Иже сотворивый небо и землю, и море, и свет, солнце и луну, и звезды, и древа полская[4348], и траву сенную[4349], и всяку душу живу: зверие, и скоти, и птицы небесныя, и рыбы морския, и гады пресмыкающиися по земли. И всяку тварь видимую и невидимую от небытия в бытие приведе.[4350] Якоже Давыд глаголет: «Словесем Господним небеса утвердишася, и духом уст его вся сила их».[4351] И сотвори аггелы и архаггелы, херувими и серафими, и вся воя небесная. И паки той же Давыд глаголет: «Творяй аггелы своя духи, и слуги своя огнь палящь».[4352] И постави же десятому чину воеводу Сатанаила. Сей же своею гордостию превознесеся и рече во уме своем: «Взыду на небо, и поставлю престол свой на облацех, и буду подобен Вышнему». И того ради свержен бысть с небес и со всеми вои чина его и наречен Сатана. И бысть тме началник и со отступными его бесы.[4353] Исайя бо рече: «Како спаде деньница заутра восиявающия, и виде Господь Сатану, спавша с небес яко молнию».[4354]
И сотвори Господь человека по образу своему и по подобию, и жену ему сотвори, и в Рай введе. И заповедь даст им от древа не ясти, еже разумети добро и лукаво[4355]. И ненавидяй добра роду человечю завистливый диявол прелсти их, еже преступити данную им заповедь. Того ради изгна их Господь из Рая, и сотвори им ризы кожаны, заповеда, рек: «Тружаяся, делая землю в поте лица твоего и яси от нея[4356]».[4357] Адам же изыде из Рая, и начат труд творити — землю делати, по словеси Господню, и питатися от нея, и славити Бога.
Темже[4358] и мы, братие, не будем сопротивны[4359] и равны Богу, по словеси Господню труды своя полагаем, якоже апостол Павел глаголет: «Подобает убо делателю преже от плода вкусити».[4360] И паки рече: «Иже не делает, да не яст».[4361] Добро есть и полезно, еже славити Бога без престани и покланятися в Троицы славимому Господу нашему Исусу Христу, еже показа нам светилника сего, праведнаго и непорочнаго чюдотворца Артемия. Воистину убо богоблаженнаго сего достойно прославити и пети усердно, образу его молитися, творящаго многа и преславная чюдеса и исцеления болным, и разслабленный, и слепым, и хромым, и всякими недуги различными здравие подающаго неотложно и неизменно[4362] благодатию Божиею, и помощию, и молитвами, и молением Пречистыя его Матере и угодника его святаго, великаго святителя и чюдотворца Николы, и святаго праведнаго, и новоявленнаго, и страстотерпца Христова богоблаженнаго Артемия. Но остану много глаголати, да не в забвение[4363] внидем, но проповедаем его житие и подвизание к Богу, еже бысть страдание его.
В лето 7040-го (1532) лета от создания миру в Двинском уезде по реку, глаголемую Пинегу, от Кевролы вверх, в веси, нарицаемой Веркола, родися сей богомудрый праведный Артемий от християну благочестиву родителю — отца его именем Козмы, рекомаго Малаго, и матери Полинарии. И воспитан бысть родителема своима. Бе же отроча[4364] пяти лет, и начат лишатися детскаго обычая, и возненавидев игры детския, возлюби Бога. И начат труд творити, земное дело[4365], и питатися от нея по Господню словеси, еже глаголано Адаму: «В поте лица своего яси от плоду земнаго». Уподобися труды своими древним праотцем Адаму, и Ною, и Аврааму, и Исааку, и прочим по глаголющему Павлу апостолу: «Подобает убо прежде делателю от плода вкусити, а иже не делает, да не яст». Сей праведный Артемий работая отцу своему и послушая его во всем неотложно, якоже Соломон рече в Притчах: «Сыне, послушай отца своего и не отрини наказания матере своея», «Сын премудр веселит отца»,[4366] и «Память праведнаго с похвалами бывает».[4367] И сам Господь рече: «Почитай отца своего и матерь свою и люби ближняго своего, яко сам себе».[4368] И паки рече: «Возлюбиши Господа Бога своего от всего сердца своего, и от всего помышления своего, и от всея душа своея, и от всея крепости своея».[4369] Праведный же отрок почитая отца своего и матерь свою, и любя Господа Бога, и моления творя многа, и милости от него прося.
4350
Иже сотворивый небо и землю, и море, и свет... от небытия в бытие при веде. —
4353
И постави же десятому чину воеводу Сатанаила... тме началник и со отступными его бесы. — Согласно небесной иерархии Дионисия Ареопагита Господь создал 9 чинов ангелов, расположенных в иерархии по степени близости к Богу и предназначению в служении Богу. Апокрифические источники, на которые опираются сочинения о миротворении (в данном случае — Историческая палея), называют десятый чин ангелов, во главе которого был поставлен Сатанаил. Увидев красоту созданного Богом мира, Сатанаил возгордился и замыслил стать подобным Богу. За это в четвертый день был свержен с небес со всем подвластный ему чином ангелов.
4354
«Како спаде деньница заутра восиявающия, и вид Господь Сатану, спавша с небес яко молнию». —
4366
...Соломон рече в Притчах: «Сыне, послушай отца своего и не отрини наказания матере своея», «Сын премудр веселит отца»... —
4368
«Почитай отца своего и матерь свою и люби ближняго своего, яко сам себе». —
4369
«Возлюбивши Господа Бога своего от всего сердца своего, и от всего помышления своего, и от всея душа своея, и от всея крепости своея». —