Ложь ся не выводит, а правдою жити на кабаке пьющему — ни ковша не видати! Яко на кого пьяной розкручинитца, вы его и пьяные прощайтеся, только охота с ним и лохом пити. Подавайся по рукам — ино легче волосам! Только собою нечем купити, а на людех пити — ино и побои терпети. Говорят, без де нег — воду пити. Яко хто на корчме бытен пьет, всяк его хвалит в те поры, кое у него видят и пьют, а жити про собя на кабаке и не пити, яко в век скупому лают и хотят вси с одного ограбити, яко век около корчмы воры держатца. А хто без ума на кабаке пропився, деретца, яко в век и на дурака тюрьма уготована. Хто по мере изопьет в славу Божию, яко в век доброму добрая и слава.[3856] А которой без ума живет, а впредь не промышляет, как ему жити, яко в век живет с позоры. Мы про людей говорим, а про нас люди не молчат же, яко в век: каково кликну в лес — тако и откликнется. Хто пьян, то всяк сказывается богат вельми, а как проспится, ино перекусить нечево, а в мошне — ни пула, яко в век пьяному не ими веры. Хто людей добрых слушает и во всяких мерах сам пребывал, яко благ сам все знает, таковый милостивый искусный во всех будет.
Таже величание кабаку. **Величаем тя, кабаче веселый, и чтем собину[3857] свою, ты бо лупиши с нас и велишь нам по миру скитатися.[3858]**
**По сем псалом избранной. Терпя потерпех, на кабаке живучи, и протчее.[3859]**
По сем молитва пред каноном. Остолоп глаголет: **Спаси, Боже, с пропою люди своя и благослови дом достойныя воры своя,[3860]** молитвами закладу и собины нашея честнаго и славнаго пропою нашего, иже во клятых костарей кабацких, иже ненадобных ростовщиков богомерских, иже в неподобных воров великих, Кокорку[3861] и Мариловца[3862]. Сына поем, иже безумию их подражатель, Михаила Труса и Илейку Чернаго и всех головных воров, молящихся бити их кнутьем и в тюрьму сажати их. «Не надобно щадити!», — рцем им вси.
По сем канун, творение: Хто без ума и без памяти пьет, не крестиянски скончаетца.
Седален, глас 18, подобен: О, болезношен.
Иже на кабаке пропився, во своем помышлении глаголаше: егда аз без ума пропився до нага и не виде выкупующаго, ни другов ко мне бывающих, но молю ти ся: «Кабаче, дай же ми с похмелья оправитися!»
Кондак кобаку, глас 10: **Избранному кабаку безумныя песни принесем, вкупе пьюще, а на утре день весь оханьем провожающе, но яко имея к наготе дерзновение, житию поруха, голоду величание, о всех нас, пьющих, кабацкая пазуха[3863], веселися! А целовальники[3864] неправый богатством возбоготеша. С веселием ждет вас дно адово, а ярыжные на криве[3865] божбою[3866] своею души свои ломайте, вам бо невозбранно адовы врата отворяются и во аде большое место готовится. Да вси, Кабаче неблагодарне, зовем тебе: «Бесованию наставниче!».[3867]**
Икос: Кто ли пропився до нага, не воспомянет тебя, Кабаче неподобне? Како ли хто не воздохнет: во многие дни собираемо богатство, а во един час все погибе? Каяты много, а воротить нельзе. Пил еси, — после будет тебе о сермяге[3868] воздыхати. Три дни испил еси, с похмелья в оханья на три дня залезл еси, ру- коделия заложил еси, около кабака часто ходити изволил еси, глядети часто ис чюжих рук извыкл еси. Глядение лихое пуще прошения бывает.
Бубенная стукота созывает пьющих на шальное воровство, велит нам нищеты ярем восприяти и глаголет винопийцам: «Приидете, возвеселимся вмале, а опосле заплачем, сотворим возношение платью нашему всякому, на вине пропивание. Тому почюдимся, как вмале был разумен, а в мегновении окастал безо всего. Крепок безумен видящим на смех, а себе — на великую срамоту с поношением. Кто ли про тебя молвит, Кабаче непотребне, да лишитися не мотчи тя. Тем же злословим тя, Кабаче неблагодарне, бесованию наставниче.
Светилен, глас пустошный: «Яко злодеем пристанище, Кабаче, к тебе притекающим явил, сошедшеся на подворье, сотворим пестом возношение, ступай воздвизание, овсяной соломе извождение, наготы, босоты и гладу — из- навешано шесты. Радуйся с пропивающими, а просыпался — плачися, своим неистовством мучися, житие скончевая за собаки место.
На Хвалите стихиры, глас пустошный, подобен: Терпяще нужу.
Терпяще томления гладная, крепко радующеся надеемых, коего дни сыту быти, друг ко другу глаголюще ярыжные кабацкие: «Егда убо пьяной из мошны денег выймет, и дурнаго обычая не оставляем. Яро з голоду терпение: не добро с молотцы пропивати, но добро у мужиков у пьяных напиватися. Не убоимся, о, голенския! Мало поворуем да с кнутьем по торгу увяземся и оттуде и — в тюрму».
3856
Хто по мере изопьет в славу Божию, яки в век доброму добрая и слава. — Ср.: «...ино бо пианство есть злое, а ино — питье в меру, и в закон, и в подобно время, и в славу Божию» («Поучение блаженного Феодосия, игумена Печерского о казнях Божиих»), См. примеч. mccliv: «Невинно бо есть нам вино...».
3858
Величаем тя, кабаче веселый, и чтем собину свою, ты бо лупиши с нас и велишь нам по миру скитатися — Ср., например, текст величаний святым, исполняемых при чтении избранного псалма во время полиелейного чинопоследования: «Величаем тя, пророче Божий, и чтем святую память твою, ты бо молиши за нас Христа Бога нашего» (Минея служебная).
3859
По сем псалом избранной. Терпя потерпех, на кабаке живучи, и протчее. — Ср. текст избранного псалма, читаемого во время полиелейного чинопоследования вслед за 134-м и 135-м псалмами: «Псалом избранной. Терпя потерпех Господа» (см. Псалтирь с восследованием).
3860
Спаси, Боже, с пропою люди своя и благослови дом достойныя воры своя. — Ср. текст тропаря Честному Кресту: «Спаси, Господи, люди Своя и благослови достояние Свое...» (см. Часослов).
3867
Избранному кабаку безумныя песни принесем... Да еси, Кабаче неблагодарна, зовем тебе: «Бесованию наставниче». — Ср.: «Взбранному и дивному чудотворцу нашея земли днесь притецем любовию, тебе плетуще песнь <...> но яко имея дерзновение ко Господу, многообразных нас избави обстояний, да зовем ти: „Радуйся, утверждение граду нашему!”» (см. Часослов).