Князь же вел(икий) обвеселися сердцемъ и не повода никому реченного старцем. Идый ко городу своему, яко обретъ нѣкое[Я некое велие.] сокровище некрадомое, несый благословение старче. Приехавъ на Москву и прииде и з братом своим, князем Володимером Андреевичем,//к преосвященному митрополиту, еже рече ему старец святый и како благословение даст ему и всему его войску православному. Архиепископъ же повели ему сия словеса сохранити и не повѣдати никомуже.
Приспѣвшу же четвертку авгус(та) 19 день, память с(вятаго) Пимина Отходника, восхотев к(ня)зь Дмитрий Иванович изыити против безбожных печенѣгъ. И поем со собою брата своего Володимера Андреевича и ста въ церкви с(вятыя) Богородица пред образом Господнимъ, пригнувъ руцѣ к персемъ своим, источ- никъ слез проливаючи, моляся, рече[Е, Я на поле м(о)л(итва) до Христа.]: «Владыко страшный и крепкий, воистинну бо еси царъ славы, помилуй нас грешных, егда унываем, к тебѣ, единому, прибегаем, нашему спасителю и благодателю, твоею рукою созданны есмы. Но вѣм, Господи, яко согрешения моя возыидоша ми на главу мою, не остави нас и не отступи от нас. Суди, Господи, обидящим мя и возбрани борущимся со мною, приими оружие и щит и стани во помощъ мнѣ. И дай же ми, Господи, победу на враги противныя, да и тыи познаютъ славу твою». И пакы прииде ко чюдотворному образу госпожѣ царицѣ владычицѣ Богородиц[Е, Я на поле м(о)л(итва) до пресвятой Богородицы.] юже Лука еуангелист живъ написа, рече: «Госпоже чюдотворнаа царице, владычице Богородице, всея твари помощнице человеческая и заступнице, тобою познахом истиннаго Бога, воплощшагося и рождшагося ис тебе. Не дай же, Госпоже, в разорение града нашего поганым, да не осквернят святых твоих церквий и вѣры християн- ския. И моли Сына своего Христа, Бога нашего, да Господь смирить сердце врагом нашим, да не будет рука их высока. И свою, Госпоже, помощъ поели с нами, нетленною своею ризою покрый нас, да не страшливы будем ранам, на тя надеемся и тобою ся хвалим, пречистая, иже в молитвѣ сы, яко твои есмы раби. Вѣм бо, Госпоже, аще хощеши, можеши нам помощи на сопротивныа враги, иже не призывают святого ти имени. Мы же, Госпоже, на тебѣ ся надѣем и на твою помощь на противныя //
л.298, об., враги, подвизаемся[Испр. по У. Е, Я подвизайся.] против безбожных печенѣг, да будетъ тобою умоленъ Сынъ твой и Богъ нашъ». И паки прииде ко гробу блажен- наго чюдотворца[Е, Я па поле к(ня)зь молится у гробу с(вятого) Петра чудотворного.] Петра, любезно к нему припаде, моляся: «О чюдотворный святителю Петре, по милости Божой чюдодѣеши безпрестанно. И нынѣ приспѣ ти время за нас молитися ко общему владыце. Нынѣ убо на мя ополчишася супостаты поганый, на град твой Москву вооружаются. Тебе нам Господь прояви, последнему роду нашему, вжеглъ тя нам свѣщу світлу на свѣщнице высоцѣ. Тобі подобает о нас молитися, да не приидет на нас рана смертная, и рука грѣшнича да не погубит нас. Ты бо еси стражъ нашъ крѣпкий от сопротивных нахождений,[Я наденый, У нападений.] яко твоя паствина». И сконча молитву, поклонися архиепискому. Архиепископ же, благословивъ, отпусти его и дасть ему Христово знамение — крестъ и послав священныя соборы и со крылосы во Фроловския ворота и во Костантиновские ворота и Николские и з живоносными кресты и чудотворными иконы, да всякъ воинъ благословень будет ими.