К тому уставуем: естли бы лице принесено было до вряду нашого, господарского, князского, паньского и земяньского, а хотя бы тое лице была речь важная — золото, серебро, грошы, шаты, кони дорогие, тогды от всего того лица, хотя наважнейшого, кождый вряд, взявши доход свой пятьдесят грошей, маеть тое лицо тому, хто его зысчеть, вернути и отдати, а злодей за вину злодейскую горлом каран будеть. А которое бы лицо стояло менш копы грошей, от того выкупна толко шесть грошей брано быти маеть.
Артыкул 25
О блудяги.
Кнежата и панове хоруговные, панове рада, также и врядники земские о блудяги, также и о то, с чого злодей согнан бываеть, мають ся заховати тым обычаем, нижей описаным, то ест, кгды ся чый конь албо якое иное быдля приблудить або згонное трафиться на йменью их, будеть взято до двора их, а будет ли в тот час в том именью пан сам, то такое быдля можеть у себе ховати, поки его тот, чые будеть, отыщеть. А отыскуючы, маеть от кождого коня тот, чый будеть, дати по два грошы, а быдло маеть отдавати даром. А шляхта, которые седять у поветех, преблудные або згонные клячы и быдло мають водити и давати до дворов наших, а болш трох дней не мають в себе ховати блудяги, также и згонного. По тому ж ся и врядники князские, паньские, кгды приблудное або згонное быдля або колко их в небытности в том именью самых панов их трафить, мають ся заховати и до вряду нашого отдавати, яко о шляхте вышей в сем же артыкуле описано. А вряд наш тую два грошы, беручы быдло, маеть тому, хто его дасть, отдати, а потом то собе у того, чые быдло будеть, озметь. А хто бы з шляхты або з урядников князьских, паньских через три дни в себе блудяги або згонные ховал и до двора нашого не дал, а то будеть на него переведено и лице з дому шляхетского або з двора паньского вынято, тогды того маеть ся справовати яко злодейства.
Артыкул 26
О краденью збожя всякого, в копах на поли або в стиртах зложоного, также и сена.
Уставуем: кгды бы хто злодейским обычаем чые збоже жал або готовое жатое збоже зложоное або сено крал, або сеножать злодейским таемным обычаем скосил, а тот, чые збоже або сено, будеть беручы зостал, тогды тот, хто зостанет, маеть, поймавшы, вести с тым лицом, з возы и с конми, где всхочеть, будь до вряду нашого кгродского або до пана его, а тот вряд наш або пан з оного чоловека справедливость учынити яко з ыншыми злодейми приличными винен будеть. Естли ж бы тые, што по жыто або по сено приехали, пойматися не дали, а в том кого с тых злочынцов забито або ранено, тогды тот, хто забеть, маеть стороне людям околичным и теж на враде оповедати и возным обвести и труп або ранных на вряде и возному оказати, звлаща естли бы тые злодеи, змоцнившыся, труп з собою не взяли або, ранными будучы, не увошли. А будет ли о то ку праву притягнен, тогды мает того отприсягнутися самотреть з суседы, которые бы при том были, а в недостатку людей сторонных — з слугами, поддаными своими, иж при збожю своем забил або ранил; таковый головщины ани ран платити не будеть повинен. Пакли ж бы тые злочынцы, змоцнившыся, того пана самого, будь слугу и подданых его при его ж збожю побили и поранили або и забили, а то бы на них слушным правом было переведено, таковые будуть повинны кгвалт платити дванадцать рублей грошей и раны подданым оправити, якого стану будуть. А ранит ли хлоп шляхтича, тот горло тратить. А естли бы шляхтич шляхтича в таком припадку забил, тот горлом каран будеть и головщына, кгвалт и шкоды з ыменья плачоны, а за зраненье навезка маеть быти плачона. А забет ли шляхтич простого чоловека, тот кгвалт, шкоды и головщыну платити маеть. А простый чоловек за простого забитье горлом каран будеть. Также кого бы поймано крадучы сноповье с коп або сенные копы або теж збоже, у пряжмо режучы под колос, таковый простый чоловек, кгды будеть з лицом приведен, маеть у столпа пугами бит быти, а шкоду з маетности заплатити, если што болш будеть менити. А естли бы на злодействе в поли не поймано, але лице в дому найдено албо следом присочоно, о то, яко и о иншом злодействе, маеть быти сужоно водлуг сего статуту.
Артыкул 27
О покраденье ставу и сажовки.
Уставуем: кому бы злодейским обычаем ловлено рыбы в ставе або в сажавце , таковый, кгды будеть пойман и приведен до вряду з лицом первшый раз, за доводом маеть быти пугами бит. А где бы тот же другий раз з лицом был пойман, тот за доводом слушным урезаньем уха каран будеть. А естли ся того ж третий раз допустить, тот за доводом слушным маеть быти каран яко злодей, хотя бы лицо не стояло шацуючы и десети грошей.
Артыкул 28
О шкоде, которая ся станеть часу пожоги або в стоненью на воде.
Кгды бы се трафило под часом от огню погоренья в месте або где колвек або бы хто на воде стонул, а в тот час што ему згинуло, которая згуба у кого колвек бы се затаеная показала, тогды тот, чыи речи будуть, маеть з ним о то чынити правом яко о злодейство. А тот, у кого то познано будеть, окажет ли то оповеданьем на вряде, же то з воды або с огня вынял, от злодейское вины волен будеть. А тые речи тому, чыи суть, вернути, але тот, хто такие речы свои всхочеть мети, половицею цены, чого стояти будеть, маеть у оного окупити.
Артыкул 29
О людях своволных таковых, который бы, намовивши невесту мужатку, и з нею уехал.
Повстегаючы злость людей своволных, уставуем, иж где бы хто, якого колвек стану будучи, пропомневши боязни божое и повинности своее хрестияньское , смел подмовити и взяти кому жону, хотя ж з ее призволеньем, и уехал бы з нею, тогды, будет ли постигнен в дорозе, в месте, в господе и на котором колвек местцу, маеть быти пойман и до вряду кгродского веден, яко и который иный злочинца, або теж з оселости его земское, позвы ку праву будучи притягнен на рок завитый, таковый за доводом слушным горло тратить. Так теж и тая невеста, которая на то позволила, на горле карана быти маеть. Кроме того, естли бы муж ее горлом карати не хотел, то мает зостати при воли его. А шкоды за бранье маетности за позволеньем таковое белое головы, то все з совитостью з ыменья его, хто то учинить, плачона быти маеть. Где бы ся теж то трафило, жебы в гоненью тот, который будеть гонити, от того, хто з мужаткою уезджаеть, забит был, або бы теж того, который бы таковым преречоным способом з белою головою уезджал, забито, тогды в том суд заховатися маеть водлуг того, яко о чужоложнику в сем же розделе, артыкуле нижнем тридцатом ест описано.
Артыкул 30
О каранью чужоложства.
Забегаючи, межи иншими, и той злости, абы ся в панствах наших християнских не множила, то ест чужоложство, которым немней пан бог бывает ображон, уставуем: естли бы муж, маючи в подозренью жону свою о чужоложство, и на тое бы ся насадиши якого колвек стану застал з нею на вшетечности, тогды волно будеть мужу, оного чужоложника и з женою своею поймавши, и то суседом околичным заразом оповедати, потом также заразом вести до вряду нашого кгродского, а там, показавши то перед урядом явне и правдиве, не з вазни, яко против жоны або тому, кого с нею застал, маеть их самотреть албо з людми сторонними, которые бы при том застатью и пойманью были, албо з слугами и челядью домовою поприсегнути. А они обое горлом карани быти мають.