Да будет сыщется, кто на кого возмет какую крепость нарядным делом, по неволе, и таким людем, кто такия крепости учнет имати по неволе, чинити жестокое наказание, бити их кнутом нещадно при многих людех, чтобы им и иным таким впередь неповадно было так воровати. Да на них же велеть тем людем, на которых они такие воровские крепости зделают, правити бесчестье, да их же за ту вину сажати в тюрму на полгода. А площадным подьячим, которые такие крепости учнут писати воровством за очи, чинити казнь, отсечь рука. А кто в такие крепости учнет воровством же в послусех писатися, и тем чинити жестокое наказание, бити кнутом по торгом, и сажати их в тюрму, на сколько государь укажет.
252. А будет кто кому дав на себя какую крепость, учнет на того, кому он ту крепость даст, являти и бити челом государю и сказывати, что на него та крепость взята поневоле, и учнет он в том слатися на сторонних людей по стачке, а писана та крепость на площади, и в послусех у тоя крепости писалися площадные подьячие, и его рука у той крепости есть, а тот, кому он ту крепость на себя даст, и площадные подьячие на очной ставке с ним учнут говорити, что та крепость прямая, а не нарядная, а те люди, на которых тот челобитчик пошлется с ними по стачке, учнут ту крепость называти нарядною же, а после того сыщется допряма, что та крепость прямая, а не нарядная, а лживят ее для того, чтобы по ней исцова иску не платити, и тому челобитчику за такое его ложное челобитье, и тем людем, которые учнут по нем говорити ложно, с ним по стачке, учинити жестокое наказание, велети их бити кнутом нещадно при многих людех, чтобы им и иным таким впередь неповадно было так делати, да на них же велети тому, на кого они такое дело напрасно затеют, доправити бесчестие, да иск его по крепости сполна, да его же вкинути в тюрьму на полгода.
253. А будет кто кому дав на себя какую крепость нибудь, и учнет ту крепость на суде лживити, а та крепость за его рукою и писана та крепость на площади, и в послусех в той крепости написаны площадные подьячие, а до суда на ту крепость челобитья его и явок не бывало, и таким ответчиком не верить, и велети на них по таким крепостям исцовы иски править и отдавати исцом.
254. А кто по заемной кабале учнет на ком искати заемных денег, или иного чего, а заимщик в ответе скажет, что он по той кабале заемные денги, или иное что нибудь исцу платил, а на кабале того платежу будет неподписано, и отписи в том платеже не положит, или и положит, да руки исцовы у той отписи не будет, и им в том не верити, и по заемным кабалам денги и иные долги велети на них правити, и отдавати исцом, против заемных кабал сполна.
255. А правити заемные денги по кабалам и по духовным на заимщиках исцом истину, а росту на те заемныя денги не правити потому, что по правилом Святых Апостол и Святых Отец росту на заемныя денги имати не велено.
256. А давати по заемным кабалам суд в пятьнатцать лет, а сверх пятинатцати лет по кабалам суда не давать.
257. А будет которая заемная кабала и старее пятинатцати лет будет, а уплата по ней была, а в котором году та уплата была, и то на той кабале подписано имянно, и по той кабале в достальных в заемных деньгах и сверх пятинатцати лет суд давать, с того году, как был платежь за пятнатцать же лет.
258. А кто на ком учнет заемных денег искать по выданым кабалам, а кабалы из лет не вышли, и на кабалах будет подписано, что им те кабалы выданы за долг, или на те кабалы даны им даные, и по тем выданым кабалам исцом на заимщиках заемные денги велеть править без росту же. А будет та кабала, которую в суде истец положит, не подписана, и даные на ту кабалу у него, на чье имя та кабала писана, нет, и по той кабале суда не давать.
259. А кто кабалу полживит, и в том обличен будет, что кабалу лживил не делом, и за то долг взяти на нем исцу вдвое. А будет тот заимщик, на суде кабалу лживя, и не сходя с суда в том повинитца, что он тое кабалу лживил напрасно, и на нем долг взяти по кабале в однорядь за то, что он вину свою сам объявил.