О, пречудный угодниче Божий и чудотворче, преподобие отче Феодосие! Воистину дар Божий еси нам, иже во иночестве, и во священстве, и во юродстве Триипостаснаго Бога прославил еси. Приими малое сие моление наше и умоли Господа Бога, да помилует нас твоими мольбами, на путь покаяния всех наставит, вопиющих Ему: Аллилуиа, аллилуиа, аллилуиа.
Сей кондак глаголи трижды. И паки чтется первый икос: Ангелов Творец… И паки кондак: Избранный угодниче…
МОЛИТВА ПРЕПОДОБНОМУ ФЕОДОСИЮ КАВКАЗСКОМУ
О, святый угодниче Божий, преподобие отче Феодосие!
От юности Христа возлюбивый и Единому Ему последовавый, удалился еси в удел Матери Божией, на святую гору Афонскую, и оттуда ко Гробу Господню притекл еси. Там во священничестем чине много лет пребывая, совершал еси усердные моления за землю Российскую, за Церковь Православную и за народ русский.
Егда же постигло Русь Святую лихолетие безбожия, оставил ты Афон и Иерусалим и вернулся еси во Отечество свое, разделяя скорби народа своего и Церкви нашей святей, яко монах и священнослужитель, даже до темничнаго заточения. Вера твоя, кротость, смирение и терпение умиляли огрубевшие сердца в заточении с тобою пребывавших.
В годы брани ты, отче, помогал народу православному одолеть врага и супостата, и многих от уныния, горя и отчаяния самовольне живот свой скончати желавших, спасл еси. Помощию твоею укреплялись верные в уповании своем, яко Господь не оставил Отечество наше, Матерь Божия сохранит удел Свой, и гнев Божий Ея молитвами на милость претворится.
Многотрудный твой подвиг Христа ради юродства удиви, отче, не только нас, земных, но и небожителей, являвшихся тебе. Сие творит молитва праведника, верою крепкою послешествуемая.
Веси нужды и печали наша, преподобие отче Феодосие, веси и желание наше со Христом быти. Пройдя тесный и тернистый путь земнаго бытия, ты нес ярем тяжкий от братий своих, от неверных и соплеменников. Воспомяни нас, старче Божий, у Престола Господня, ибо ты обещал помогать всем, кто обратится к тебе.
Память твоя, отче, на Земли Кавказстей не оскудевает и поныне: с верою и упованием притекают православные люди к мощам твоим, прося заступления и помощи. Просим же тя, преподобие отче Феодосие: помози нам в трудный час жизни, в минуты скорбей и страданий, умоли Начальника мира Господа, да умягчит Он злые и огрубевшие сердца человеческия и умирит народы Кавказа. Да разорит нечестивые советы раскольников и еретиков, восстающих на Святую Церковь Русскую.
Твоими молитвами, святче Божий, да простит нам Господь всякия прегрешения, да минуют нас стрелы вражия и козни диавольския. Испроси у Творца и Промыслителя жизни нашея Господа время на покаяние, от пагубы избавление, болящим здравие, падшим восстановление, скорбящим утешение, чадам во страхе Божием воспитание, отходящим к вечности благое уготовление, отшедшим упокоение и Небеснаго Царствия наследование.
Буди, отче Феодосие, покровителем и помощником всем верным земли Кавказской. Да укрепится и умножится на ней и во всей Руси Великой Святое Православие. Мы же, святыми твоими молитвами укрепляеми, прославим Живоначальную Троицу и твое освященное Богом имя, ныне и присно и во веки веков. Аминь.
ЛИТЕРАТУРА
1. Подвижники благочестия XX века. — «ИЕРУСАЛИМСКИЙ БАТЮШКА» — Иеросхимонах Феодосий. Международный издательский центр православной литературы. Москва, 1994, стр. 172. По благословению Святейшего Патриарха Московского и всея Руси Алексия II.
2. Подвижники благочестия XX столетия. — Старец Феодосий Иерусалимский Северо-Кавказский Чудотворец (1800–1948). — Житие: подвиги и чудеса. — Народная библиотека, 1994, стр. 156.
3. Подвижники благочестия XX столетия. — Том 1. Народная библиотека. — Издание православного братства во имя иконы Божией Матери Неопалимая Купина. — Старец Феодосий Иерусалимский, северо-кавказский чудотворец. 1800–1948. Стр. 201–344.
4. Собеседник православных христиан. — Светильник земли Русской. — По вере вашей да будет вам. Чудотворец Феодосий Иерусалимский и его наставления. Санкт-Петербург, 1995, стр. 74. По благословению Высокопреосвященнейшего Иоанна, митрополита Санкт-Петербургского и Ладожского.
5. Житие иеросхимонаха отца Феодосия Иерусалимского. Машинопись от 28.10.1982 г. Г. Грозный, Лукинова Анастасия. Стр. 80.
6. «Ставропольская правда» от 21.11.1995 г. Старче Феодосий — жизнь и деяния.
7. «Православный голос Кубани», №№ 7, 8 июль 1995 г. «Дивен Бог во святых своих»; «Паломничество в «Горную» пустынь»; «Краткое жизнеописание святого преподобного Феодосия Кавказского»