И начаша людие из окресных стран и ближние жители приходити к чюдотворцу по-прежнему и по своему обещанию молебствовати многое множество, всякими недуги одержимыя. И молитвами святаго изцеление получаху и вси здрави бываше. И сие видяще преждепомянутыи свирепии людие, и сами обратишася, и начаша к чюдотворцу приходити, якоже и прочий людие, и на изгнание нас не устремляхуся, но быша кротцы. А инии людие начаша приходити, и тружатися, и вклады чюдотворцу в казну дающе, и единожители учинишася. И с того времяни монастырь святаго праведнаго Артемия Верколского чюдотворца именовася и молитвами его распространяшеся.
Чюдо 22. В лета 7201-го (1692) в декабре месяце прииде в Верколув монастырь святаго праведнаго Артемия кевролец из веси Шардонемы, юноша именем Евсей Семенов, зовомый Теплухин. И поведа нам сие. Бывшу ему в Пустоозерском остроге, и лучися быти ему в зимное время за Губой[4446] на промыслу с товарыщем. И поиде он через Губу в Пустоозерской острог для хлебных запасов. И в то время нападе туман, и с прямого пути совратися и нача блудити, ходя по Губы в тумане. И в велицей печали блудиша три дни, и свету мало видя, и нача изнемогати зело, и падая, и лежа, и с великим трудом воставая, шествие творя безпамятно. И отчаявся живота своего, и чая себе от глада и мраза умрети. И прииде ему во ум чюдеса святаго праведнаго Артемия, бываемая в людех. И нача со слезами молитися Богу, и на помощь призываше чюдотворца Артемия, дабы не погинуть ему безвестно. И обещание положи быти у чюдотворца в Верколе и молебен пети. И в то время внезапу тумана не бысть, и свет возсия, и земля объявися, яко облак. И место позна, пойде к людем, радуяся, и не можаше ити, падаше. И увидеша людие Волока Пенежского,[4447] и доведоша его к себе, видяще зело изнемогша. И по времени начаша вопрошати его. Он же поведаше им все по ряду сие преславное чюдо, и вси прославиша Бога и святаго Артемия, избавльшаго от напрасныя смерти. И той человек обещание свое исполнив: молебная пев, и к мощем приложися, и отъиде в дом, радуяся.
Чюдо 23. Того же году в генваре месяце приехав в Верколу с Колмогор Приказной полаты подьячей Федор Семенов сын, зовомый Блезнин. И поведа нам чюдо бывшее. Егда бысть он послан с Колмогор в Колу на хлебных лодьях морем с товарыщи, и случися им от бури страх велий. И уже видеша себе кончину, и срачицы свои премениша, и живота своего отчаяшася. И в тое скорби начаша Богу молитися все усердне со слезами, и на помощь призывание святаго праведнаго Арьтемия, и молебны обещались служить в Верколе, и на свечи собрали. И в той час от потопления свободишася, и внезапу сташе в тихом пристанищи, и быша в велицей радости, якоже неначаемая получиша. И буря утолися. И не по мнозе времени дал Бог ветр пособный, и бес трудов преплывше морскую пучину в целосте. И быша в Коле, и о сем преславном чюдеси прославиша Бога и угодника его святаго Артемия. И той Феодор обещание исполнив: молебная совершив, и отъиде восвояси.
О ПОГОРЕНИИ ЦЕРКВИ В ОГРАДЫ
В лето 7203-го (1695) месяца апреля в 8 день, на третей недели по Пасце, в понеделник, с полудни паки прииде гнев Божий, грех ради наших, велма же убо наказующу нас Богу за премногия грехи наша, яже бываема по вся дни от нас. Бысть убо в той день во церкве служил молебны иеромонах Герман[4448] с Максимом Поясницыным, а пономарь был Насон Ставров. И по отпетии молебнов вскоре некак загореся в церкви от свещи или иным каким небрежением. И узревшу в церкви уже пламени велику и окнами вон дышуще. И прибегше людие мнозии, и нудящеся всячески внити во церковь, и не возмогоша зельнаго ради огненнаго возгорения. И не могоша вынести Божия милосердая икон, и чюдотворныя раки, и иные церковные утвари. И что было прислано государева жалованья, то совсем згореша. И о сем чернцы того монастыря, и белцы, и веси тоя Верколския жители вси стекошася, видяще такое внезапное и ужасное великое пожарное разорение. И быша в велицей скорби, и сетующе, я плачюще вси, взираюше на церковное здание, и помышляюще, колико было много и премного за молитв святаго и праведнаго Артемия прислано государева жалованья церковные утвари, и то все кроме колоколов згорело. И тщашеся со усердием о другие церкви и прочего здания монастырского, дабы Господь сохранил. И вскоре та церковь обвалися и згореша вся, а иное здание молитвами святаго Бог сохранил.
4446
Бывшу в Пустоозерском остроге, и лучися быти ему в зимное время за Губой... — Пустозерск, или Пустозерский острог, — слободка в Архангельской губернии, Мезенского уезда на полуострове Пустого или Городецкого озера в 100 верстах от устья р. Печоры. Пустоозерск был построеп в 1499 г. князьями Курбским, Ушатовым и Заболоцким для сбора дани с самоедов. Пустозерск, бывший местом ссылок многих знаменитых людей, более всего известей как место ссылки и казни протопопа Аввакума (см. наст. изд., т. 17). Губа — промысловое место, очевидно, название Пустой губы или губы Порчниха, обе находятся на Лапландском берегу Северного океана.
4447
...Волока Пнежского... — Прежнее название г. Пинеги, ставшего в 1780 г. уездным городом.
4448
...иеромонах Герман... — Иеромонах Герман был строителем Веркольского монастыря с 1686 по 1693 г.