Глава 6
1Вънемлэте милостыня вашея не творити прэдъ чловэкы да видими будете ими. аще ли же ни. мьзды не имаате от отьца вашего иже эсть на небесехъ. 2эгда оубо твориши милостыню не въструби прэдъ собою яко лицемэри творять въ съборищихъ и въ стьгнахъ да прославять ся от чловэкъ. аминь глаголю вамъ яко въсприэмлють мьзду свою. зтебэ же творящоу милостыню да не чоуэть шоуица твоя чьто творить десница твоя. 4да будеть милостыни твоя въ таинэ и отьць твои видяи въ таинэ въздасть тебэ явэ. 5и эгда молиши ся не буди яко лицемэри. яко любять на съборищихъ и въ стьгнахъ и на распутиихъ стояще молити ся да явять ся чловэкомъ. аминь глаголю вамъ яко въсприэмлють мьзду свою. 6ты же эгда молиши ся въниди въ клэть твою и затвори двьри твоя и моли ся отьцоу твоемоу въ таинэ. и отьць твои видяи въ таинэ въздасть тебэ явэ. 7моляще же ся не лихо глаголэте якоже язычьници. мьнять бо ся яко въ мънозэ глаголании своэмь оуслышани будуть. 8не подобите ся оубо имъ. вэсть бо отьць вашь ихъже трэбоуэте прэжде прошения вашего. 9тако оубо молите вы ся: отьче нашь иже эси на небесехъ да святить ся имя твоэ. 10да придеть царьствиэ твоэ. да будеть воля твоя яко на небеси и на земли. 11хлэбъ нашь насущьныи даждь намъ дьньсь. и остави намъ длъгы нашя яко и мы оставляэмъ длъжьникомъ нашимъ. 1зи не въведи насъ въ напасть нъ избави ны от неприязии. яко твоэ эсть царьствиэ и сила и слава въ вэкы. аминь. 14аще бо отпоустите чловэкомъ съгрэшения ихъ отпоустить и вамъ отьць вашь небесьныи. 15аще ли не отпоущаэте чловэкомъ съгрэшении ихъ ни отьць вашь отпоустить вамъ съгрэшении вашихъ.16эгда же постите ся не будэте яко лицемэри сэтоующе. просмраждають бо лица своя да ся бышя явили чловэкомъ постяще. аминь глаголю вамъ яко въсприэмлють мьзду свою. 17ты же постя ся помажи главу твою и лице твоэ оумыи. 18да не явиши ся чловэкомъ постя ся нъ отьцоу твоэмоу иже эсть въ таинэ. и отьць твои видяи въ таинэ въздасть тебэ явэ. 19не съкрываите себэ съкровищь на земли идеже чрьвь и тьля тьлить. идеже татиэ подъкопавають и крадуть. 20съкрываите же себэ съкровища на небеси идеже ни чрьвь ни тьля тьлить. идеже татиэ не подъкопавають ни крадуть. 21идеже бо эсть съкровище ваше тоу эсть и срьдьце ваше.22свэтильникъ тэлоу эсть око. аще оубо будеть око твоэ просто вьсе тэло твоэ будеть свэтьло. 2заще ли око твоэ лукаво будеть вьсе тэло твоэ тьмьно будеть. аще оубо свэтой иже въ тебэ тьма эсть то тьма кольми; 24ни кыи же бо рабъ можеть дъвэма господинома работати. либо эдиного възненавидить а дроугааго възлюбить. ли эдиного дрьжить ся а о дроузээмь нерадити начьнеть. не можете богоу работати и мамонэ. 25сего ради глаголю вамъ: не пьцэте ся доушею вашею чьто эсте или чьто пиэте ни тэлъмь вашимь въ чьто облэчете ся. не доуша ли больши эсть пищя и тэло одеждя. 26възьрите на пътиця небесьныя. яко ни сэють ни жьнють ни събирають въ житьницу и отьць вашь небесьныи питаэть я. не вы ли паче лоучьше ихъ эсте; 27къто же от васъ пекы ся можеть приложити тэлеси своэмь лакъть эдинъ; 28и о одежди чьто печете ся; съмотрите крины сельныя како растуть ни троуждають ся ни прядуть. 29глаголю же вамъ яко ни соломонъ въ вьсеи славэ своэи облэче ся яко эдинъ от сихъ. з0аще же сэно сельноэ дьньсь сущеэ а оутрэ въ пещь въмэтаэмо богъ тако одээть кольми паче васъ маловэри. з1не пьцэте ся оубо глаголюще: чьто эмъ или чьто пиэмъ или чимъ одеждемъ ся; з2вьсэхъ бо сихъ языци ищуть. вэсть бо отьць вашь небесьныи яко трэбоуэте вьсэхъ сихъ. ззищэте же прэжде царьствия божия и правьды эго и си вься приложять ся вамъ. з4не пьцэте ся оубо на оутрэи. оутрэи бо дьнь собою пьчеть ся довълэть бо дьни зълоба своя.