Артыкул 14
О пересудех и паметном в ыменьях князьских, панских и земяньских так духовного, яко и светского стану.
Забегаючи затрудненью и обтяженью справедливости людское, уставуем теж с призволенем всих станов, што ж вси панове рады наши духовные и светские, князи, панове, державцы, тивуны и вси иные врядники наши на врядех наших несудовых и теж в ыменьях своих властных, по тому ж рицерство, шляхта и вси обыватели того паньства, великого князства литовского, и в землях, к нему належачих, на именьях своих чинечи справедливость шляхте и иншим подданым нашим з врядники, боярми и поддаными своими, мають се заховати сами и их врядники в бранью пересудов и паметного водлуг тое ж уставы, врядом нашим вышей в артыкуле пятом сего ж розделу описаное, под тою ж виною на сторону по дванадцати коп грошей, о которые вины мають быти сами панове, где бы то сами вделали або з урядников своих справедливости о то не учинили, позываны до вряду нашого земского на первшие роки на завитый рок.
Артыкул 15
О бранью вижованого, оглядного и иных доходов в дворех и именьях князских, паньских и земяньских.
Уставуем и то, хотечи в порядку слушном мети, иж во всем том паньстве нашом, великом князстве литовском, и в землях, к нему належачих, на всяких врядех наших, господарских, несудовых, также на именьях князских, паньских и земяньских, духовных и светских, вижового, оглядного и от вязней потуремного не маеть быти большей брано, только водлуг сее уставы нашое, нижей описаное, то ест вижу на кождую реч взятому и огледаного битых и ранных на местцу — грош один, а естли где виж поедет за колко миль, тогды ему помилного на милю по грошу у одну сторону, яко и возному поветовому — от выданья роты присеги духовным особам грош, а вижу, на то приданому, грош; а от вязней от вшелякого везенья потуремного, поланцужного або поколодного от такового вязня, который бы на горло седел, от шляхтича того, которого статут имать позволяет, дванадцать грошей, от простого человека — шесть грошей, а который бы в меньшой вине осажон был, жебы о горло не шло, от таковых по половицы того брано быти маеть. А платити то маеть тот, хто винен в чом с права зостанет. А естли бы вязень с права от обжалованья стороны противное вольным был вчинен, тогды сама тая сторона противная, што его осадить дала, маеть его подле тое уставы з везенья выкупити. Также где бы которий вязень на смерть был сказан, тогды тое потуремное сторона жалобная будеть винна заплатити. А плачоно то маеть быти раз один, кгды вжо остатним разом вязень або на волность, або на смерть з везенья выходить. И для того вжо сторожа около всякого вязня маеть быти не того, хто его дасть осадити, але того пана, чый будеть слуга, боярин або подданый. Толко где бы лезный неоселый человек, то ест дому под тым паном не маючый, был осажон, сторона жалобная на день на страву ему по чотиры пенези маеть давати. А естли бы хто з везенья вязня упустил, о том за припозваньем до права належного водлуг описаня сего статуту маеть быти сужоно водлуг артыкулу, в сем же розделе о врядех наших кгродских в таковой речи описаного, ищучи того на том, кому вязень подан будеть. А не всхочет ли пан або врядник его того вязня до везенья своего приняти, тогды маеть сторону с тым вязнем на вряд наш судовый пустити, и там вжо на том уряде з него справедливость чинена быти маеть, кгды ж владзу свою за непринятьем вязня до везенья упустил. А што будеть от вряду с права сказано, то пан або врядник его за декретом врядовым на маетности того вязня рухомой отправити маеть. А естли маетности рухомое так много не будеть, тогды сам в том маеть быти стороне выдан на выроб, яко о том в ыншом артыкуле ест доложоно, звлаща где бы горла не заслужил.
Артыкул 16
О зеханью суду земского за три дни перед роками и о пильности сторон ку праву.
Теж перед кождыми роками земскими будуть винни судья, подсудок и писар на местце, судом назначоное, за три дни приехати для отворенья книг и выдаванья выписов, кому того потреба будеть, также для вписованья позвов в реестр, абы тот, хто первей впишетьсе до рейстру, тот теж наперод сужон был. Вед же где бы се обедве стороне межи собою запозвали, тогды тому наперед маеть быти справедливость чинена, хто наперед позвал. А от того вписованья в рейстр писару грош. А кгды з рейстру три разы волано будеть, а не отзоветьсе тот, кого волають, таковый сказан маеть быти, яко не стал. Тым же обычаем и поводовая сторона маеть сказана быти. А тые воланья сторон у кождого суду и вряду розумено быти маеть, иж волавши стороны одного дня, и другого, и третего дня, по одному разу на день. Сторона, не пилнуючая року, маеть быти третего дня о нешпорной године здана и сказана за нестанье свое водле артыкулов, нижей описаных. А тых сторон, которим бы три дни пильности их обудвух минули, а для непоспеху врядового третего дня отсужоны не были, вжо четвертого дня и потом инших дней вряд до нешпорное годины ждати не повинен, але скоро вряд на суде засядеть; а которая сторона за воланьем возного не станеть, тую вряд водлуг сего статуту здати и сказати маеть.
Артыкул 17
Яко и пры ком позвы позыватисе и яко а где то осветчати.
Теж хто бы на кого позвы взял и тыми позвы позывати его хотел, тогды позвы, от всякого вряду взятые, маеть возный з стороною шляхтою очевисто давати и позывати можеть при костеле, у суду, на дорозе и на кождом местцу, где бы его кольвек застати и найти мог. А где бы очевисте их дати не мог, тогды на именью того, с которого се кому кривда дееть, маеть положити в дворе, в дом або у ворота уткнути и там же у дворе, если бы у ворота до двора не был пущон, через плот уряднику або тивуну, або, если бы там кого у дворе обачил, оный позов оповедати и обволати, жебы о позве сторона ведома была. А не докличеть ли се никого, тогды однак позвы, яко вышей описано, положити маеть. А предсе маеть тое положенье позву возный оповедати войту або якому кольвек подданому того двора, который будеть наближей того двора. А естли бы в котором именью, с которого се кривда дееть, двора оного пана не было, яко то бывають села данники на Руси и инде в том панстве нашом, тогды тые позвы предсе в том же селе покладаны, старцу, войту, лавнику, десятнику або мужу которому оного села даваны, або в дому их кладены и до того повету, в котором тые села будуть, позывано быти маеть. Вед же кгды возный заочне позвы покладаеть, маеть первей перед тою стороною шляхтою тот позов с противным позвом скорикговати и их по достатку вычитати, абы во всем згодливые и нескробаные были. А иж теж на некоторих местцах через границы, поветом замероные, многие особы таким обычаем дворов, мест и людей своих уживають, иж по одной стороне границы двор, а на другой стороне место, люди або кгрунты лежать, а будеть ли се кому кривда деети с тых людей або кгрунтов, при которих дворов нет, ино иж таковые кривды оному вряду поветовому, под которим се деяти будуть, оповеданы бывають, тогды теж до оного ж повету с такового места, людей и кгрунтов и позывано быти маеть. Вед же тые позвы, хотя и за границу, возный того вряду, в котором се кривда дееть, до двора оного пана нести и поступком, вышей писаным, давати будеть повинен, и рок, на который позвы подасть, маеть на обеюх позвех написати, абы позваная и поводовая сторона року ведоми, певни и пилни были. А где бы возный сам писати не умел, тогды будеть повинен оного позванья сознанье на писме обеюм сторонам под печатью своею и стороны шляхты дати и перед врядом кгродским або и земским перед рочками и роками за день стороне жалобной тот квит свой сознати, которое сознанье за слушное у права земского и кгродского приймовано быти маеть. А писар так земский або кгродский маеть на том же квите возного албо на позве, где подпис возного будеть, рукою своею написать, же возный тое поданье позвов признал. Естли на позве, тогды тыми словы, иж того дня при написе своем возный поданье того позву очевисто признал; а естли на квите, тогды также, день поменивши, коли сознаваеть, написать маеть, иж тот квит свой возный очевисто признал. А от того напису по полугрошку, а не болш писар брати маеть, а до книг вписовать того не потреба. А естли бы сторона поводовая хотела сознанье возного до книг собе записать, то ей вольно будеть.