Кажущаяся же тяжесть креста Христова зависит оттого, что иные с неохотою приемлют и несут его и не стараются выполнять обетов, данных им при вступлении во иноческий чин. А кто с полным самоотвержением приемлет на себя иго Христово, с верою и надеждою несет его до самой смерти, тот не может тяготиться этим; он уверен, что Господь Бог не оставит его в трудные минуты без вспомоществования и пошлет ему в изнеможении во облегчение и утешение, вместо Симона Киренейского на крестном пути Голгофском, ангела-хранителя.
Слышавши все сие, боголюбивые сестры о Господе и благочестивые слушатели, возведем сердце и ум наш к Распятому на Голгофе за нас и обратимся с молитвою, взывая непрестанно: «Господи Иисусе Христе! За нас, грешных, Ты восприял мучения, страдания, биения и оплевания; ради нашего спасения Ты распят на кресте и пригвоздил рукописание грехов наших; в язвах спасительного креста Твоего мы, плачущие, обретаем источник всех наших радостей и утешений, — научи крестом Твоим нас и предстоящих зде, восприявших святый ангельский образ для спасения души своей, распинать плоть со страстьми и похотьми!
Поклоняясь Страстем Твоим, Христе, надеемся на силу креста Твоего в наших немощах и просим усердно всемогущей помощи Твоей на всех путях многомятежной жизни нашей, чтобы мы с верою и любовию, огражденные крестом Твоим, прославляли на земли и на небеси славу Твою и пресвятое имя Твое. Аминь».
Молитвенное правило
Иверской обители, заимствованное из Гефсиманского скита
Боже, очисти мя, грешную, и помилуй мя. (Поклон.).
Создавый мя, Господи, помилуй мя. (Поклон.).
Без числа согреших, Господи, прости мя. (Поклон.).
Боже, милостив буди мне, грешной. (Поклон.).
Боже, прости беззакония моя и согрешения. (Поклон.).
Пресвятая Владычице моя Богородице, помилуй мя и спаси мя, и помози ми ныне в жизни сей, и во исходе души моея, и в будущем веце. (Поклон.).
Непобедимая, непостижимая, Божественная сило Честнаго и Животворящаго Креста Господня, не остави мя, грешную, уповающую на Тя. (Поклон.).
Вся небесныя силы, святии ангели и архангели, херувими и серафими, помилуйте мя и помолитеся о мне, грешной, ко Господу Богу и помозите ми ныне в жизни сей, и во исходе души моея, и в будущем веце. (Поклон.).
Ангеле Христов, хранителю мой святый, помилуй мя и помолися о мне, грешной, ко Господу Богу и помози ми ныне в жизни сей, и во исходе души моея, и в будущем веце. (Поклон.).
Святый великий Иоанне, Пророче, Предтече и Крестителю Господень, помилуй мя и помолися о мне, грешной, ко Господу Богу и помози ми ныне в жизни сей, и во исходе моея, и в будущем веце. (Поклон.).
Святии велиции трие святителие: Василие Великий, Григорие Богослове и Иоанне Златоусте, помилуйте мя и помолитеся о мне, грешной, ко Господу Богу и помозите ми ныне в жизни сей, и во исходе души моея, и в будущем веце. (Поклон.).
Святителю отче Николае, помилуй мя и помолися о мне, грешной, ко Господу Богу и помози ми ныне в жизни сей, и во исходе души моея, и в будущем веце. (Поклон.).
Преподобнии отцы, Иоанне, списателю «Лествицы», Антоние, Феодосие и вси Киево-Печерские чудотворцы, помилуйте мя и помолитеся о мне, грешной, ко Господу Богу и помозите ми ныне в жизни сей, и во исходе души моея, и в будущем веце. (Поклон.).
Святии апостоле, первомучениче архидиаконе Стефане, великомучениче и целителю Пантелеимоне, преподобнии отцы Сергие, Никоне, Дионисие и вси Радонежские чудотворцы и святый праведный Филарете, помилуйте мя и помолитеся о мне, грешной, ко Господу Богу и помозите ми ныне в жизни сей, и во исходе души моея, и в будущем веце. (Поклон.).
Преподобнии отцы Зосимо и Савватие, Соловецкие чудотворцы, помилуйте мя и помолитеся о мне, грешной, ко Господу Богу и помозите ми ныне в жизни сей, и во исходе души моея, и в будущем веце. (Поклон.).
Святии великомученицы Варваро, Екатерино, преподобномученице Февроние и мученице Фомаидо, святый мучениче Иоанне Воине, помилуйте мя и помолитеся о мне, грешной, ко Господу Богу и помозите ми ныне в жизни сей, и во исходе души моея, и в будущем веце. (Поклон.).
Святии славнии и всехвальнии апостоли, пророцы и мученицы, святителие, преподобнии, праведнии и вси святии, помилуйте мя и помолитеся о мне, грешной, ко Господу Богу и помозите ми ныне в жизни сей, и во исходе души моея, и в будущем веце. (Поклон.).
Господи, или словом, или делом, или помышлением согреших во всей жизни моей, помилуй мя и прости мя милости Твоея ради. (Поклон.).
Боже, очисти мя, грешную, яко николиже сотворих благое пред Тобою, но избави мя от лукаваго, и да будет во мне воля Твоя: да неосужденно отверзу уста моя недостойная и восхвалю имя Твое святое, Отца и Сына и Святаго Духа, ныне и присно и во веки веков. Аминь. (Поклон.).
Господи Иисусе Христе, Боже мой, посещаяй тварь Свою, Тебе явлены страсти моя, и немощь естества моего, и крепость супостата моего; Ты Сам, Владыко, покрый мя от злобы его, занеже сила его крепка и естество мое страстно и сила немощна; Ты убо, Благий, ведый немощь мою, Иже носяй неудобство бессилия моего, сохрани мя от помысла смущенна и потопа страстей и достойна мя сотвори сея службы святыя, да никако во страстех моих растлю сладость ея и обрящуся бесстудна пред Тобою и дерзостна, но милостию Твоею помилуй мя, яко благословен еси вовеки. Аминь. (Поклон).
Владыко Господи Иисусе Христе, Боже мой, Ты помощник ми буди в руку Твоею аз, да не оставиши мене согрешати, яко прельщена есмь, да не оставиши мене последовати хотению моему лукавому, да не оставиши меня во гресех моих; ущедри Твое создание, не отвержи мене от лица Твоего грех ради моих, яко к Тебе прибегох: исцели душу мою, яко согреших Ти, пред Тобою суть вси оскорбляющий мя и ищущии душу мою изъята ю, и несть мне прибежища инаго, токмо к Тебе, Господи. Господи, спаси мя милости Твоея ради, яко Ты еси, Господи, сильный во всяческих, яко Твое есть Царство и сила и слава, со Отцем и со Святым Духом, ныне и присно и во веки веков. Аминь. (Поклон.).
Господи, аще хощу, аще не хощу, спаси мя, понеже бо аз, яко кал любовещный, греховную скверну желаю, но Ты, яко благ и всесилен, можеши мя возбраните; аще бо праведнаго помилуеши, ничтоже велие, и аще чистаго спасеши, ничтоже дивно, достойни бо суть милости Твоея; но на мне паче, Владыко, окаянней, грешней и скверней, удиви Милость Твою, покажи благоутробие Твое: Тебе бо оставлена есмь нищая, обнищавши всеми благими делы. Господи, спаси мя милости Твоея ради, яко благословен еси вовеки. Аминь. (Поклон.).
Владыко, помилуй мя благости Твоея ради и не остави мене заблудите от Твоея воли, и не отвержи убогия молитвы моея от Твоего лица, но услыши, Господи, глас молитвы моея, егда молюся Тебе во дни и в нощи, и приими, яко кадило избранно, и не возбрани грехов моих ради благодати Твоея, но спаси мя имене Твоего святаго ради. Твое бо есть еже миловати и спасати ны, и Тебе славу возсылаем, Отцу и Сыну и Святому Духу, ныне и присно и во веки веков. Аминь. (Поклон.).
Пресвятая Владычице моя Богородице, святыми Твоими и всесильными мольбами отжени от мене, смиренной и окаянной рабы Твоея, уныние, забвение, неразумие, нерадение и вся скверная, лукавая и хульная помышления от окаяннаго моего сердца и от помраченнаго ума моего; и погаси пламень страстей моих, яко нища есмь и окаянна. И избави мя от многих и лютых воспоминаний и предприятий, и от всех действ злых свободи мя. Яко благословена еси от всех родов, и славится прелестное имя Твое во веки веков. Аминь. (Поклон.).