Первое, страх имейте Божий в сердце своем и милостыню творя неоскудну, это начаток всякому добру.
Если вам Бог умягчит сердце, то слезы испустите о грехах своих, рекуще: "Яко же блудницу и разбойника, и мытаря помиловал еси, тако и нас, грешных, помилуй!". И в церкви так делайте, и ложась. Не грешите ни одну же ночь; если можете, поклонитеся до земли, не забывайте, не ленитеся; тем бо ночным поклоном и пением человек побежает дьявола, и что в день согрешит - тем человек избывает.
На коне едучи, если иных молитв не умеете молвити, то "Господи, помилуй" зовите беспрестанно, втайне; это будет лучше, нежели мыслить безлепицу ездя.
Всего же паче убогих не забывайте, но елико могуще, по силе кормите, и придайте сироте, и вдовицу оправдите сами, а не вдавайте сильным погубити человека. Ни права, ни крива не убивайте, ни повелевайте убити его.
С любовью взимайте благословение от епископов, и попов, и игуменов, и не устраняйтеся от них, и по силе любите, да приимете от них молитву.
Паче всего гордости не имейте в сердце и в уме, но рцем: "Смертны есмы, днесь живи, а заутра в гроб; се все, что нам еси дал - не наше, но Твое, поручил нам еси на мало дний".
Старых чти, яко отца; а молодых - яко братью. Лжи блюдися, и пьянства, и блуда - ибо в том душа погибает и тело. Куда же ходяще путем по своим землям, не дайте пакости делать отроком, ни своим, ни чужим, ни в селах, ни в житех, да не начнут вас клясти. Куда же пойдете, идеже станете, напойте, накормите просящего; и боле же чтите гостя, откуду же к вам придет; те мимоходящие прославят человека по всем землям, либо добрым, либо злым.
Больного присетите. И человека не минете, не привечавше, добро слово ему дадите. Жену свою любите, но не дайте ей над собою власти. Се же вы конец всему; страх Божий имейте выше всего.
Аще забудете сказанное - перечитайте: и мне не будет срама, и вам будет добро.
Леность всему мати: что умеет - то забудет, а что не умеет - тому не учится. Не ленитеся ни на что доброе, первое - к церкви. Да не застанет вас солнце на постели; тако бо отец мой делал блаженный и все добрые мужи совершенные. А узревшие солнце -прославите Бога, с радостью рече: "Просвети очи мои, Христе Боже, иже дал мне еси свет Твой красный!". И еще: "Господи, приложи ми лето к лету, да остаток грехов своих покаявся, оправдив живот, тако похвалю Бога!".
Что советую творити отроку моему, то и сам отворил - дела на войне и на охоте, ночь и день, на зною и на зиме, не давая себе упокоя. Тоже и худого смерда, и убогих вдовиц не дал сильным обидети, и церковного наряда, и службы сам никогда не презирал. Да не зазрите меня, дети мои, ни иной, кто прочтет, не хвалю бо ся ни дерзости своея, но хвалю Бога и прославляю милость Его, иже меня грешного и худого, на вся дела человеческая потребна. Да сию грамотицу прочитаючи, потеснитеся на вся дела добрая, славяще Бога со святыми Его.
Смерти, дети, не бойтеся - ни в бою, ни от звери, но мужское дело творите, как вам Бог подаст. А если от Бога будет смерть, то ни отец, ни мати, ни братья не могут отъяти, но то, что добро есть блюсти - Божие блюдение, лучше человеческого.
Молитвы ко Пресвятой Богородице
К кому возопием. Владычице; к кому прибегнем в горести нашей, аще не к Тебе, Царице Небесная; кто плач наш и воздыхание приимет, аще не Ты, Пренепорочная, надеждо христиан и прибежище нам, грешным. Кто паче Тебе в милости; приклони ухо Твое к нам, Владычице, Мати Бога нашего, и не презри требующих Твоея помощи; услыши стенание наше, подкрепи нас, грешных, вразуми и научи, Царице Небесная, и не отступи от нас, раб Твоих, Владычице, за роптание наше, но буди нам Мати и Заступница и вручи нас милостивому покрову Сына Твоего: устрой нас, како угодно будет святей Твоей воле, и приведи нас, грешных, к тихой и безмятежной жизни, да плачемся о гресех наших, да возрадуемся же с Тобою всегда, ныне и присно, и во веки веков.
Заступнице усердная, Мати Господа Вышняго! За всех молиши Сына Твоего, Христа Бога нашего, и всем твориши спастися, в державный Твой покров прибегающим. Всех нас заступи, о Госпоже, Царице и Владычице, иже в напастех и в скорбех, и в болезнех, обремененных грехи многими, предстоящих и молящихся Тебе умиленною душею и сокрушенным сердцем пред Пречистым Твоим образом со слезами, и невозвратно надежду имущих на Тя избавления всех зол. Всем полезная даруй и вся спаси, Богородице Дево: Ты бо еси Божественный покров рабом Твоим.
О Владычице, не остави нас падших в тлю греховную, грешных и оскверненных всякими нечистотами, но призирай на нас, просвещай, вразумляй, очищай и спасай нас, яко Мати Спасова!
Молитвы преподобным Кириллу и Марии, родителям преподобного Сергия Радонежского
Тропарь, глас 3-й
Блаженств Христовых причастницы, честнаго супружества и попечения о чадех добрый образе, праведнии Кирилле и Марие, плод благочестия, Сергия преподобнаго, нам явивший, с ним же усердно молите Господа низпослати нам дух любве и смиренномудрия, да в мире и единомыслии прославим Троицу Единосущную.
Кондак, глас 4-й
Днесь, вернии, сошедшеся, восхвалим двоицу блаженную, благовернаго Кирилла и Марию добронравную, тии бо молятся вкупе со возлюбленным сыном своим преподобным Сергием ко Единому во Святей Троице Богу Отечество наше в правоверии утвердити, домы миром оградити, юныя от напастей и соблазнов избавити, старость укрепити и спасти души наша.