Артыкул 68
О мещанех и о людях нашых в крывдах их от шляхты.
Уставуем: естли бы хто с княжат, панов, шляхты всякого стану, так и подданые их вчинили кривду якую колвек мещаном мест наших, где права майдебурского не мають, так теж и людем именей наших, господарских, таковых о вчиненье справедливости воеводове, старостове и державцы нашы мают сами або врядники их упоменути позвом водле артыкулу сорок осмого сего ж розделу, абы сам з себе и с подданых своих справедливость учинил. А естли бы за тым справедливости не вчинил, тогды на первшых рокох судовых, яко на завитом року, под страченьем права маеть стати и подданых своих, кому будеть вина дана, поставити. А суд маеть яко с тым самым паном, так и с поддаными его, от которых бы се мещаном або людем нашим крывда деяла, яко на завитом року, справедливость учинити и с права, в чом бы против мещаном и людем нашим зостали винни, кождый грабеж, на чом довод слушный учынять, з навезкою казати платити. А естли без причын правных не станеть, тогды на таковом для непослушеньства, яко на завитом року, за доводом подданым нашым сказанье в жалобе их учинено быти маеть.
Артыкул 69
О мещанех права майдебурского.
Так уставуем: естли бы кому з мещан нашых права майдебурского которая крывда деяла от князей, панов и земян и подданых их, а они бы се сами доброволне усправедливити не хотели або справедливости с подданых своих не вчинили, тогды такового кождого мещанин маеть до суду земского поветового позвати и далей поступовати против ему подлуг поступку права и статуту земского.
Артыкул 70
О участникох, которые якое речы доходити усхочут, иж других своих учасников на одны роки судовые земские, яко на рок завитый, позывати мают.
Теж коли о реч сполечную которую ж кольвек вси учасники веспол у права мовити и ее доходити усхочуть, а иж один учасник без другого сам того чинити, ани ку кривде иньших учасников своих никоторое речи сполечное протягивати не можеть, прото естли бы иньшие учасники вси посполу которое речи сполечное в праве доходити и о нее мовити не хотели, тогды тот, который доходити усхочеть, маеть о то поступком сего статуту прыпозвати оных участников своих на роки судовые перед уряд земский, в котором оные участники его оселостями своими будуть, яко на завитый рок. А неоселых место позвов листом упоминальным урядовым обнести, жебы на року его позваном весполок з ним до права становилисе. А где бы на первшых рокох земских хто с тых участников за позвы або за листом упоминальным не стал и сполне части своее доходити не хотел, тогды вжо оный участник, который речы сполечное доходити усхочеть сам один, только своее части доходити можеть и без иньших участников. А позваный повинен вжо будеть ему самому, хотя бы иньших участников при нем не было, отказывати и усправедливитися. А тым другим участником потом волно будеть своих частей на держачом, коли похочуть, правом доходити, толко бы давности земское не промолчали, выймуючи только тых участников с такового позыванья и обосланья листами врядовыми, которые бы были на послузе нашой або на науках и по рыцерству у чужих паньствах, бо тым, прыехавшы до тутошнего паньства, также волно будеть своих частей доходити, одно бы по тому ж, прыехавши до того паньства, давности земское не омешкали. А ведь же то ся розумети маеть толко о тых, под которым участники усее близкости своее доходять. А братья, близские и якие кольвек кревные кожды своего кревного о невыделенье своее части сам без других позывати и доходити ее можеть, и кгды с права части своее дойдеть, тогды ему, колько на него часть приходить, до вечного делу поступлена и выделена быти маеть.