Артыкул 11
О беспечности возного, будучи ему на справах, вряду его належачих, также и стороне, при нем будучой.
Уставуем теж, естли бы хто возного на справе за листы воевод, старост, вряду замкового и земского албо суду головного трибунальского люб теж вряду подкоморского и комисарского албо и без листов, будучи ему на справах, вряду его належачих, сам або через слуг, подданых своих збил албо, листы от него отнявши, содрал албо возного люб сторону позвы, листы ести примусил албо поличковал, волосы або бороду рвал и тым вряду не учстил, тогды таковый кождый маеть быти о то позван на рок завитый до вряду земского албо кгродского, где сторона жалобная похочеть, на першие роки. А там за доводом слушным маеть навезати возного совито водле стану его. А за нашу вину на замку албо дворе поветовым дванадцать недель седеть у вежи верхней, а сторону, которую бы при возном збито або, яко вышей описано, обельжоно, маеть также за слушным доводом навезати совито водле стану, якого будеть, и шкоду возному и стороне, и естли се ей што в тот час станеть, совито заплатити. Пакли ж бы конем хвосты поурезано альбо поранено, тогды за то винен будеть толко коня конем навезати и за то седенья не понесеть. А где бы претивная сторона за сказаньем суду земского або кгродского седети, навезок и шкод платити не хотела на час, от вряду назначоный, тогды таковый еще в другую совитую заплату навезок и шкод присужоных для тое противности своее попадеть, што вряд возному и стороне заразом водлуг порядку о отправах речей сужоных, нижей постоновеного, на йменью такового отправити маеть. А тое непослушенство его з стороны седенья вряд земский або кгродский, перед которим се то приточить, маеть нам, господару, ознаймити, а мы, господар, тому не фолькгуючи, без всякое проволоки и откладанья на инший час, але заразом взявши о том от того вряду нашого ведомость через лист отвороный, такового обвиненого и вряду нашого непослушного маем зо всих земль паньства нашого казати выволати. А пакли бы хто возного на таковых справах, вряду его належачих, або сторону, при немь будучую, забил, таковый, будучи о то притягненый до суду кгродского и с права поконаный, сам горлом каран, а головщина забитого совито з именья его плачона быти маеть. А за нестаньем стороны обвиненое вряд в том далей поступовати маеть, и мы, господар, за отосланьем врядовым заховатисе против таковых будем водлуг артыкулов, на суд кгродский около речей крвавых описаных. Одно ж за головщину и шкоды такого возного або стороны забитое вряд заразом, скоро позваный не станеть, совитое сказанье и увязанье в именье такого свовольного и непослушного дати маеть, положивши на листе увяжчом еще так великий заклад, яко самое речы скажеть. А где бы што с тых речей менованых возному або стороне ку зельживости сталосе не от самого пана, до кого бы был послан, але от слуг, подданых и от кого колвек иного з дому або на именью оного, будь при бытности самого пана в том дому або в небытности его, а он бы, будучи о то позваным, до того се не знал, жебы се то мело стать з его росказанья, тогды о том через тот же вряд, до которого будеть позвано, росправа маеть быть вчинена таким обычаем, яко в той мере о посланьцох нашых в розделе первом артыкуле двадцать четвертом ест описано.
Артыкул 12
О печати нашой, господарской, земской и теж о печатех врядовых, которыми што маеть быти печатовано.
Теж мы, господар, даем под гербом того паньства нашого, великого князства литовского, "Погонею" печать до кождого повету, на которой ест написани около гербу имя того повету. А тую печать писар земский присяжный у себе сам, а не хто иншый, ховати маеть, которою печатью и под тытулом нашым позвы мають быти печатованы и выдаваны. А иные никоторые листы, выписы и сознанья, кроме только самых позвов, тою печатю не маеть быть печатованы, але будуть печатованые всякие листы с того вряду земского, судовые выписы и сознанья, листы упоминальные, увяжчие и иные печатьми судьиною и подсудковою, а подписованы рукою того ж писара земского.
Артыкул 13
О книгах земских и кгродских, где мають быти хованы и о местцу на отправованье судов земских и теж о выдаванью, кому потреба укажеть, выписов албо видимусов.
Уставуем теж, хотечи то мети, и приказуем, абы в кождом таковом повете, где суд земский ест в замку албо в дворе нашом, судья, подсудок и писар земский посполу з шляхтою и всими иными станы опатрыли, збудовали таковые местца, где бы завжды книги земские безпечне от вшелякое пригоды были захованы. Прото воеводове и старостове судовые в кождом воеводстве, земли, повете в замку або дворе нашом судовом схованье доброе и варовное поступити им на то винни будуть. А где бы таковых схованей не было, тогды на збудованье склепу ку захованью книг местца пристойные в замкох и дворех нашых указати и подати и сами ж таковые воеводове и старостове судовые оное схованье книг земских доброю сторожою под кождым часом опатровати мають. А кгды роки отсужоны будуть, тогды по выволанью роков мають книги еще немней трех дни лежати, при которых мають быти, не отеждчаючи, судья, подсудок и писар для сознанья, уписованья и выписов бранья, для иных потреб шляхетских. А розеждчаючисе, мають иньшие первших роков книги вложити и заховати в скриню моцную за трима замками, от которых один ключ будеть у судьи, другий у подсудка, а третий у писара, и печатьми своими запечатати мають. Але книги тых одных судовых роков, с которых се по отсуженью их будуть розеждчать, мають быти у писара земского, яко врядника присяглого, аж до других роков судовых, а то для порадного справованья и начысто переписанья книг. А писар в том часе, межы роков переписавшы тые книги начысто, маеть их на других рокох до одное скрини и захованья з судьею и с подсудком, яко о том вышей доложоно, положити и потом их не отворати, аж весполок з судьею и с подсудком, кгды того потреба укажеть. И вжо так завжды толко от роков до роков, судовне отправуючих, писари земские поветовые мають у себе книги ховати. А кгды трои роки отсужоны будуть, тогды по отправенью четвертых роков вжо тые справы прошлых троих роков в одны книги через писара знесены и вязани быти мають. К тому теж воеводове и старостове судовые в кождом воеводстве, земли и повете местца пристойные на збудованье домов для отправованья судов земских недалеко замков и дворов наших судовых вряду земскому и шляхте указати и поступити мають. А врядники земские со всими станы оного повету будуть винни, яко тое схованье книг судовых у замку албо у дворе, так и тот дом судовый збудовати с тых пенезей, яко то особливою уфалою ест постановено, што за моцно держано быти маеть. Тым же обычаем воеводове, старостове судовые книги кгродские в добром схованью варовне ховати мають. А кгды который воевода або староста судовый с того света зыйдет, албо если бы есмо которого з их с того вряду на иншое воеводство албо староство преложили, тогды врядники их кгродские або они сами повинни будут тому старосте, которому оное воеводство або староство дано будеть, вси книги кгродские в том же повете при веханью его на тот вряд перед шляхтою зараз в целости здати. А выписы або видимусы так с тых книг перших воевод и старост, яко и кождый вряд с книг своих справ кождому, кому кольвек того потреба указывати будеть, без вшелякого затрудненья и проволоки мають давати листы с подписом руки писара кгродского присяглого и с печатми самих воевод, старост або их врядников судовых, наместника албо подстаростего и судьи кгродского.