229. А будет кто к кому нибудь приставит в деревенской в какой нибудь обиде, а учинили де ту обиду люди, или крестьяне того, к кому приставят в беглых людях и крестьянех, и тот к кому в таком деле кто приставит, учнет бити челом, что люди его и крестьяне такую обиду учинили ли, и беглые люди и крестьяне в поместье его или в вотчине есть ли, про то ему неведомо, и чтобы ему в том деле дати сроку до тех мест, покаместа он про то дело проведает. И таким челобитчиком в таких делех для проведывания давати поверстной срок по указу, и давати их на поруки з записми в том, что им про ту обиду проведывати, и на тот срок стати к суду. А будет он на тот срок к суду не станет, и его тем не винити, а велети его сыскивати порутчиком его, и в том по тех порутчиках взяти поручная запись, что им его к ответу поставити вскоре. А покамест они того ответчика сыщут, и исцу велети на них взяти проести и волокиты по гривне на день.
А будет те порутчики учнут бити челом государю по того ответчика о грамоте, или о приставе: и им по того ответчика дати государева грамота, или пристава с поверстным же сроком, а покамест они его поставят, и на них велети правити проести и волокиты по гривне же на день. А будет те порутчики того ответчика на тот срок, которой в государеве грамоте будет написан, не поставят, и учнут бити челом государю о другом поверстном сроке, и им и другой поверстной срок дати, а исцу велети на них доправити проести и волокиты до тех мест, как они того ответчика поставят, по гривне же на день. А будет те порутчики того ответчика и на другой поверстной срок не поставят, и того ответчика в и(ы)сцове иску обвинить без суда, и велети исцов иск доправити на порутчиках его и отдати исцу.
230. А промеж сел и деревень вотчинником и помещиком велети городьба городити пополам. А будет чьею городьбою в поле войдет какая животина, и от той животины хлебу учинится потрава и толока, и тот потравленой и пытолоченой хлеб велети платити исцом тому, чьею городьбою в поле животина войдет. А у кого у помещиков, или у вотчинников будут отхожие луги, а к тем лугам придет чья пашенная земля, и в тех местех меж лугов и пашни городьба городити тому, чья будет пашня. А будет тою его городьбою выдет на те луги его, или иного кого животина, и тот луг та животина вытолочит, и тое толоку платити тому, чья будет городьба.
231. А будет кто нибудь на государеве или на вотчинникове или на помещикове земле писцовую межу испортит и столбы вымечет, или грани высечет, или ямы заровняет, или землю перепашет, а по суду и по сыску про то сыщется допряма, и тех людей на спорных межах бити кнутьем нещадно, и бив кнутом, вкинути в тюрму на неделю, а исцу велети на нем взяти за всякую грань по пяти рублев, и велети межи и грани зделати и ямы выкопати попрежнему. А будет такое дело учинят крестьяне меж себя в одной волости, или в селе, и им за то по тому же учинити наказание, бити их кнутьем же, а межу и грань велеть зделати попрежнему.
232. А будет про такое дело сыскати будет нечем, и в том учинити вера, крестное целование. И будет в том деле крест поцелует истец, и ему велети на ответчике зе всякую грань доправити по пяти рублев, а наказания ему не чинити, а грани и всякия признаки учинити попрежнему.
233. А будет кто у кого насильством отымет землю или межи или грани переделает, а сыщется про то допряма, и у того, кто так учинит, та чюжая земля взяв отдати тому, у кого отнял, да на нем же доправити владенье по государеву указу, а за насильство учинити наказание, что государь укажет.
234. А будет где межи и грани заросли, и доведется их подновити, и о том учнет тот, чьи те межи и грани, бити челом государю, и потому его челобитью к тем зарослым межам и гранем послати дворянина добра, и велети те межи и грани подновити с старожильцы и со окольними людьми при обеих помещиках и при вотчинниках, меж чьими землями те межи и грани учинены, и велети те межи и грани написати в книге. А старых признак на тех межах портить не велети, чтобы впредь о том у помещиков и у вотчинников никакова спору не было.
235. А будет государевых дворцовых сел и черных волостей у крестьян земля будет смежна с патриаршими или с митрополичи, и с орхиепископли и епископли, и с монастырскими, или с поместными, и с вотчинными землями, и в таких смежных землях учинится спор, и про такия спорныя земли сыскивати писцовыми и дозорными и отделными книгами, и всякими крепостьми и старожилцы и окольными всякими людьми, на которых учнут слатися дворцовых сел и черных волостей крестьяне и вотчинники и помещики, и по сыску в таких спорных землях указ чинити, розводити те спорные земли с старожилцы по старым межам и граням.