Святыя славы кабацкия.
Несвятыя славы на кабак залесть желают, но недобрые поминаем отцем и матерно наказание, да мы их не слушаем, таково нам се и збываетца. Поймают сына в воровстве — и отцу не пособить, — и бьют по хребту. А сторонные люди глаголют: «Достойно и праведно вора смиряти!». И всяк, смотря на того, ся кажет. Сыне, добро слышати отца! Жизнь твоя пробавитца, темже тя мир весь хвалит.
Таже выход ис погреба с пивом. Прокимен и ермес на печи глаголет: «Пьяница, пропився, в раздранныя ризы облечется».[3807]
Стих: Ибо, что найдешь или украдешь, то понеси на кабак!
Стих: Хошь и любое платно, да пропити! Нет мотчи ся удержати!
**Таже паремьи. От мирскаго жития чтение. Пьяниц безвоздержанных и непослушливых душа в руках бесовских, — и прикоснется им мука. Непщевани[3808] быша во очию мудрых и мрети без покаяния, и еже от пития сокрушение костей и отпадения от плоти его, ибо пред лицем человеческий непостыдни суть. Аще и наготу приимут — упование их на пьянство с напрасньством[3809]. Аще и биени от вина, докуки не отлагают — яко бес искуси их и обрете их, неблагодарных, яко смолу на них приготових и яко всеплодну жертву огненному родству подав. И во время воровства их наги по торгу бьени будут, и, яко река ото очию их слезы потекут, — прейдет суд своему неудержанию. И обладаеми хмелем, и вкоренитца в них пьянство, и в нищете пребудут онем, яко благодать — на полатях и Запечная улица — на гольянских[3810], и попечение — в костарне их[3811].[3812]
**От мирскаго жития чтение.
Пьяницы на кабаке живут и попечение имут о приезжих людех, сего ради приношение их Христа ради приимут от рук их: денешку и две денешки. И яко Хмель десницу положит приезжему пропитися, и разопьется и ведром пива гольянских наидет, и приимет оружие пьянства и ревностию драки, и наложит шлем дурости, и приимет щит наготы, поострит кулаки на драку, вооружит лице на побои, пойдут стрелы ис полинниц, яко от пружна[3813] лука, и каменьем бывает бьем пьяница. Вознегодует и на них целовальник, и ярыжные[3814] напрасливы з батоги[3815] проводят: яко вихорь, развиют пьяных и очистят их до нага, да на них же утре бесчестие правят, и отпустят их во свою землю безо всего! Слышите, благочестия млады, и внушите, приезжие гости! А дасться вам сия напасть за глупость, и сила ваша — в немощь претворяется.[3816]
**От мирскаго жития чтение.
Правдивый человек, аще пьет и по корчмам водится, — в позор будет. Старость его не честна, ни многодетна, и в силе воровство его лишит, седины же егосрам ему приносят, старость бо жития его с позоры. Изволив житие скверно, благоугоден пьяницам быв, живый посреде трезвых преставлен бысть шальством, восхищен бысть ярыжными на воровство, да злоба покрыет разум его и лесть пьянства превратит душу его. Рачение[3817] бо злое губит добрая, и желание похоти прелагает его в ров погибели. Скончавшуся ему от воровства, никто по нем не потужит, исполнит лета своя в питии, и угодна бысть бесу душа его. Сего ради подщався[3818] от среды лукавствия, где бы что выманити да пропити, у всякого человека просити пива и вина и отнимати насильством. Людие же, видевше, у кого имаеть, битие ему сотвориша, а иные человецы в Бога его пустиша и неположиша в кручину сего, яко бити его некому и сняти с него нечего.[3819]**
Таже: **Сподоби, Господи, вечер сей без побоев до пьяна напитися нам. Лягу спати, благ еси нам, Хмелю, ищущим и пьющим и пьяни обретошася. Тобою хвально и прославлено имя твое во веки нами. Буди, Хмелю, сила твоя на нас, якоже уповахом, пьюще, на тя.[3820]**
Ни литии стихиры: Во отлучение достальных крох прибыток чюжаго имения. Глас иный, 18, подобен: О, болезненое шествие.
**Вооружился на пьющих крепко,**[3821] яко гороховое полохало[3822], по образу — яко человек, по разуму же — яко нетопырь: в день не летает, а в ноче летает. Тако и ты, пропойца, в день за печью лежишь, свернувся, яко пес, голодом мрешь, а в ноче, яко глуп подвижник, у пьяных мошни холостишь. А за труд свой почесть — прутье терпишь, но дурнаго обычая не отлучаешься, на преднее свое дуровство простираешься. Яко ворона, по полатям летаешь, тако и ты на полатях смышляешь, как бы кого облупити. Сего ради почесть прием трудов своих, кропивным венцем увязе главу свою, кручиною изнаполнил еси сердце свое, дектем помазал еси лице свое, процвел еси, яко крапива: кто ея ни возьмет — тот руки ожжет! Тако с тобою, с пропойцей: хто ни подружитца, тот охнет. Житием своим всех удивил еси, светяся, яко запечная звезда, или, яко бисер, в нелепем месте являяся, кои свиньи берут. Разумом своим во глубину пропасти понырнул еси и от трудов сниде во три ады.
3807
Пьяница, пропився, в раздранныя ризы облечется. — Ср. «Всяк бо пьяница отлучится от Бога и людей и облечется в раздранныя рубища» («Поучение к царем и князем <...> еже не упиватися». См.: Пролог, 7 апреля; Пономарев А. И. Памятники... Вып. 4. С. 141). См. также Пс. 92:1: «Господь воцарися, в лепоту облечеся...» (подражание ритму).
3812
Таже паремьи... Пьяниц безвоздержанных и непослушливых... Запечная улица — на гольянских, и попечение — в костарне их. — Ср. с паремийными чтениями из служб святым (здесь и далее в тексте паремийных чтений, т. е. чтений из Ветхого Завета, курсивом выделены слова и словосочетания, которые сохраняет автор сатиры, придерживаясь канвы канонического текста): «От Премудрости Соломони чтение, глава 3: Праведных душа в руце Божии и не прикоснется им мука, непщевани быша во очию безумных умрети, и вменися озлобние исход их, и еже от нас шествие сокрушение, они же суть в мире. Ибо пред лицем человеческим, аще и муку приимут, упование их безсмертия исполнь, и малой показании быша, великая восприимут, яко Бог искуси их и обрете достойны себе, яко злато в горле искуси их и яко всеплодну жертву прият их, и во время посещения их воссияют и, яко искры, по стеблию отекут. Судят языком и обладают людьми, и воцарится Господь в них на веки, надеющиися нань разумеют истину, и верни любовию пребудут в нем, яко благодать и милость в преподобных Его и посещение во избранных Его» (см., например, Минею служебную).
3816
От мирскаго жития чтение... Пьяницы на кабаке живут... и сила ваша в немощь претворяется. — Ср. с паремийными чтениями из служб святым: «От Премудрости Соломони чтение, глава 5: Праведници во веки живут, и от Господа мзда им и помышление их пред Вышним. Сего ради приимут царьствие благолепия и венец доброты от руки Господни. Яко десницею покрыет их и мышцею защити их. Приимет все оружие ревности его и вооружено сотворит создание в месть врагом и облечет я во броня правды, и возложит шлем суд нелицемерен, и примет щит непобедим преподобие, поострит же напрасен гнев во оружии и поборет с ним мир на безумныя, и пойдут праволучне стрелы молниины, яко от благокругла лука облаков на намерение летят, и от пращ каменных ярости исполнь падут грады, вознегодует на них вода морьская, реки же потекут жесточае, сопротив станет им дух силы, и яко вихорь развеет я и отпустит всю землю беззаконие, и злодеяние превратит престолы сильных. Слышите, убо, царие, и разумейте, и накажитеся судии концем земли, внушите содержащим множества и гордящиися о народех язык, яко дань быть от Господа вам и сила от Вышняго» (см., например, Минею служебную).
3819
От мирскаго жития чтение. Правдивый человек, аще пьет... яко бити его некого и сняти с него нечего. — Ср. с паремийными чтениями из служб святым: «От Премудрости Соломони чтение, глава 4: Праведник, аще постигнет скончатися, в покои будет. Старость бо честна, не многолетна, ни в числе лет изочтена, седина же есть мудрость человеком и возраст старости житие нескверно. Благоугоден Богови быв, и возлюблен бысть, и живый посреде грешник преставися, восхищен бысть, да не злоба изменит разума его или лесть прельстит душю его, рачение бо злое губит добрая и желание похоти пременяет ум незлоблив, скончався вмале исполнит лета долга, угодна бо бе Господеви душа его. Сего ради потщася от среды лукавьствия. Людиеже видевше и не разумевше, ни положиша в помышлении таковаго, яко благодать и милость на преподобных его и посещение во избранных его» (см., например, Минею служебную, 9 мая. Служба Николаю Чудотворцу).
3820
Сподоби, Господи, вечер сей без побоев до пьяна... якоже уповахом, пьюще, на тя. — Ср. текст молитвы в заключительной части чинопоследования вечерни: «Сподоби, Господи, в вечер сей без греха сохранитися нам, благословен еси. Господи, Боже отец наших. И хвално и прославлено имя твое во веки аминь. Буди, Господи, милость Твоя на нас, якоже уповахом на тя» (Часослов).
3821
Вооружился на пьющих крепко... — Кондак мученику, глас 2: «Вооружився щитом веры, нечестивых полки победил еси...» (см. Часослов).