Услышавши то, матка их размышляла долго, что то сынове ея есть. Тогда во другий день пришла ко Евстафию гетману и почала его просити, глаголя: «Пане милый, прошу твоей милости, вели мене взяти с собою до отчины моей, ибо есмь из Римской земли и зде давно уже пребываю в чужей земли, пелгримуючи». И изговорив то, увидела на нем знамение[3242] и познала его, что он муж ея есть, и не могла удержатися, але падши у ног его, просила его, глаголя: «Прошу тя, пане милый, да поведаешь ли мне первое[3243] житие свое, ибо я мню, что ты еси Плакида гетман, которой другим именем наречен Евстафиус, котораго Спас обратил, которой много скорбий терпел, его же жена аз есмь, которая на мори оставлена была и есмь сохранена от всякия скверны, которой имел дву сынов, Агапита и Елзбета[3244]». Услышавши то Евстафиус и смотрячи на нь прилежно и познал ю. И для великие радости почал велми плакать. И обнявши и целовав ю, хвалил Господа Бога, который утешает в скорбех и в смутках[3245].
Тогды рекла ему жена его: «Где суть сынове наши?» Отвеща ей Евстафиус: «Звери лесные поядоша их». И поведал ей поряду, как их погубил[3246]. Але она рекла: «Благодарим Господа Бога, яко имам надежду, что как Господь Бог дал нам, что мы вкупе обретохомся, даст такоже, что и сыны своя познаем». Рекл ей Евстафиус: «Рех ти, яко зверие пожроша их». Але она рекла: «Вчера, сидячи во огороде[3247], слышала есмь дву юношей, так о себе поведающих, и мню, что то суть сынове наши. Вопроси их, да победят ти». Тогда Евстафиус призвал их к себе, вопросил их: «Откуду есте вы?» Они же ему все поведали. Потом Евстафиус, услышавши все их поведание, познал, что то суть сынове его; и обнимаючись с ними, такоже и с материю их, от радости великой плакали. И для того их познания и победы было великое веселие во всем воинстве его.
И как паки до Риму возвратишася, Троян кесарь уже умер, тогды на место его взят бысть ин, именем Адриан.[3248] И той для победы Евстафиевы и для обретения жены и сынов его приял их с великою честию и учинил великой пир. Другаго же паки дни шел Адриан цесарь до костела болванского[3249], яко да принесет жертву богом для бывшия победы. И виде цесарь, яко Евстафиус ни для победы, такоже ни для радости обретения своих не хотел жертвовать, напоминал ему, да жертвует. Рекл ему Евстафиус: «Аз похвалю Христа, Господа моего, и ему единому служю и жертву приношу». Тогды цесарь разгневался, повелел его со женою и с сыны на некоем месте поставити и велел лва люта пустити на них. Тогды лев, прибежавши к ним, наклонил главу пред ними, яко бы се покланялся им, и потом покорне от них отшел. Видячи то, кесарь повелел разжещи медяной вол[3250] и велел их живых в него вметати. Тогды Евстафиус с своими сыны, молящеся, предалися Господу Богу, вступили во он вол и от сего света преидоша в вечный живот. По триех же днех обретоша их ничимже вредимы от огня, так что ни един влас погибе от глав их. Потом христиане взяша телеса их и погребоша их с великою честию. И на том месте последи создан бысть костел.
Пострадаша святии от Адриана кесаря лета Господня 120-го.
ПРИКЛАД О ВАЖНОСТИ ВЕРНОСТИ, ИЛИ О БРАЦЕ. <ГЛАВА> 35
Король некоторой королевствовал, в егоже государстве пойман был некоторой юноша от разбойник. И будучи он за приставом[3251], писал ко отцу своему, моля его, чтобы его выкупил. Але отец не хотел его выкупить, и как[3252] так юноша долгое время был там в вязенью[3253]. А тот, которой его у себя за приставом держал, имел у себя чудную дщерь, которая вдячна[3254] всем была. Та тогды девица пребывала у отца до двунадесяти лет, которая часто онаго юношу навещала. Але он так засмущен был[3255], что никакою утехою не мог утешитися, але без престани воздыхал и плакал.
И прилучилось в некоторой день, как та панья пришла по своему обычаю навестити онаго юношу, молвил ей тот юнак: «О, милая панья, молюся тебе о том, чтобы ты меня от сей неволи избавила». Она же к нему рекла: «Како же мне то учинить, коли отец твой не хочет тебя выкупить? А як[3256] далеко я (понеже не от нашея крови еси, ни от родства), — имела бых то тебе учинить или о том мыслити, чтобы тебе из неволи свободити, то великую неприязнь[3257] отцу своему учиню, и тогды отец мой погубит[3258] откуп твой, которой за тебе будет ему дан. А всяко же[3259] будет обещаешися исполнити мне едину вещь, то я тебя избавлю затым». Рекл он юнак: «Жадай[3260] от мене, милая панья, чего хочешь, то я для тебя учиню с радостию». А она ему рекла: «Ничего иного не жадаю за то свобожение, толко чтобы еси ты понял[3261] себе меня в жену во время подобно». Рекл до ней: «То я тебе верне шлюбую[3262]». Тогды она панна без повеления отча того юношу абие выпустила из того вязенья и сама с ним утекла до его отечества.