martin-ney ofis, e doktor shwo: "En-sidi ba, sinior Klark. Komo me mog helpi yu?"
"Oo, doktor," sinior Klark shwo, "es dashat-ney. Me bu mog remembi nixa fo pyu kem haf-minuta, e por se may gunsa fa-gro-mushkile. Kwo zwo? Ob yu mog helpi me?"
Doktor shwo: "Wen se begin-te, sinior Klark?"
"Wen begin-te kwo?" sinior Klark kwesti.
Sinior e madam Davi hev un son. Ta nami Bobbi, e ta hev-te janmadey kelke dey bak.
Pa bifoo-ney semdi madam-Davi-ney lao patra lai fo visiti ela e elay mursha, e ta bringi un prival plei-tren fo Bobbi.
Al dai it a Bobbi, ta shwo: "Skusi, Bobbi, me he fogeti om yur janmadey pa bifoo-ney dwadi, also me bu he dai sey dona dan."
"Oo, se bu muhimi, opa," Bobbi jawabi. "Danke gro!"
"E kwanto yar yu hev nau, Bobbi?" opa kwesti. Bobbi jan jawaba: "Me hev pet yar, opa."
"Hao," laojen shwo. "Nau yu es ya gran boy, Bobbi."
"Ya, opa," Bobbi shwo.
"E kwo yu ve zwo al bi pyu yash-ney?" opa kwesti.
Fo sey kwesta Bobbi toshi jan jawaba: "Me ve hev sit yar, opa," ta jawabi.
Dik es maryuan pa un gran ship. It navigi-go a Nipon e Ostralia, also Dik oftem resti pa ship duran kelke mes sin chu. Al en-jagi pa sabah, ta sempre vidi mar, o koyves koy portu.
Al hev dwashi-tri yar Dik gami e kupi un syao dom kun garden in suy-molya-ney urba. Toy urba es dale fon mar. Poy ta go a swa-ney ship e bu lai bak duran dwa mes. Fon portu ta go a urba bay bus e gro-joi por vidi molya snova.
Pa lai-she sabah ta somni til klok nin. Poy ta en-jagi turan e ek-kan tra winda. Traen winda ye kelke baum. Ta en-fobi gro e ek-salti al krai: "Nu he imbati kontra arda!"
Retrieved from "http://wiki.lidepla.info/index.php?title=Textatot&oldid=4319"
Personal tools
Zin
Namespaces
Page
Diskusa
Variants
Views
Read
Kan sursa
View history
Actions
Search
naviga
Shefpaja
Community portal
Nau-eventa
Nodave shanja
Kasuale paja
Helpa
Linka
Lidepla sait
Lideplandia
Lexikon
FasKitaba
Yahu
Shukilok
Proposi
Nove worda
Shanja
Toolbox
What links here
Related changes
Osobe pajas
Printable version
Permanent link
This page was last modified on 21 August 2018, at 20:25.
This page has been accessed 38,453 times.
Content is available under Creative Commons Attribution Share Alike.
Privacy policy
About Lidepla Wiki
Disclaimers