Артыкул 5
Устава о пересудех и о паметном судьи и подсудку, также вряду кгродскому и иншим врядником нашим.
Уставуем, кгды суд земский кому што на ком присудить, тогды от презыску того, хто зыщеть, мають собе брати за працу свою пересуду от копы литовское по два грошы литовских, и с того пересуду судьи земскому маеть прийти грошы два, а подсудку третий грош. Нижли што се дотычеть долгу, хто бы будучи кому винен якую суму пенезей позычоную на запис свой або який иный долг от кого иного на нем записом его и за того, хто переводить, властным записом переведеный, а того бы заплатити не хотел аж за позвы с права, тогды не тот пересуд маеть платити, хто зыщеть свое властные пенези албо долг переведеный, але таковый сам долг свой и пересуд платити винен будет заразом того ж часу по сказанью, не отходечы от того ж вряду нашого. А естли бы упорне платити не хотел, тогды жалобная сторона на он час маеть своими пенезми вряду пересуд дати, а вряд то ему при головной суме на листе судовом и увяжчом доложити и на именью такового упорного ему отправити мает; так же и от долгов по змерлой руце, по которой потомки повинни пересуд платити. А што се дотычеть того, хто се от чого оттяжеть, тогды паметного яко от великое, так от малое речы и сумы пенежное не повинен больш дати вряду нашому и кождому иншому суду, толко чотыри гроши; хотя бы теж и колко албо колконадцать учасников або сябров в одной речы оттягалосе, тогды предсе не болш паметного, толко чотыри гроши вси мають дати. К тому теж от печатованья вечностей, кгды хто кому именье продаеть, даруеть, записуеть, на вечность заменяеть и даеть сознаньем своим обличне пришодши до вряду нашого земского з записом своим властным, тогды тот, хто именья набываеть, судьи паметного чотыри грошы, а подсудку два грошы, а за запечатованье выпису с книг того сознанья вечности другие чотыри гроши судьи, а подсудку от печати его два гроши маеть дати. А над тую уставу не мають врядники наши земские болш пересуду паметного и от печатей брати под виною на сторону, в которое бы над тую уставу болш поневольне было взято, дванадцатьма копами грошей. А што взял назвыш совито вернути маеть, которую вину винен будеть тот вряд наш земский за первшим позвом суду головного, а за присегою стороны жалобное укривжоному заплатити. Тым же обычаем и вряд наш кгродский пересуды и паметное от речей судовых, также и от сознанья вечности и яких иных записов только водлуг тое уставы нашое, вышей описаное, маеть брати. По тому ж и иншие, хотя не судовые державцы, тивунове и иншие всякие врядники замков, дворов и волостей наших около обранья пересудов и паметного противку всякого вряду и стану шляхетского и их слуг, бояр и подданых заховатисе мають. А где бы вряд наш кгродский, воевода, староста або державцы судовые над тую уставу и уфалу земскую што болш на ком взяли, тогды так же повинни будуть за первшим позвом суду головного и за доводом таковым, яко вышей описано, тую ж вину дванадцать коп грошей и што взял совито стороне заплатити. И тым же способом на именью такого врядника моцно отправено то быти маеть через возного поветового за листы суду головного, до вряду нашого земского албо кгродского о том писаными, и далей в той отправе поступуючи водлуг артыкулов, в сем же розделе о отправах речей сужоных описаных. А где бы не сами воеводове, старосты и державцы, и тивуны, але врядники их над тую уфалу болш на ком што взяли, тогды укривжоны водлуг артыкулу тридцать семого, в сем же розделе нижей описаного, поступовати и справедливости собе доводити маеть. А на неоселых в сем паньстве врадникох наших тые вины мають быти стороне отправлены через посланьца нашого на маетности его рухомой.
Артыкул 6
Устава доходов писаром земским и кгродским и о позвех писару в его речи, также иншим врядником и теж против врядников.
Писару земскому и кгродскому от кождых позвов або мамрамов двух на позвы по грошу, от листу заручного — гроши чотыри, от листу упоминального — гроши два, от вписанья позвов в рейстр — грош, от напису воланья ку праву альбо якого застановенья сторон, альбо зданья в нестанном — грош, за уписованье у книги — грош, от выписов с книг, оповеданья в кривдах поточных и от сознанья возного — гроши два; от судовых листов на именья, люди и кгрунты, с права присужоные, и сознанья вечностей и всяких записов и теж переношенья записов з кгроду до земства за такий выпис, што будеть на аркушу — грошей дванадцать; а естли на двух аркушах албо и болш — гроши двадцат чотыри; а на паркгамене бы и наважнейшая реч — грошей сорок осм; а паркгамин, шнур и воск сторона повинна дать от листов увяжчих по шести грошей; от листу, отосланого по отправу до иншого повету — грошей шесть; от листу заповедного около кгрунтов пенных — два гроши. А над сюю уставу писары болш вытегати не мають под виною на сторону дванадцатма копами грошей и под верненем того, што бы над тую уставу взял, з совитостью, яко о том у вышшом артыкуле о судьях ест описано. Теж естли бы писар земский хотел кого позвати ку праву в том же повете до того ж суду земского, тогды маеть сам собе позвы запечатати тою ж печатью нашою, оному повету даною, а судья альбо подсудок маеть их ему подписати. Так же и на себе самого повинен писар земский позвы печатью нашою запечатати и подписати рукою своею албо мамрам дать. А не всхочет ли писар на себе позвов або мамранов дати, тогды совитой вине, то ест двадцатма и чотыром копам грошей, подлегаеть, о што укривжоный водлуг артыкулу вышшого пятого в сем же розделе поступовати и права собе доводити маеть. Тое ж се и о выписех оповеданья кривд, сознанья возных часу роков земских и теж о выписех судовых и сознанья записов розумети маеть, иж в справах властных писаров земских судьи або подсудки подписывати их мають. Где бы теж хто листов упоминальных и иных правных потребовал против которого с тых врядников земских, судьи, подсудка або писара, тогды против одному два их таковые листы печатовати мають, а писар подписывати, а против писара судья або подсудок маеть подписати. Так же и в их потребах властных розумено и заховано быти маеть. А врядники кгродские так же ся и тым порадком в своих потребах заховати мают.
Артыкул 7
О беспечности судьи, подсудка и писара земских, также вряду кгродского, по тому ж суду подкоморского и комисарского.
Уставуем теж, естли бы хто кольвек, пришедши до суду замкового або земского, а там на суде, албо хотя на улицы, будь теж в господе и где кольвек, под тым часом, поки роки земские албо рочки кгродские водле порадку сего статуту отправованы будуть, судью, подсудка и писара земских албо которого з урядников кгродских словы доткливыми славе и почстивости его зсоромотил, таковый маеть за нашу, господарскую, вину седети шесть недель в замку албо в дворе нашом, а такового обельжоного врядника навезати водлуг стану его шляхетского. А естли бы ранил, тогды горлом каран быти маеть, а ранному навезку совито на именью виноватого отправити. А пакли бы забил, таковый горло и честь тратить, а детям або близким забитого головщина на именью виноватого совито отправена быти маеть. Вед же обвиненый в таковых речах, звлаща о забитье або зраненье врядника, не был ли бы заразом на горачом учинку пойман, маеть позван быти до суду кгродского того ж повету, в котором се то станеть, а коли з суда за доводом так найдеться, тогды в том по суде кождого стану чоловек каран быти маеть, яко вышей описано. Вед же такую реч, где ся почстивости дотыкати будеть, до нас, господара, отсылаючы, по тому ж се маеть розумети и о беспечности суду подкоморского и комисарского, поки суды, им злецоные, отправовати будут. А хто бы, о такую реч будучи до суду кгродского позван, на рок позваный не стал, тогды такового за даньем нам о том знати через лист того суду кгродского маем росказати выволати со всих паньств наших вечным выволаньем, яко бы се николи в границы паньства нашого не ворочал, а навезка або головщина предсе з именья такого непослушного плачона и отправована быти маеть заразом, скоро за позвы не станеть.