Чюдо 13. В то же время бе некая жена именем Мамелфа дщи Кондратьева немогии утробною болезнию многое время. И помолися с верою Господу Богу и святому Артемию. И бысть жена та здрава от того часа от болезни тоя, благодаря Бога и святаго Артемия.
Чюдо 14. Месяца марта в 2 день поведа нам человек некто именем Архип, рекомый Хрыпунов, кевролец. Бе дщи его именем Ксения, младенец пяти лет, бысть болна велми, не виде очима ничтоже неколико время. И ко врачем ходяше и ничтоже успеша. Прииде же в Верколу той человек, и помолися с верою святому Артемию о своем младенце, и молебная совершив, и приложися ко гробу святаго. И бысть дщи его здрава очима от того часа. И отъиде в дом свой, радуяся и славя Бога и святаго Артемия.
Чюдо 15. Ин человек некто именем Карп, Сурские веси, прилучи же ся ему болезнь велика зело, яко внутренним его терзатися люте, и бе тело его отягче. Бывшу же ему в том недузе многое время и ожидающу смерти. Мати же его моляшеся с верою святому Артемию Верколскому чюдотворцу и обет положи ко святому молебная сотворити. И в той час проглагола сын ея, аки от сна воспрянув, облегчися болезнь его, и бысть здрав, яко николиже боле. Прииде же в Верколу человек той, и молебная совершив, славя Христа Бога и угодника его святаго Артемия, и отъиде восвояси, радуяся.
Чюдо 16. В та же времена бе некая жена именем Анна, Кирилова жена, ис Чаколы, имея у себе младенца, болезнию огневою велми одержима, яко уже младенцу скончатися хотящу. И помолися жена та с верою святому Артемию о своем младенце. Святый же Артемий избавляет младенца от тоя болезни. Жена же благодарение воздав Богу и святому Артемию.
Чюдо 17. Ина жена именем Евдокия дщи Якимова с Ваймуши, бысть же она в недузе, опухло бяше лице ея, и не виде очми ничтоже, и не владея собою. И начат молитися Господу Богу и святому Артемию чюдотворцу. Егда же прииде в Верколу, и по совершении молебнаго пения приложися ко гробу святаго праведнаго Артемия. И бысть та жена здрава от болезни своея, славя Бога и святаго Артемия, и отъиде восвояси, радуяся.
Чюдо 18. Человек бе некий именем Дионисий ис Чаколы, у негоже болеша очи, и не виде ничтоже недель десять. И слышав велия чюдеса, творимая святым Артемием, и притече ко святому, и помолися с верою. И здрав бысть человек той молитвами святаго Артемия и благодарение воздая Богу и угоднику его святому Артемию, творящему таковая дивная и преславная чюдеса.
ПРЕНЕСЕНИЕ МОЩЕЙ СВЯТАГО ПРАВЕДНАГО АРТЕМИЯ ВЕРКОЛСКАГО ЧЮДОТВОРЦА ИС ЧАСОВНИ В НОВОПОСТРОЕНУЮ ЦЕРКОВЬ, ИДЕЖЕ УЧИНЕН МОНАСТЫРЬ
Лета седм тысящ сто пятьдесят шестаго (1648) месяца марта в З день в государеве Цареве и великого князя Алексея Михайловича всеа Русии грамоте из Болшаго дворца за приписию дьяка Давыда Дерябина[4438] писано в Кевролу к воеводе Григорью Михайловичю Аничкову.[4439] А велено в Верколской волости святаго праведнаго чюдотворца Артемия мощи собрати в раку и положити по-прежнему. А ис часовни пренести в церковь святаго великомученика Артемия, где монастырь построен. И во 157-м (1648) году месяца ноября в 17 день той же воевода Григорий поезжает ис Кевролы в Верколу и повелевает с собою ехати церковным служителем, священником патриарши десятины, поповскому старосте Никольскому священнику Якиму, да Кевролского стану Воскресенскому священнику Марку, и диякону Доментияну, да Карпогорские волости Воскресенскому священнику Дмитрию. И приехали в Верколскую волость и тое же волости черной священник Иона да белой священник Софоний. Священницы же в церкви Божий соборне молебное пение сотворяют славимому в Троицы Господу Богу нашему Исусу Христу, и Пречистей его Богоматери, и святителю Христову великому чюдотворцу Николе, и святому великомученику Артемию, и святому праведному Артемию, новому чюдотворцу, вкупе же и освящение воде сотворяют. И по совершении молебного пения приходят священницы в часовню и ту у честныя раки святаго чюдотворца Артемия доволно молитвуют. И открывают раку, и священною водою окропляют, и честныя и чюдотворныя его мощи со благоговеинством собирают, и полагают в новую раку, и покровом покрывают. И приимше раку с верою, и молением, и с песньми духовными и пренесоша ис часовни в церковь святаго великомученика Артемия в новую ограду, где монастырь построен. И положиша честно в церкви одесную страну в десятое лето по згорении оные церкви. И тако кождо разыдошася в домы своя, славяще и благодаряще Христа Бога и угодника его святаго праведнаго Артемия Верколскаго чюдотворца.
Чюдо 19. Многа убо чюдеса бываше и исцеления преславна святым и праведный Артемием и по пренесении мощей, ихже множества ради несть лзе писати и в забытии ума невозможно вместити. Мы же от многа нечто мало возвестим. Бысть убо некогда приехал з Двины из Сетренского монастыря[4440] в Верколу старец Игнатей, а сказал: лежал, де, он в монастыре в тяжкой болезни четыре недели, и языка у него не было, говорити не могл. И прииде к нему в видении святый праведный чюдотворец Артемий и рукою своею погладил его лежащаго по голове. И у него, де, в то время язык объявился, и нача глаголати он старец. И призвал отца духовнаго, и исповедался, и вскоре быв здрав. И приехав дозде помолитися святому праведному Артемию Верколскому чюдотворцу. И отпев молебная, поехав в Сетренской монастырь, хваля Бога и святаго чюдотворца Артемия.
4438
...дьяка Давыда Дерябина... — Дерябин Давыд Корнилович — дьяк приказа Большого дворца в 1647–1657 гг.
4439
...к воеводе Григорью Михайловичю Аничкову — Григорий Михайлович Аничков — думной дворянин, первый судья приказа Новая четь, ум. в 1671 г..
4440
...з Двины из Сетренского монастыря... — Сестренский (Сефтренский) Спасский мужской монастырь находился в Сестренском погосте Вологодской губернии, Сольвычегодского уезда, на правом берегу Северной Двины; в 1764 г. упразднен и преобразован в приход.