Молитва дня: молитва Божией Матери пред иконой Ее Грузинской (Красногорской).
Приими, Всеблагомощная Пречистая Госпоже, Владычице Богородительнице, сия честныя дары от нас, недостойных рабов Твоих, к Твоему цельбоносному образу пение возсылающих со умилением, яко Тебе Самой сущей ту и послушающей моления наша, подающи с верою просящим по коемуждо прошению исполнение: скорбящим скорби облегчаеши, немощным здравие даруеши, разслабленных и недужных исцеляеши, и от бесных бесы прогонявши, обидимыя от обид избавлявши, и насилуемых спасавши, грешных прощавши, прокаженных очищавши, и малых детей милуеши, и неплодныя от неплодства разрешавши. Еще, Госпоже Владычице, от уз и темниц свобождаеши, и всякия многоразличныя страсти исцеляеши, и очныя болезни уврачуеши, и от смертоносныя язвы избавлявши: вся бо возможна суть ходатайством Твоим к Сыну Твоему, Христу Богу нашему. О Всепетая Мати, Пречистая Богородице! Не престай молити о нас, недостойных рабех Твоих, славящих Тя и почитающих, и покланяющихся пречистому образу Твоему, и надежду имущих невозвратну и веру несумненну к Тебе, Приснодевей, Преславней и Непорочней, славящих, и чтущих, и поющих Тя во веки веков. Аминь.
5 сентября (четверг)
23 августа по ст. ст.
Отдание праздника Успения Пресвятой Богородицы. Мч. Луппа. Сщмчч. Ефрема, еп. Селенгинского, Иоанна пресвитера и мч. Николая. Сщмчч. Павла и Иоанна пресвитеров. Сщмч. Иринея, еп. Лионского. Прпп. Евтихия и Флорентия. Свт. Каллиника, патриарха Константинопольского.
Молитва дня: перед началом всякого дела.
Царю Небесный, Утешителю, Душе истины, иже везде сый и вся исполняяй, сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша. Благослови, Господи, и помоги мне, грешному, совершить начинаемое мною дело, во славу Твою. Господи, Иисусе Христе, Сыне Единородный Безначальнаго Твоего Отца, Ты бо рекл еси пречистыми усты Твоими, яко без Мене не можете творити ничесоже. Господи мой, Господи, верою объем в души моей и сердце Тобою реченная, припадаю Твоей благости: помози ми, грешному, сие дело, мною начинаемое, о Тебе Самом совершити, во имя Отца, и Сына, и Святаго Духа, молитвами Богородицы и всех Твоих святых. Аминь.
6 сентября (пятница)
24 августа по ст. ст.
Сщмч. Евтихия, ученика ап. Иоанна Богослова. Перенесение мощей свт. Петра, митр. Московского, всея России чудотворца. Прмч. Серафима. Мч. Татиона. Мц. Сиры, девы Персидской. Прп. Георгия Лимниота. Равноап. Космы Этолийского. Прп. Арсения Комельского. Прп. Аристоклия, старца Московского. Петровской иконы Божией Матери.
Молитва дня: по окончании дела.
Исполнение всех благих Ты еси, Христе мой, исполни радости и веселия душу мою и спаси мя, яко един Многомилостив, Господи, слава Тебе.
Достойно есть яко воистинну блажити Тя Богородицу, Присноблаженную и Пренепорочную и Матерь Бога нашего. Честнейшую херувим и славнейшую без сравнения серафим, без истления Бога Слова рождшую, сущую Богородицу Тя величаем.
7 сентября (субота)
25 августа по ст. ст.
Перенесение мощей ап. Варфоломея. Ап. от 70-ти Тита, еп. Критского. Прмч. Моисея. Сщмч. Владимира пресвитера. Свтт. Варсиса и Евлогия, епископов Едесских, и Протогена, еп. Каррийского, исп. Свт. Мины, Патриарха Константинопольского.
Молитва дня: кондак апостола Варфоломея.
Явился еси велие солнце Церкви, учений сиянием и чудесы страшными просвещая поющия тя, Варфоломее, Господень апостоле.
8 сентября (воскресенье)
26 августа по ст. ст.
Сретение Владимирской иконы Пресвятой Богородицы. Мчч. Адриана и Наталии и прочих 23, с ними пострадавших. Блж. Марии Дивеевской. Сщмч. Петра пресвитера. Св. Георгия исп., пресвитера. Сщмч. Виктора пресвитера, мчч. Димитрия, Петра и св. Романа исп., пресвитера. Прп. Адриана Ондрусовского. Псково-Печерской именуемой «Умиление», иконы Божией Матери.
Молитва дня: святым мученикам Адриану и Наталии. О святии мученицы Адриане и Наталие! Услышите нас, раб Божиих (имена), в час сей к вам молящихся: помолитеся о нас Владыце Христу Богу, много бо дерзновение к Нему стяжали есте, искренний молебницы о нас суще. Умолите Господа отпустити наша грехи и Небеснаго Царствия сподобити нас, да купно с вами прославим великолепое имя Пресвятыя Троицы, Отца, и Сына, и Святаго Духа, во веки веков.