О, великое чудо, кто на тя бездельное не пронесет! Но мы про тебе говорим и злобою кленем тя, а не тешим. Темже же присно с воздыханием.
И ныне, глас остаточной: Что ти принесем, веселая Корчмо? Кажды человек различныя дары тебе приносит со усердием сердца своего: поп и дьякон — скуфьи и шапки, однорятки и служебники; чернцы — манатьи, рясы, клобуки и свитки и вся вещи келейныя; дьячки — книги, и переводы, и чернилы, и всякое платье, и бумажники[3884] пропивают, а мудрые философы — мудрость свою на глупость пременяют. Служилые люди — хребтом своим на печи служат. Князе и боляре и воеводы за меду место величаются. Пушкари и салдаты тоску на себя купили, пухнут, на печи лежа. Сабельники саблю себе на шею готовят. Пекари и обманщики напастья на тебе величают. Тати и разбойницы веселятся, а холопии спасаются, кости[3885] нося в приполе, говорят быстро, плюют далече, з басы на погибель бросаютца, басливые батоги на тебе освящаются. Жонки блуд и скаредство приносят, мужни жены, добрые, срамоту себе улучают; зерньщики[3886] и костари[3887] и такальщики[3888] усовую болесть[3889] себе получают, ставают — охают, ложася — стонут. Ростовщики ворогушу[3890] себе вырастили: тружает их сухотою[3891] по вся часы. Скупщики всякие стоноту на тебе купили. Купцы, десятники[3892] и довотчики[3893] кнутом ся венчают. Пономари[3894] — туды ж, что люди, в стадо бредут, воск и свечи приносят. Что быльные же люди[3895]? Туды же — пьют. И всякий человек, рукодельны, и простый, и искусний, всякими дуростьми тебе, веселая Корчмо, величают. Мы же вси, любящей тя, и отцов и матери оставихомся, чужую сторону с позоры познавахом. Всякий тя человек проклинает, только тебя не лишается. Повары всякия мудрости свои на винную чарку предают, лесники — куницы и соболи и векши[3896] на пече оценивают лежа: тот соболь — ведра другого суден[3897]. Кузнецы топоры и ножи, и наковальна, молоты и клещи и мехи и косы себе на шею готовят. Хмелю, проломил еси нас, всякому вежству з басы научил еси нас, веселие нашему веку и сухоту, славим тя болезнено во веки.
Притча: Нападает помышление на чтущих соборов, в сердцы же советующих пребывает свет чреву и скорбящу — смирится сердце. Ботеющу[3898] телу — сверепеют помышления.
Житие и позоры, и горькое терпение, и о любящих многое питие без меры. Благословите мя плутати
Сии убо родишася от многих стран различных от неподобну родителю и безумну и з горестию хлебом воспитани быша. Друзии же от добру и богату родителю быша рождени, воспитаны же нескорбно и безпечально. Егда же достигоша юношескаго возраста и не изволиша по отеческому наказанию жити, но изволиша по своей воли ходити, родителие же здержавше их, и не возмогоша, и предаша воли их. Они же приложишася ко онем наказным[3899] и начаша ходити на вечери и на вино многое. Родителие же их не возмогоша здержати никакими наказаньми и предаша воли их. Они же быша буяви и храбри, не быша же не древодельцы, ни земледельцы. Взяша же некую часть имения ото отец своих и приидоша на корчмицу, разточиша же имение свое не Бога ради. После же — обнищаша и взалкаша, телеса же своя наготою одеяша, срамныя уды объявиша, несрамляху бо ся лица человеча, не пекущеся о житейских, но чрево имуще несытно, пьянства желая всегда упиватися и, яко болван, валятися и досаждати человеком нелыпыми глаголы, приемлюще побои и ударения и сокрушения костем, в нюже нужу терпеша глад и наготу и скорбь всяку. Не имеяху ни подстилания мягкаго, ни одеяния тепла, ни под главою зголовья, но, яко пси свернувся, искаху себе запечна места. Телеса же их обагрени быша сажею, дым же и жар терпяху, вся та не Бога ради, но — для своего бешения.
Аще бы такия беды Бога ради терпели, воистину бы были новые мученики, ихже бы достойно память их хвалити. Ныне же кто не подивится безумию их? Без ума бо сами себя исказиша. Не довлеет бо им милостыни даяти, но вместо даяния — сами восхищаху, вместо колейнаго поклонения — плескания предлежит, вместо же молитвы к Богу — сатанинския песни совершаху, вместо бдения нощнаго — всенощно спяху и инех опиваху, друзии же обыгрываху. Вместо поста — безмерное питие и пьянство, вместо фимиянного обоняния — смрадяху бо телеса их, от афендров[3900] их исхожаху лютый безмерный смрад. Вместо понахиды[3901] родитель своих всегда поминающе матерный словом. От юных возраста достигше до средовечия, никакоже первых обычаев отлучишася, но на горшая прострошася и заблудишася, от истины впадоша в ров погибели. **В нощи убо не усыпаху и не почиваху, но, обидяще чюжие дома, призирающее, да бы нечто украсти. Аще же что украдут, то все в несытую свою вливающее утробу. Аще ли стерегущии изымают, то многия раны возлагают на тело их, последи же и узами железными свяжут, и уранят, и в темницу отдадут. Егда же ко злой смерти влекоми будут, тогда воспомянут родители своя и наказание их, и ничтоже им поможет, не достигли бо суть добра возраста, ни красныя зрения, ни седин процветения.**[3902]
3902
В нощи убо не усыпаху и не почиваху... ни красныя зрения, ни седин процветения. — Этот текст утрачен в старшем списке и восстановлен по двум спискам XVIII в.