Славянская кормчая. По сему правилу постригати в монастыри без вкладов. Сице же глаголет и святых Апостол правило 29 чти о сем 36-ю главу всю в сей же книге. Никон 1, слово 2.
Иже злата ради приемляй приходящего во священнический чин, или во мнишеское житие, епископ убо, или игумен, или всяк священнического убо сый чина, или да престанет от того, или да извержен будет. Игумения же аще се сотворит, да изженется из монастыря, и да предана будет во ин монастырь на покорение. Такоже и игумен аще несть пресвитер. Принесенное же от приходящих имение, да останется. Аще же и сами суть, или изыдут, токмо аще не будет вина игуменя.