Глава 16
1Си глаголахъ вамъ да не съблазните ся. 2от съньмищь ижденуть вы нъ придеть година да вьсякъ иже оубиэть вы мьнить ся слоужбу приносити богоу. зи си сътворять вамъ яко не познашя отьца ни мене. 4нъ си глаголахъ вамъ да эгда придеть година поминаэте си яко азъ рекохъ вамъ. сихъ же вамъ ис прьва не рекохъ яко съ вами бэхъ. 5нынэ же иду къ посълавъшоуоумоу мя и ни къто же от васъ не въпрашаэть мене: камо идеши; 6нъ яко си глаголахъ вамъ скръбь наплъни срьдьце ваше. 7нъ азъ истину глаголю вамъ: оунэ эсть вамъ да азъ иду. аще бо не иду азъ параклитой не придеть къ вамъ. аще ли же иду посълю и къ вамъ. 8и пришьдъ онъ обличить мира о грэсэ и о правьдэ и о судэ. 9о грэсэ оубо яко не вэроують въ мя. 10о правьдэ же яко къ отьцоу моэмоу иду и кътомоу не видите мене. 11о судэ же яко кънязь мира сего осужденъ бысть. 12эще мъного имамъ глаголати вамъ нъ не можете носити нынэ. 1зэгда же придеть онъ доухъ истиньныи наставить вы на вьсяку истину. не о себэ бо глаголати имать. нъ елико аще оуслышить глаголати имать и грядущая възвэстить вамъ. 14онъ мя прославить яко от моэго прииметь и възвэстить вамъ. 15вься элико имать отьць моя суть. сего ради рекохъ яко от моэго прииметь и възвэстить вамъ. 16въ малэ и кътомоу не видите мене и пакы въ малэ и оузьрите мя яко азъ иду къ отьцоу. 17рэшя же от оученикъ эго къ себэ: чьто эсть се эже глаголэть намъ: въ малэ и не видите мене и пакы въ малэ и оузьрите мя и яко азъ иду къ отьцоу; 18глаголааху же: чьто эсть се эже глаголэть въ малэ; не вэмъ чьто глаголэть. 19разоумэ же iсоусь яко хотэаху въпрашати и и рече имъ: о семь ли сътязаэте ся между собою яко рекохъ въ малэ и не видите мене и пакы въ малэ и оузьрите мя; 20аминь аминь глаголю вамъ: яко въсплачете ся и въздрыдаэте вы а миръ въздрадоуэть ся. вы же печальни будете нъ печаль ваша въ радость будеть. 21жена эгда раждаэть печаль имать яко приде година эя. эгда же родить отрочя кътомоу не помьнить печали за радость яко роди ся чловэкъ въ миръ. 22и вы же оубо нынэ печальни будете. пакы же оузьрю вы и въздрадоуэть ся срьдьце ваше и радости вашея ни къто же не възьметь от васъ. и въ той дьнь мене не въпросите ни чьсо же. аминь аминь глаголю вамъ: аще чьсо просите от отьца въ имя моэ дасть вамъ. 24доселэ не просисте ни чьсо же въ имя моэ. просите и приимете да радость ваша наплънэна будеть. 25си въ притойчахъ глаголахъ вамъ. нъ придеть година эгда кътомоу въ притойчахъ не глаголю вамъ. нъ не обиноуя ся о отьци възвэщу вамъ. 26въ той дьнь въ имя моэ въспросите. и не глаголю вамъ яко азъ оумолю отьца о васъ. 27самъ бо отьць любить вы яко вы мене възлюбисте и вэровасте яко азъ от бога изидохъ. 28изидохъ от отьца и придохъ въ миръ. пакы оставляю миръ и иду къ отьцоу. 29глаголашя эмоу оученици эго: се нынэ не обиноуя ся глаголэши а притойчя ни коэя же не глаголэши. з0нынэ вэмъ яко вэси вься и не трэбоуэши да къто тя въпрашаэть. о семь вэроуэмъ яко от бога эси ишьлъ. з1отвэща имъ iсоусь: нынэ ли вэроуэте; з2се грядеть година и нынэ приде да разидете ся къжьдо въ своя и мене эдиного оставите. и нэсмь эдинъ яко отьць съ мъною эсть. ззси глаголахъ вамъ да въ мънэ миръ имате. въ мирэ скръбьни будете нъ дрьзаите азъ повэдихъ миръ.