Глава 10
1Аминь аминь глаголю вамъ: не въходяи двьрьми въ дворъ овьчии нъ прэлазя инудоу той тать эсть и разбоиникъ. 2а въходяи двьрьми пастырь эсть овьцамъ. зсемоу вратарь отврьзаэть и овьця гласъ эго слышять и своя овьця глашаэть по имени и изгонитв я. 4и эгда своя овьця ижденеть прэдъ ними ходить и овьця по нэмь идуть яко вэдять гласъ эго. 5по щоуждемь же не идуть нъ бэжять от нэго яко не знають щоуждиихъ гласа. 6сию притойчу рече имъ iсоусь. они же не разоумэшя чьто бэшя яже глаголааше имъ. 7рече же имъ пакы iсоусь: аминь аминь глаголю вамъ азъ эсмь двьри овьцамъ. 8вьсе элико ихъ приде прэжде мене татиэ суть и разбоиници нъ не послоушашя ихъ овьця. 9азъ эсмь двьри. мъною аще къто вънидеть съпасеть ся. и вънидеть и изидеть и пажить обрящеть. 10тать не приходить нъ да оукрадеть и оубиэть и погоубить. азъ придохъ да живот имуть и лише имуть. 11азъ эсмь пастырь добрыи. пастырь добрыи доушу свою полагаэть за овьця. 12а наимьникъ иже нэсть пастырь эмоуже не суть овьця своя видить влъкъ грядущь и оставляэть овьця и бэгаэть. и влъкъ расхытить я и распудить овьця. 1за наимьникъ бэжить яко наимьникъ эсть и небрэжеть о овьцахъ. 14азъ эсмь пастырь добрыи. и знаю моя и зиають мя моя. 15якоже знаэть мя отьць и азъ знаю отьца и доушу мою полагаю за овьця. 16и ины овьця имамъ яже не суть от двора сего и ты ми подобаэть привести и гласъ мои оуслышять и будеть эдино стадо и эдинъ пастырь. 17сего ради мя отьць любить яко азъ полагаю доушу мою да пакы прииму ю. 18ни къто же възьметь эя от мене нъ азъ полагаю ю о себэ. область имамъ положити ю и область имамъ пакы прияти ю. сию заповэдь прияхъ от отьца моэго. 19распьря же пакы бысть въ иоудеихъ за словеса си. 20глаголааху же мънози от нихъ: бэсъ имать и неистовъ эсть. чьто эго послоушаэте; 21ини глаголааху: си глаголи не суть бэсьноующааго ся. еда бэсъ можеть слэпомъ очи отврэсти; 22бышя же тойгда священия въ иероусалимэхъ и зима бэ. 2зи хождааше iсоусь въ црькъви въ притворэ соломони. 24обидошя же и иоудеи и глаголааху эмоу: доколэ доушя нашя въземлэши; аще ты эси христосъ рьци намъ не обиноуя ся. 25отвэща имъ iсоусь: рэхъ вамъ и не вэроуэте. дэла яже азъ творю въ имя отьца моэго та съвэдэтельствоують о мънэ. 26нъ вы не вэроуэте. нэсте бо от овьць моихъ. якоже рекохъ вамъ. 27овьця моя гласа моэго послоушають и азъ знаю я и по мънэ идуть. 28и азъ живот вэчьныи даю имъ. и не погыбнуть въ вэкъ и не въсхытить ихъ ни къто же от рукы моэя. 29отьць мои иже дасть мънэ болии вьсэхъ эсть. и ни къто же не можеть въсхытити ихъ от рукы отьца моэго. з0азъ и отьць эдино эсвэ. з1възяшя же пакы камениэ иоудеи да и побиють. з2отвэща имъ iсоусь: мънога дэла добра явихъ вамъ от отьца моэго. за коэ дэло камениэ на мя мещете; ззотвэщашя эмоу иоудеи глаголюще: о добрэ дэлэ камения не мещемъ на тя нъ о власфимии яко ты чловэкъ сы твориши ся самъ богъ. з4отвэща имъ iсоусь: нэсть ли писано въ законэ вашемь яко азъ рэхъ бози эсте; з5аще оны нарече богы къ нимъже бысть слово божиэ и не могуть ся разорити кънигы. з6эгоже отьць святи и посъла въ миръ вы глаголэте яко власфимисаэши занэ рекохъ яко сынъ божии эсмь. з7аще не творю дэлъ отьца моэго не эмлэте ми вэры. з8аще ли творю аще и мънэ вэры не эмлэте дэломъ моимъ вэру имэте да разоумээте и вэру имете яко въ мънэ отьць и азъ въ отьци. з9искааху же эго пакы яти и изиде от рукъ ихъ. 40и иде пакы на онъ полъ иордана на мэсто идеже бэ иоанъ прэжде крьстя и прэбысть тоу. 41и мънози придошя къ нэмоу и глаголааху яко иоанъ оубо знамения не сотвори ни эдиного же. вься же элико рече иоанъ о семь истина бэ. 42и мънози вэровашя въ нэго тоу.