Артыкул 8
О уставленью возных и присязе их.
Уставуем, хотечы мети, абы в кождом праве на врядех нашых, земском, кгродском, подкоморском и комисарском, завжды порядок и справа обычайне шла, и для того даем моц, абы панове воеводове в кождом повете судовом, где книги лежать, а в земли Жомоитской — пан староста жомойтский возных уставляли, давали и подстрегали шляхту, людей добрих, веры годных, цнотливых и оселых в том же повете, которых вряд земский и шляхта оберуть и дадуть сведецство о цноте и добром захованью их через лист свой так много, яко бы водлуг широкости повету потреба указывала. И кгды прысягу возный учинить и имя его у книги кгродские, а потом и в земские книги на рокох вписаное будет, тогды вжо таковый возный то все, што на вряд его возновский належить, слушне справовати можеть, и завжды чергою два альбо три возные при суде кгродском мешкати будуть повинни для вшеляких припалых потреб. А присегати возные мають тыми словы: "Я, найме, присегаю пану богу в тройцы единому на том, иж я, будучи возным в том повете, маю верне, цнотливе, побожне и справедливе на том вряде заховатисе, позвы и всякие листы его мил]сти, господарские, и врядовые справедливе и пилне относити и отдавать и на именьях покладать. Теж правдиве то, на што буду от стороны взят и што справедливе видеть и слышеть буду, кгвалты, бой, раны и шкоды огледавши, правдиве до книг врядовых заразом без проволоки сознавать и все иншое справовать, што належить врядови моему, не за посулами, не за подарками, ани для обетниц, ани за приязнею, ани за неприязнею, ани з боязни, ани боячисе жадных погрозок, одно водлуг бога и светое справедливости поступуючи, и кождому потребуючому безь жадных змышленых вымов и проволоки на потребы правные ездити. Так ми, боже, поможи, а если несправедливе — боже, ме убий".
Артыкул 9
Справа и вряд возного.
Уставуем, иж возный присяглый с кождым часом за везваньем от кождого чоловека потребуючого, где кольвек его знайдеть, будь в дому его, в торгу и на беседе, и в дорозе, повинен и без ведомости приданья и посланья врядового, кгродского и земского, и без квитов их на всякие справы людские неомешкали ездить, ничим се не вымовляючи, и тое справовать: напервей позвы наши, господарские, дворные, земские, кгродские, подкоморские и суду головного до каждого и набольшого стану носити и ими позывати и рок складати; теж листы всякие наши и врядовые в справах людских подавати и на право часу чиненья одному от другого за листы упоминальными справедливости ездити, а за посланьем врядовым заповедать сторону, ижбы от права не отеждчала, а по сказанью вряду земского або кгродского присегу выдавать; при осветченью всяком быти и увязывать в ыменье, в кгрунты в презыскох з выроку и с приданья вряду так земского, яко и кгродского за листы их; а кгвалты домовые и иные всякие речи крвавые, розбой, раны, головщины и иные кгвалты посполитые оглядовать и без приданья урядового маеть и до книг врядовых сознавати. А завжды маеть при собе меть при кождой таковой вышей помененой справе двух шляхтичов веры годных для подпиранья вызнанья и сведецства своего. Вед же хлопские бои, раны, испашы вшелякие и иные шкоды тым подобные меншые, о што честью, горлом и розлитьем крви и везеньем и выволаньем не карають и што бы большей двадцати коп грошей не выносило, сам один и без стороны шляхты огледати можеть. Однако ж без каждого омешканья за тыдень, а надалей за две недели сам очевисто то все до книг врядовых пры квитех своих, которые зараз стороне дати повинен с печатью своею и с печатми тое стороны и с подписью рук их, естли бы которий з них писати умел, мает сознавати, окром яких кгвалтовных и слушных причин, за чим бы возный не мог за две недели до вряду сознать. А вряд кождый от возных, так посланых з уряду, яко и без посланья врядового от стороны взятых, маеть сознанье приймовати и до книг записывати и выписы давать во всяких речах и жалобах людских, так земскому, яко и замковому суду належачих. А таковые выписы с книг врядовых сознанья возного у кождого права приймованы быти мають. А кгды бы возный, не доехавши до книг и сознанья не учинившы, умер, тогды оная шляхта, которые бы на он час при возном стороною были, мають быти через сторону жалобную заразом скоро по смерти оного возного змерлого перед урядом ставлены. А тая сторона при квите том оного возного под сумненьем мають то до книг сознати, чого будуть в той справе при возном сведоми. А тое сознанье их на вряде кождом за моцное принято будеть. А где бы возный што кольвек такового непристойного справовал, або ижбы несправедливе сознал , а врядом своим ку шкоде которой стороне шафовал за якою ж кольвек причиною, або жебы на чию справу и потребу кому кгволи, або про страх и пожиток свой заразом ехать, листов наших албо врядовых и позвов водле потребы сторон носити и подавати не хотел и роков судовых кому с позваньем омешкал, тогды за доводом слушным, ясным и достаточным, которий бы се з шкрутынии показал, каран быти маеть водле важности выступу своего. А меновите: за неправдивое сознанье горлом, а за иншие меншие выступки маеть седеть у везенью на замку або в дворе нашом дванадцать недель и шкоду стороне поводовой нагородити за доводом. А в таковом обвиненью, звлаща только в речах меньшых, где о горло не йдеть, повинен будеть возный справоватьсе без позвов часу роков земских або кгродских перед тым врядом, перед которым бы што ему о неслушною справу его, очевисте на вряде будучому, задано. А где бы очевисте на вряде не был, а хотя бы и был, а шло бы о такую реч, за што бы мел быть горлом каран, тогды укривжоный маеть его, яко шляхтича оселого, позвы перед уряд належачий, то ест, где о горло идеть, до кгроду, а в речах инших — до земства, позвати и собе справедливости з ним за первшыми позвы, яко на року завитом, доводити будеть. Теж винен возный листы наши соймовые, военные и иншие всякие, от вряду ему поданые, без жадного омешканья до тых, до кого належати будуть, относити.
Артыкул 10
О доходе або заплате возному.
Возному за працу его по тому маеть быти давано, то ест коли где на которую кольвек справу поедеть, тогды ему от мили по грошу ув одну сторону, а што назад поедеть, за то ничого брати не маеть. А естли мили не поедеть або на местцу позвы або якие кольвек листы господарские або врядовые дасть, огледати кгвалту, ран, бою, шкод або прислухивати чого будеть, предьсе ему от того грош, а от осветченья — грош. А где на увязанье поедеть, с тых же людей, в которые увязывати будеть, з службы по грошу брати маеть, а от полслужбы — полгроша, а с пустовщыны таковое, которую пашуть, полгроша, а от моркгу — пенезь один, а от сумы пенезей, отправуючи ее на рухомых речах, от копы по два пенези брати будеть. А от пустовщин и моркгов пустых доход возному сторона жалобная винна при увязанью дати. А ей то потом от стороны противное при его суме сказаной часу выкупенья заплачоно быти маеть. А от огледанья испаши и от окопованья шкоды возному грош, от воланья сторон за позвы ку праву — грош, от заказыванья на рокох ку праву — грош.