Артыкул 78
Которые ку сведецству припущоны не мають быти.
Уставуем теж, иж ку сведецьству не мають быти припущоны тые, которые суть правом переконани в яком злом учинку, за што горлом бываеть карано, што там же перед урядом тот, хто ему наганить, доводити маеть. А естли бы не довел, тогды ку доводу прыпущон будеть. К тому не мають светчити слуги и подданые за панов, ани теж против панов; шаленый, то ест который розуму не маеть. По тому ж светками быти не мають один другому тые, которым сполне вину дадуть або помочниками их будуть. Также и выволанцы светчыти не могуть, поки ся з обвиненья своего не выправить. Теж естли бы который в якой речы светчыл, же на том местцы, где ся што станеть, сам был и то видел або слышал, а потом в другой речы, которая бы на иншом местцы того ж дня, яко и першая, о которую светчыл, сталася от того местца оподаль, яко бы подобенство не было, жебы того одного дня на обудву местцах быти мог и хотел также светчити, тогды таковый ку тому, ани наперод ку жадному сведецству не маеть быти прыпускан.
Артыкул 79
О светкох, што бы хто хотел ку ним мовити.
Естли бы хотела сторона противная ку светком што мовити и ганити им, тогды маеть тут же заразом перед правом и первей, нижли их ку сведоцству прыпустить або ку прысязе, ку ним мовити и на них доводити и, не спущаючи с права, то кончыти. А где бы на которого светка што вел, а не довел, тогды маеть того светка там же у права навезати водлуг стану его, а ку сведецству будеть прыпущон. А переведет ли, тогды тот светок светком быти не можеть, а сторона поводовая на того местце иншого светка маеть ставити, и на ставенье других светков маеть стороне час быти узычон на тых жо рокох водлуг далекости местца, где ся што стало, або як далеко того светка поведеть. А трафить ли се то на концу роков або для далекости дороги ставити бы его не мог, тогды на ставенье светков таких до других роков под страченьем права отложити маеть. Але сторона зараз тых светков у суду имены меновати маеть, на которых постановенье просити будеть. А не будет ли мочы за смертью або з яких иных слушных правных причын которого менованого светка поставити, тогды на того местце волно будет иншого светка поставити, толко бы веры годного, неподойзреного, а припустивши светков ку сведецству, к ним по праве ничого мовити не маеть.
Артыкул 80
На своих светкох по праве нихто ничого искати не маеть.
Уставуем: хто бы у якой кольвек речы перед правом выдал светков, а тые бы светки против самому посветьчили, тогды он на тых светкох своих по праве и сведецстве того пойскивати и до права их поволокати не маеть.
Артыкул 81
Сведецством трех або двух светков маеть сторона реч свою одержати, и хто бы теж, отставившы довод, пустил стороне на присягу.
Теж уставуем, иж сторона, доводечы речы своее, маеть доводити трема светками, людми веры годными и неподойзреными. А естли бы хто трех светков не мел, тогды в недостатку третего при двух сведецстве сам маеть прысегнути и тым реч свою одержати. А вед же не о честь, не о кгвалт, ани о наезд домовый, и теж где бы не шло стороне обжалованой о горло, так теж и о земли, на што особливе на местцах своих суть доводы написаны. А хто бы, отставляючы доброволне довод, светков трех пустил стороне своей противной на присягу о которую кольвек реч, тогды тая сторона, кгды ся доброволне за присягу озметь и присягнеть, маеть реч свою одержати. А естли присягнути не всхочеть, тогды реч свою тратить. А хто бы, маючы трох светков, а над них сам доброволне за присягу братисе не хотел, тогды то ему волно будеть и сведецством трех светков без прысяги реч свою одержить. И кгды кому с права присега сказана будеть албо ся хто за нее добровольне у суду озметь, тогды уряд для розмышленья сторон маеть присегу на день третий зложити, а там дня третего сторона противная, против которое маеть быти прысега чинена, маеть, роту тое присеги от писара с подписью руки его взявши, оную сторону свою до присеги перед возным и стороною двема шляхтичами вести, а возный роту выдавати маеть. А не всхочет ли хто стороны своее противное до присеги вести, такий реч свою тратить. А оный, хто мел прысягати, а не был веден до прысяги, вжо без прысеги тую реч, ему сказаную, одержати маеть. А час пилности присяги маеть быти того дня третего до полудня, местце присязе там же перед судом, а чынити прысегу маеть кождый водлуг своего набоженства, якого ужываеть.
Артыкул 82
О доводех листовных.
Могуть теж быти доводы листовные, то ест записы на именья и иные выписы або оповеданья и сознанья книг канцляреи нашое и с книг судовых земских и замковых и через церокграфы под печатьми и под написаньем руки власное, такеж квитами и реестрами ревизорскими, на отмены даными, и иными листы и реестры заведучыми або увяжчыми, яко о том шырей нижей на местцы своем ест написано.
Артыкул 83
О комисеях нашых, господарских, в которых речах мають быти даваны.
Уставуем теж, иж листы нашы комисейные ку вчиненью справедливости толко в тых речах, нижей описаных, мають быти даваны, то ест о границы межы именьями нашыми и шляхетскими, кгды ся хто с подданых нашых народу шляхетского якого кольвек стану особа утечеть до нас, менечи собе крывду в кгрунте своем от воевод, старост, державец, тивунов и яких колвек врядников з ыменей нашых або от подданых наших. Тогды мы заразом без жадное проволоки на розсудок и росправу таковых розниц о кгрунты маем комисаров наших трех особ, а меновите кашталяна або маршалка и к тому подкоморого того повету и з ними третего шляхтича, в том же повете оселого. А в котором повете кашталяна, ани маршалка не будеть, там с подкоморим двух шляхтичов того ж повету албо кого з урядников нашых, толко родичов и обывателей того панства нашого, великого князства литовского, давати и высылати. А стороне жалобной волно будеть также за листы нашыми з стороны своее толко ж особ шляхетского народу узять. Теж мають быти комисей нашы даваны о выкупенье именей нашых, господарских, также и з духовными, яко о том в розделе третем в артыкуле 30 третем ест описано. А о иншие речи вси як шляхта межи собою, так и вси панове духовные и светские мають ся справовати перед судом належным.
Артыкул 84
О роки заплаты пенежное, з суда сказаное.
Теж уставуем, иж кождой заплате пенежной, с права за презыски от которого кольвек суду сказаной, мають быти роки заплате по сказанью судовом положоны, то ест, почавшы от наменшое личбы до петидесят коп грошей — две недели. А той суме, што будеть болш петидесят коп грошей , албо сту копам грошей — чотыри недели; што болш ста коп грошей до петисот коп грошей — тому дванадцать недель; а што над пятьсот коп аж до тисечи коп грошей — той суме рок двадцать чотыры недели. А естли бы хто на тые роки не заплатил , тогды возны , от вряду на увезанье прыданый, за листом врядовым увяжчым, по вышстью кождое раты албо колко рат, яко того сторона жалобная потребовати будеть, маеть в именье виноватого сторону поводовую увязывати водлуг обычаю сего права посполитого. Нижли естли бы се хто листом своим записал на который рок заплатити, а не заплатил бы, тогды вряд, сказавшы на таком тую суму, в записе описаную, маеть за нее заразом без складанья роков водлуг опису отправу чынити. Так же естли бы пры отнятью кгвалтовном именья взял што колвек маетности, збожя, быдла и иншых статков домовых и што бы кольвек речью рухомою названо быть могло, на што бы сторона поводовая слушный довод водле права вчынила, тогды если чого с тых речей пры подаванью именья не вернеть, ино и то без складанья роков статутовых на стороне обжалованой отправлено быти маеть.