Которого часу от врядов наших отзов быти маеть.
Уставуем: естли бы ся кому от врядов нашых в сказанью судовом кривда видела, таковый маеть того ж часу, от суду не отходячы, заразом скоро по сказанью судовом пры бытности стороны своее противное отозватисе до нас, господара, або до суду головного обычаем вышей мененым. А так перед судом нашим, господарским, або головным болшей ку помочи собе ничого брати и прикладати не маеть, толко то, што было перед судом первшым, от которого апелевал. А где бы хто заразом того ж часу, яко вышей доложоно, не отозвался, токовому вжо апеляцыя допущона не маеть быти и вряду такового о то позывать не можеть водле артыкулу четырдесятого сего ж розделу.
Артыкул 91
О промолчанью давности земское о именье лежачое и о презыски, с права сказаные.
Уставуем, иж хто бы о именье лежачое давность земскую десеть лет в молчанью был, не позывал, ани листами упоминальными оносил , таковый вжо вечне о то молчати маеть, хотя бы ся и впоминал, и ку праву позывал и в року стоял, а речы конца не довел, а потом также от обношенья листом упоминальным, або от заложенья позвы, албо и переведшы право, а в держане именья не вошедши, давность земскую десет лет промолчал и не впоминался, таковый вжо о таковое именье вечне молчати маеть. По тому ж, естли бы хто на ком якую суму пенезей с права презыскавшы, а после суда и сказанья врядового, не ужываючы и не домагаючыся отправы той речы сужоной, через десеть лет в молчанью того был, таковый такеж о то вечне молчати маеть. Пакли бы теж, одержавшы хто сказанье врядовое на якую суму пенезей, а отправы за то за первшого вряду, хто то ему присудил, не одержал, а давности земское десети лет не омешкал бы, в такой речы другий вряд без позванья о то, одно вгленувшы в лист судовый первшого вряду, водлуг того отправу вчинити маеть.
Артыкул 92
О кгвалтовное выбитье з спокойного держанья.
Теж уставуем: хто бы кого кгвалтовне без права выбил з спокойного держанья, з двора и с пашни дворное, з места, з млына, з бояр, з людей и з их кгрунтов, будь в дому шляхетском, в месте або на селе бой який вчинившы або и так без бою отнял и собе привернул именье, люди за правом прирожоным держачое, або во што бы хто за правом яким набытым врядовне при возном и шляхте в держанье вошол, а то бы будь сам особою своею албо хотя через врядника, слуг, бояр або подданых своих учинил, тогды оный укривжоный маеть без мешканья тую кривду свою на вряде судовом оповедати и записати, и возным и стороною обвести, и знаки кгвалту, естли якие будут, оказати. А потом надалей в десети неделях от выбитья або отнятья маеть припозвати самого того пана, хто его, будь сам албо через слуг, подданых своих, с чого выбил або отнял, до вряду замкового на рок завитый за четыри недели так от очевистого, яко и заочного поданью позвов. А там перед врядом кгродским, кгды обедве стороне стануть ку праву, а позваная сторона естли бы ся того кгвалтовного отнятья и держанья своего того именья або людей заперла и до того не знала, тогды тое именье або люди мають быти зараз сказаны жалобнику в держане. А кгвалту, бою, ран або забойства и теж шкод починеных, в позве описаных, похочеть ли сторона жалобная доводити, то ей волно бедеть . И вряд наш за слушным доводом, яко о кождом кгвалте довод ест нижей описан, маеть сказанье против стороны обвиненое учинити водлуг вины и учинку порядком сего статуту. А по всказанью и отправу на властном именью винного чинити до остаточнего стопня права, роков статутовых, заплате пенезей сказаных, не складаючи. А прийдет ли до того с права, и горлом карати. А где бы сторона обвиненая, признавшися до держанья того именья або людей, поведила то, же он жалобника с того, о што он жалуеть, кгвалтовне не выбиял, але то держить за правом яким слушным и хотел бы то яким правом хотя и на писме покозати , тогды предся той стороне отпорной не маеть быти на вывод давано, але жалобная сторона маеть ку доводу припущона быти. И доведет ли будь писмом яким або сведецьством суседов околичных якого колвек стану, толко людей добрых, веры годных, ни в чом не подойзреных, сема чоловеки и присегою своею спокойного держанья своего того именья або людей, тогды то, с чого был выбит, суд ему заразом в держанье и к тому кгвалту двадцать коп грошей сказати маеть. А за бой, раны, забийства, естли ся при таком кгвалтовном отнятью стануть, также шкоды, в тот час поделаные, вряд при знакох слушных и при оповеданью врядовом за тою ж присягою, которая яко на выбитье кгвалтовное, так на ранах и шкодах одным разом чинена быти маеть от стороны жалобное, сказывати маеть, а шкоды з навезкою сказуючи, и отправу чинити на именью виноватого водле науки сего статуту. А той противной стороне, которая се з яким правом своим у суду окажеть, вряд волное мовенье вперед у суду належного заховати маеть. А хто бы, минувшы вряд кгродский, хотел о выбитье з спокойного держанья, хотя и в том часе от выбитья в десети неделях, вышей в сем артыкуле споминаных, до вряду земского пазвати, то кождому волно будеть. А вряд земский тым же обычаем, яко верху поменено, такие речы розсуживати мает. А што колвек который вряд кгродский або земский за такими позвы о выбитье з спокойного держанья кгвалту, навезок и шкод присудить, тому роки заплате, в статуте описаные, не мають быти покладаны, але заразом по сказанью сторона поводовая яко в держанье того, щого была выбита, через возного впущона, так и отправа ей за презыски сказаные на властном именью стороны противное вчынена быти маеть под заруками на сторону и вряд, яко о порядку отправ иншых всих речей сужоных ест описано.
Артыкул 93
О напомненью врядовом около заплаты сумы пенезей, с права сказаное, первей ним возный паедеть за то увязывати.
Забегаючы мы тому, абы нихто непослушенства своего праву посполитому неведомостью покрывати и обмовляти не мог, уставуем, иж, кгды которая сума пенезей от которого кольвек вряду нашого сказана кому на ком будеть, за нестаньем тое стороны противное, на ком што скажуть, а будет ли тая сказнь вчынена в речы такой, в которой сесь статут роков заплате пенезей складати не допущаеть, тогды вряд наш, выдаючы стороне поводовой, которая презыск одержить, лист свой увяжчый до стороны противное, предся маеть на том листе своем часу ему ку заплате тых пенезей сказаных узычити от поданья ему або от положенья на именью его через возного и двух шляхтячов копии з листу увяжчого за чотыри недели, напоминаючы его, абы на тот рок тые пенези водлуг сказанья их заплатил. А в том листе увяжчом зарука маеть быть покладана так великая, як будеть важность речы сужоное. А где бы за чотыри недели тое сумы всказаное не заплатил, тогды за тым же листом увяжчым возный отправу на именьи его за то учинити маеть водле артыкулу, нижей описаного. А где бы сказанье врядовое вышло теж заочне, але на такую суму пенезей, которой роки заплате водлуг замеренья сего статуту будуть положоны, тогды предся тот рок або тые роки, яко их великость сумы сказаное укажеть и на листе увяжчом описаные будуть, мають початися личити не от сказанья врядового, але такеж от поданья албо положенья на именью виноватого копеи з листу увяжчого. Нижли которая сума пенезей за очевистым у права мовеньем сторон або их умоцованых сказана будеть, в том такового обвещенья и напоминанья не будет потреба, але водлуг припадку речи и науки сего статуту або заразом по суде отправа будеть дана, або от сказанья судового роки статутовые пойдуть и личитися почнуть. Также ся не толко о суме пенезей але и о инших речах яких рухомых, с права ку отданыо присужоных, розумети маеть. А где бы хто на роки, от нас або от вряду нашого водлуг сего статуту положоные, пенезей присужоных заплатяти не хотел, тогды против такового отправа чинена быти маеть водлуг артыкулов, нижей о том постановеных. Тое ж ся маеть розумети и о речах, з выроку нашого, господарского, присужоных и до вряду на отправу отосланых.