And looking round the fire, as if in a state of unconscious uncertainty of which she complained, old Elspeth relapsed into her habitual and mechanical occupation of twirling the spindle.
"Eh, sirs!" said Jenny Rintherout, under her breath to her gossip, "it's awsome to hear your gudemither break out in that gait—it's like the dead speaking to the living."
"Ye're no that far wrang, lass; she minds naething o' what passes the day—but set her on auld tales, and she can speak like a prent buke. She kens mair about the Glenallan family than maist folk—the gudeman's father was their fisher mony a day. Ye maun ken the papists make a great point o' eating fish—it's nae bad part o' their religion that, whatever the rest is—I could aye sell the best o' fish at the best o' prices for the Countess's ain table, grace be wi' her! especially on a Friday—But see as our gudemither's hands and lips are ganging—now it's working in her head like barm—she'll speak eneugh the night. Whiles she'll no speak a word in a week, unless it be to the bits o' bairns."
"Hegh, Mrs. Mucklebackit, she's an awsome wife!" said Jenny in reply. "D'ye think she's a'thegither right? Folk say she downa gang to the kirk, or speak to the minister, and that she was ance a papist but since her gudeman's been dead, naebody kens what she is. D'ye think yoursell that she's no uncanny?"
"Canny, ye silly tawpie! think ye ae auld wife's less canny than anither? unless it be Alison Breck—I really couldna in conscience swear for her; I have kent the boxes she set fill'd wi' partans, when"—
"Whisht, whisht, Maggie," whispered Jenny—"your gudemither's gaun to speak again."
"Wasna there some ane o' ye said," asked the old sibyl, "or did I dream, or was it revealed to me, that Joscelind, Lady Glenallan, is dead, an' buried this night?"
"Yes, gudemither," screamed the daughter-in-law, "it's e'en sae."
"And e'en sae let it be," said old Elspeth; "she's made mony a sair heart in her day—ay, e'en her ain son's—is he living yet?"
"Ay, he's living yet; but how lang he'll live—however, dinna ye mind his coming and asking after you in the spring, and leaving siller?"
"It may be sae, Magge—I dinna mind it—but a handsome gentleman he was, and his father before him. Eh! if his father had lived, they might hae been happy folk! But he was gane, and the lady carried it in—ower and out-ower wi' her son, and garr'd him trow the thing he never suld hae trowed, and do the thing he has repented a' his life, and will repent still, were his life as lang as this lang and wearisome ane o' mine."
"O what was it, grannie?"—and "What was it, gudemither?"—and "What was it, Luckie Elspeth?" asked the children, the mother, and the visitor, in one breath.
"Never ask what it was," answered the old sibyl, "but pray to God that ye arena left to the pride and wilfu'ness o' your ain hearts: they may be as powerful in a cabin as in a castle—I can bear a sad witness to that. O that weary and fearfu' night! will it never gang out o' my auld head!—Eh! to see her lying on the floor wi' her lang hair dreeping wi' the salt water!—Heaven will avenge on a' that had to do wi't. Sirs! is my son out wi' the coble this windy e'en?"
"Na, na, mither—nae coble can keep the sea this wind; he's sleeping in his bed out-ower yonder ahint the hallan."
"Is Steenie out at sea then?"
"Na, grannie—Steenie's awa out wi' auld Edie Ochiltree, the gaberlunzie; maybe they'll be gaun to see the burial."
"That canna be," said the mother of the family; "we kent naething o't till Jock Rand cam in, and tauld us the Aikwoods had warning to attend— they keep thae things unco private—and they were to bring the corpse a' the way frae the Castle, ten miles off, under cloud o' night. She has lain in state this ten days at Glenallan House, in a grand chamber a' hung wi' black, and lighted wi' wax cannle."
"God assoilzie her!" ejaculated old Elspeth, her head apparently still occupied by the event of the Countess's death; "she was a hard-hearted woman, but she's gaen to account for it a', and His mercy is infinite— God grant she may find it sae!" And she relapsed into silence, which she did not break again during the rest of the evening.
"I wonder what that auld daft beggar carle and our son Steenie can be doing out in sic a nicht as this," said Maggie Mucklebackit; and her expression of surprise was echoed by her visitor. "Gang awa, ane o' ye, hinnies, up to the heugh head, and gie them a cry in case they're within hearing; the car-cakes will be burnt to a cinder."
The little emissary departed, but in a few minutes came running back with the loud exclamation, "Eh, Minnie! eh, grannie! there's a white bogle chasing twa black anes down the heugh."
A noise of footsteps followed this singular annunciation, and young Steenie Mucklebackit, closely followed by Edie Ochiltree, bounced into the hut. They were panting and out of breath. The first thing Steenie did was to look for the bar of the door, which his mother reminded him had been broken up for fire-wood in the hard winter three years ago; "for what use," she said, "had the like o' them for bars?"
"There's naebody chasing us," said the beggar, after he had taken his breath: "we're e'en like the wicked, that flee when no one pursueth."
"Troth, but we were chased," said Steenie, "by a spirit or something little better."
"It was a man in white on horseback," said Edie, "for the soft grund that wadna bear the beast, flung him about, I wot that weel; but I didna think my auld legs could have brought me aff as fast; I ran amaist as fast as if I had been at Prestonpans."[18]
"Hout, ye daft gowks!" said Luckie Mucklebackit, "it will hae been some o' the riders at the Countess's burial."
"What!" said Edie, "is the auld Countess buried the night at St. Ruth's? Ou, that wad be the lights and the noise that scarr'd us awa; I wish I had ken'd—I wad hae stude them, and no left the man yonder—but they'll take care o' him. Ye strike ower hard, Steenie I doubt ye foundered the chield."
"Neer a bit," said Steenie, laughing; "he has braw broad shouthers, and I just took measure o' them wi' the stang. Od, if I hadna been something short wi' him, he wad hae knockit your auld hams out, lad."
"Weel, an I win clear o' this scrape," said Edie, "I'se tempt Providence nae mair. But I canna think it an unlawfu' thing to pit a bit trick on sic a landlouping scoundrel, that just lives by tricking honester folk."
"But what are we to do with this?" said Steenie, producing a pocket-book.
"Od guide us, man," said Edie in great alarm, "what garr'd ye touch the gear? a very leaf o' that pocket-book wad be eneugh to hang us baith."
"I dinna ken," said Steenie; "the book had fa'en out o' his pocket, I fancy, for I fand it amang my feet when I was graping about to set him on his logs again, and I just pat it in my pouch to keep it safe; and then came the tramp of horse, and you cried, Rin, rin,' and I had nae mair thought o' the book."
"We maun get it back to the loon some gait or other; ye had better take it yoursell, I think, wi' peep o' light, up to Ringan Aikwood's. I wadna for a hundred pounds it was fund in our hands."
Steenie undertook to do as he was directed.
"A bonny night ye hae made o't, Mr. Steenie," said Jenny Rintherout, who, impatient of remaining so long unnoticed, now presented herself to the young fisherman—"A bonny night ye hae made o't, tramping about wi' gaberlunzies, and getting yoursell hunted wi' worricows, when ye suld be sleeping in your bed, like your father, honest man."
This attack called forth a suitable response of rustic raillery from the young fisherman. An attack was now commenced upon the car-cakes and smoked fish, and sustained with great perseverance by assistance of a bicker or two of twopenny ale and a bottle of gin. The mendicant then retired to the straw of an out-house adjoining,—the children had one by one crept into their nests,—the old grandmother was deposited in her flock-bed,—Steenie, notwithstanding his preceding fatigue, had the gallantry to accompany Miss Rintherout to her own mansion, and at what hour he returned the story saith not,—and the matron of the family, having laid the gathering-coal upon the fire, and put things in some sort of order, retired to rest the last of the family.