Егда же достиже двою на десяти лет[4370], и бе же на поле, тружаяся землю орания, еже боронити[4371], и моляся Господу Богу. В то же время воста ветр велий Божиим изволением, и дыханию ветреному многу бывшу. Якоже Давыд глаголет: «Яко той рече, и быша; той повеле, и создашася»,[4372] «Хвалите Господа от земля, змиеве и вся бездны: огнь, град, снег, голоть, дух бурен, творящая слово его».[4373] И бысть облак темен с небеси аки нощь, изо облака же дождю многу, и гром велий, и молния неизреченная страшна. Якоже Давыд глаголет во Псаломстей книги: «Собираяй яко мех воды морския, полагаяй во сокровищих бездны. Да убоит же ся Господа вся земля, от негоже подвижатся вси живущей по вселенней».[4374] «Темна вода во облацех воздушных. От облистания пред ним облацы проидоша, град и углие огнено. И возгреме с небесе Господь, и Вышний даст глас свой. Пусти стрелы и разгна я, и молния умножи, и смути их. И явишася источницы воднии, и открышася основания вселенныя от запрещения твоего, Господи, от дохновения духа гнева твоего».[4375] Бывшу же многу гласу тройному. И абие[4376] над праведный Артемием зелнейша[4377] и крепчайша, с прещением велиим[4378] гром возшуме. Блаженный же ужасеся, и от того великаго ужаса и грому испусти дух, и предасть душу свою в руце Господеви. Якоже сам рече Господь: «Бежите от гнева Господня».[4379] И паки рече: «Аще гнев Божий, или молния и гром поразит человека, и аз сам сужду рабу моему».
Положено же бысть тело сего богоблаженнаго Артемия на пусте месте в лесе, еже нарицается Сосония, верх земли не погребено, одаль церкви.[4380] Господь же рече: «Прославляющаго мя прославлю именем моим».[4381] «Не может град укрытися верху горы стоя».[4382]
Бысть же некто клирик, еже есть дияк церкви Святаго Николы,[4383] именем Агафоник. В лето 7085-го (1577) той Агафоник ходя по тому месту лесом, идеже лежит тело святаго праведнаго Артемия. И возсия свет от места того — Господь Бог прославляет святых своих. Прииде же той Агафоник и обрете тело святаго цело, ничимь не врежено. И поведа християном веси тоя живущим[4384], что мощи блаженнаго обретошася целы плотию. Християне же неразумием взяша просто тело святаго Артемия, и привезоша к церкви, и положиша его тело в паперти святаго Николы. Господь же Богь Милосердый, не хотяй зла созданию своему, роду человечю, от диявола мучиму, хотяй угодника своего святаго богоблаженнаго, и богомудраго, и праведнаго Артемия прославити во страны тоя Кеврольския, и показует нам такова светилника, творящаго дивная и преславная чюдеса.
В то же лето бысть попущением Божиим, грех ради наших, християном належа[4385] велика и тяжка болезнь в людех, ту живущих, еже речется трясавицею болети.[4386] И от тое великие болезни мнози к смерти приближающеся, иные же и смертию скончашася, жены и дети. Владыка Господь наказует нас скорбьми и болезньми многими, дабы обратилися и покаялися от грех своих. Мы же, не престая, согрешаем и Бога прогневляем своими злыми делы. В то же время бе человек тоя веси именем Калинник. И лучися[4387] сыну его быть в том недуги, трясавицею болети зело. Человек же той моляшеся Господу Богу, и Пречистой его Богоматери, и святому чюдотворцу Николе, чтобы отроча его Господь избавил от тоя болезни. И шед к мощем святаго Артемия, и приложися ко гробу его, и взем покрова, еже есть береста, со гроба святаго Артемия. И прииде в дом свой и положи сыну своему на персех его на гойтян,[4388] и бысть здрав сын его от того часа. Возрадовася человек той радостию великою о сыну своем, благодарение воздаст Господу Богу и угоднику его святому Артемию и поведа всем християном чюдо бывшее. Християне же с радостию притекоша к церкви святаго Николы и начата молебная пения совершати и память творити богоблаженному Артемию. И умилосердися Господь о рабех своих, молитвами святаго Николы чюдотворца и святаго праведнаго Артемия преста болезнь в людех от того часа. Чюдеса же святаго богомудраго Артемия начат умножатися, исцеления многа бывати больным: слепым зрение, хромым хожение, глухим слышание и всякими недуги одержимыми здравия многа.
Кто убо сего страстотерпца не похвалит, творящаго таковая чюдеса! Лепо убо подобает по достоянию похвалити, но недоумею твоему достоинству[4389]. Темже убо с Давыдом речем: «В память вечную будет праведник»,[4390] и в память вечную память твоя. Честна пред Господем смерть преподобнаго сего.[4391] «Возвеселится праведник о Господе и уповает на нь».[4392] Якоже премудрый Соломой речет: «Память праведнаго с похвалами бывает, и благословение Господне на главе его».[4393] «Праведник, аще постигнет скончатися, в покои будет».[4394] «Похваляему праведнику радость людей»,[4395] безсмертие бо есть память его, яко от Господа познавается и от человек, и угодна Господеви душа его. Еже память праведнаго нас радостны и веселы творит, егоже поминаем днесь, не яко, да нашими похвалами лучше сподобится, но яко, да, воспоминаем, мы по возможному подобни будем[4396] Вси праведнии единаго естества быша. Не в той же ли воздух зряху, не ту же ли землю населяху! Но по величеством желания к Божии любве себе издаша, вся возмогоша, чюдеса творяху. Зрим убо сего добраго подвижника, творящаго велия чюдеса. О богомудре Артемие! Не забуди ны, но молися Христу Богу о нас грешных, яко да твоими молитвами благодать Божия осенит душа наша, и просветит нас светом разума истины, и наставит на правый путь, вводяще в Царьство Небесное, безконечное и блаженное!
4373
«Хвалите Господа от земля, змиеве и вся бездны: огнь, град, снег, голоть, дух бурен, творящая слово его». —
4374
«Собираяй яко мех воды морская, полагаяй во сокровищих бездны. Да убоит же ся Господа вся земля, от негоже подвижатся вси живущей по вселенней». —
4375
«Темна вода во облацех воздушных... от дохновения духа гнева твоего». —
4380
Положено же бысть тело сего богоблаженнаго Артемия на пусте месте в лесе, еже нарицается Сосония, верх земли не погребено, одаль церкви. — Тело Артемия было положено в сосновой лесу на правой берегу Пинеги, напротив Верколы; в более ранних редакциях сохранилось верное чтение «под сосной». По христианскому обычаю убиенных молнией не хоронили в церковной ограде.
4383
...церкви Святаго Николы... — Церковь Св. Николая находилась на левом берегу Пинеги в Верколе. По-видимому, это был первый храм Веркольского прихода, точное время образования которого неизвестно. Церковь сгорела в 1639 г. и была отстроена вновь в 1697 г.
4386
...трясавицею болети. — Трясавица — один из типов лихорадки. По народный преданиям, лихорадки — одушевленные существа, имеющие различные наименования. Эти существа нападают на человека за его грехи. В народе бытовали различные предания о лихорадках и заговоры на исцелемие от них.
4388
...на персех его на гойтян... — Гайтан, гойтан (севернорус. диалектн. «гойтян») — лента, тесемка или шнурок, на котором носят на груди (на персех) нательный (наперсный) крест.
4393
«Память праведнаго с похвалами бывает, и благословение Господне на главе его». —
4396
не потому, что нашими похвалами больше прославится, но потому, что, воспоминая <его>, мы, насколько возможно, <ему> подобны будем;