8. 6780 (1272) г. «Слышав же се местер земля римьскыя таковое мужество князя Доманта и совокупи множество вои своих, и ополчися в силе тяжьце без божия повеления, и прииде к Пьскову граду в кораблих и в лодьях, и на конех с порокы, хотя пленити дом Святыя Троица, а князя Доманта руками изъимати, а муж пьсковичь мечем исещи, а иныя люди пьсковьскыя, непротивящия жены и дети, в работу вести.»
Описывается нападение Тевтонского ордена на Псков.
9. 6808 (1300) г. «Того же лета приидоша ис заморья немци свеискые в силе велице в реку в Неву и приведоша со събою мастеры хитрыя из Рима из великаго, и от папы мастеры приведоша нарочиты, и поставиша город над Невою на усть Охтъ рекы, и утвердиша его твердостью неисказанною, и поставиша в нем порокы, похвалившеся окааннии и нарекоша его Венець земли.»
Описывается основание шведами крепости Ландскрона на Неве.
10. 6830 (1322) г. «И князь великии Юрьи Данилович тогды бяше в Новегороде и повеле порокы чинити. … Того же лета поиде великии кньзь Юрьи Данилович с новогородьци к Выбору, городу немецьскому, и биша шедстью пороков, и избиша много немець в городе, града же не вземши, и бе бо крепок велми, а добрых мужь много паде.»
Описывается поход московского князя Юрия Даниловича на Выборг.
11. 6831 (1323) г. «Того же лета приходиша немци ратью к Пьскову в кораблех и в лодьях, и на конех и стояша у города 18 дни, порокы бьющи, городы своя придвигающи, а бьючи. И князь Давыдко поспе из Литвы с мужи своими и с пьсковичи, ополчився, и прогна их за Великую реку, а порокы и город их поима.»
Описывается нападение Тевтонского ордена на Псков.
12. 6850 (1342) г. «Наутрии же приидоша немци под город Избореск с силою великою, с порокы и с многым замышлением, и оступиша град, хотяще пленити дом святого Николы, а Олгирд и Кестутии повелеша своеи литве и видьбляном и пьсковичем бродитеся за Великую реку, а не ведаючи под Избореском рати немецьскыи. … И стояша немци под Изборьском дни 10, и воду отъяша от изборян, и помощью святыя богородица и молитвою святого Николы отъидоша прочь, пожегше порокы и весь запас свои, не ведаючи, аже в Ызборьсте воды нет.»
Описывается нападение Тевтонского ордена на Изборск под Псковым.
13. 6876 (1368) г. «Приходиша немци с великою силою, и бискупи их, и местерь, и кумендери под Избореск, новгородци же поидоша на них и доидоша Пьскова, немци же слышаавше и побегоша от Изборьска, и порокы посекли.»
Описывается нападение Тевтонского ордена на Изборск под Псковым.
14. 6890 (1382) г. «Татарове же пакы поидоша к городу, гражане же пустиша на них по стреле, они паче своими стрелами стреляху на град, акы дождь умножен зело, ни дадуще ни прозрети. Мнозии на градных забрал стояху и от стрел падаху язвени. И одоляхуть бо стрелы татарьскыя паче, нежели градскыя, бяху же у них стрелци горазди велми, ови от них стояще стреляху, а иныи скоро рычуще изучени суще, а друзии от них на конех скоро ездяще, на обе руце пакы наперед и назадь скоро и улучно без прогрехи стреляху. А иные от них створивше лестници, приклоняху к граду и лазяхуть на стену, гражане же воду в котлех варяще и кипятнею льяхуть их, ти тако възбраняхуть им. Отшедшим же им и пакы приступлешим, и тако по 3 дни бьяхуся промежди себе, пренемогающе, егда бо татарове приступаху близь стен градскых, тогда гражане стерегуще града и супротивящеся им, и възбраняху им, ови стрелами стреляху из заборол, инии же камением шибаху на ня, друзии же тюфякы пущаху на них, а инии самострелы напинающе и стреляху, и порокы шибаху, а инии великие пушки пущаху. В ни же бе един гражанин некто москвитин суконик именем Адам, иже бе над враты Фроловьскыми, и приметив единаго татарина нарочита и славна, еже бе сын некоторого князя ординьскаго, и напя самострел, и испусти напрасно на него стрелу, и ею же уязви его в сердце его гневливое, и вскоре смерть ему нанесе.»
Описывается штурм Тохтамышем Москвы. Жирным шрифтом выделено первое, как считается, упоминание огнестрельного оружия в России. Обратите внимание на применение разных глаголов к разным видам оружия: стрелами и из самострелов «стреляху», камнями и из пороков «шибаху», из тюфяков и пушек «пущаху».
15. 6906 (1398) г. «Ходиша новгородци за Волок ратью, воевода посадник Тимофеи Юрьевич, Юрьи Дмитриевич, Василии Синець, а рати с ними 3000, и воеваша белозерьские волости, и з Городка взяша 60 рублев, и губеньские волости и галичьскыя взяша на щит, и Устюг пожгоша. А под Орлецем стояша месяць, бьючи порокы, заволочане же убиша з городка Левушку, наши же взяша Орлець и раскопаша, а на двинянех взяша окуп 2000 рублев, а 3000 конев».