Сие написание, егда иерей служит один, или с диаконом. Егда же время идти иерею в церковь, идут к Патриарху в келью, аще есть диакон, то оба, и пришед целуют иконы, и шед во алтарь облачаются по чину, потом умыв руки, пришед к жертвеннику, украся святые сосуды, начнет действовать, таже иерей возьмет левою рукою просфору, а правою святое копие, и знаменует сверху просфоры копием крестообразно трижды глаголя: «воспоминанием творим Господа Бога и Спаса нашего Иисуса Христа». А в другом печатном служебнике написано у диакона Дорофея сице; «воспоминанием творим Господа Бога и Отца нашего Иисуса Христа»; и режет по чину якоже и мы; егда же речет диакон «возми Владыко», иерей вложив святое копие от боку с правой страны просфоры, глаголя: «яко вземлется от земли живот его, ныне и присно и во веки веком, аминь». А в старом служебнике написано токмо «яко вземлется от земли живот его», а «всегда».... нет; таже диакон «пожри Владыко», иерей обратя артос и порежет копием крестовидно, глаголя: «жрется агнец Божий» и проч., таже диакон «прободи Владыко», иерей положа артос на дискосе печатию и прободает копием агнец с правой страны, сиречь от полуденной; таже диакон льет вино и воду по чину, якоже писано, таже прием иерей вторую просфору, глаголя: «в честь и память преблагословенныя» и проч., и взем мерида[291] треугольну невелику, и положит одесную страну святого хлеба, глаголя: «предста царица» и проч.; таже прием третью просфору, глаголя: «честнаго и славнаго пророка» и проч., и взем первую часть малешиньку крошку ушкнет, а, не как мы, обрезав треугольну, вымает и положит одесную страну, сиречь от нижней страны, ниже части Богородицыной, творя начало первого чина, таже держа тоеж просфору, глаголя: «святых славных и всехвальных апостолов» и проч., и взем вторую часть, сиречь мерида крошку маленькую, якоже и первую, ущипком ушкнет, и положит ниже первой, таже глаголя: «иже во святых отец наших» и проч., и положит третью часть ниже второй, и кончает первый чин; таже держа туж третью просфору, глаголя: «святаго апостола первомученика и архидиакона Стефана» и проч., и взем четвертую мерида, положит посторонь первой части, творя второму чину начало, таже глаголет: «преподобных и богоносных отец наших Антониа» и проч., и взем пятую часть и положит ниже части первой второго чина; таже держа туюж просфору, глаголя: «святых чудотворцев безсребренник Космы и Дамиана» и проч., и вземше шестую часть и положит ниже второй, и кончает второй чин; таже держа туюж сфрагиду, глаголя: «святых и праведных богоотец Иоакима и Анны», и взем часть седьмую творит начало третьего чина, таже глаголет: «иже во святых отца нашего Иоанна, архиепископа Константина града злагоустаго», аще литургия его, аще ли Василиева, то глаголя: «иже во святых отца нашего Василиа» и проч., и взем девятую часть и положит ниже второй третьего чина, и кончает третий чин, глаголя: «и всех святых Твоих, ихже молитвами посети нас Боже. Таже взем четвертую просфиру, глаголя: «помяни, Владыко человеколюбче, всех епископов благочестивых и архиепископа нашего (имярек), честнаго пресвитерства, еже о Христе» и проч., таже поминает их же хочет живых имена, и взимает части, и полагает ниже трех чинов[292]; таже прием пятую[293] сфрагиду, глаголет: «о памяти и оставлении грехов блаженых и приснопамятных (имярек) и проч., и о всех иже о надежди и воскресения жизни вечныя» и проч., таже глаголет: «помяни Господи и наше недостоинство, и прости ми всякое согрешение, вольное и невольное».
292
В синод. списке след. прибавка: