И тако, якоже обещася, милует, заступающи, всех православных, исповедающих ея сущую Богородицу, и во всяком месте призывающих святое имя ея, всех моления исполняющи. Присно же паче в сей Росийстей стране новых людей своих милостивно назирает, различныя милости своея на них богатно изливающи и всяко место своею милостию посещающи. И сего ради от всех присно славима на всяком месте, и не обрящет никтоже никоего места: ни града, ни веси, ни монастыря, ни в просте живущих людей, в нихже несть Богородичны церкви. По всей бо земли, идеже Божия слава проповедана бысть, ту и рождшая его хвалима есть и славима. Паче же всех месть сия великая Росийская страна имееть изряднее[4461], еже толицеми церквами Богородичными освящатися честне, и божественне, и верне славити святое имя ея, и тоя выну[4462] имети спасение, и стену, и забрало. Сия же силою своею озаряет и просвещает, темже и вси отнюд святители же, и царь, и того повинницы, сановитии же, и безсановитии, и простым житием живущии о всякой вещи радостне по различных чюдотворных местех к Богу и к Богородицы пририщут, о всякой печалной вещи молящеся, и тягость печали отлагают. Оставлю убо число неисчитаемое от нея бывающих чюдес и целеб от различных недуг, да не ослабею недоведением на вящая повести.
О МЕСТЕ ЧЕРНЫЯ ГОРЫ
Есть же убо о сем страна некая великия Росии, Двинская нарицаема, прилежащая краем Великаго моря окияна, по немуже и корабли приходят от Западных стран в Росию, идеже великая река Двина вмещается в нем. Есть же и предел тоя же Двинския области, река, нарицаемая Пенега, впаде в ту же великую реку Двину. Имат же и сия река многия веси по себе, продолжающися яко на пятьсот поприщ.[4463] Есть же убо, прилежащи краем к реце той, гора некая велика и превысока зело, Черная наричема, иже продолжающися до того же Великаго моря окияна на северную страну. Имать же величество свое яко триста поприщ и болши. Исходят же из нея и реки многи. Высотою же превысока зело, имеющи на себе великия лесы, и езера, и блата, и дивиих[4464] зверей множество. Восход же имущи на ню от реки Пенеги, единою стезею взыти на ню, яко поприще едино и пол, идеже ныне манастырь стоит благодатию Христовою. С высоты же ея видети, яко с воздуха, окрест ея стоящия веси. Сия же Черная, реку же ныне Светлая, гора присещением Божия Матери от сотворения мира пуста стояше и небрегома никимже. И никтоже от человек живяше на ней, отнелиже и крещена бысть Росийская земля. Егда же восхоте Бог прославити сию, якоже древле Синайскую явлением угоднику своему Моисею,[4465] такоже и ныне явлением честнаго образа Матери Своея, свято и преславно показа место святое сие. Бысть же сице в лето от создания мира 7111 (1603) во царство царя и великаго князя Бориса Феодоровича всея Росии,[4466] егда изволи Пресвятая Богородица прославити место святое сие.
Бе некто игумен именем Варлам, служитель церкви Воскресения Христова, иже в Кевроле,[4467] на тойже Пенеге реце. Имяше же игумен Варлам у себе икону — образ Пречистыя Владычицы нашей Богородицы и Приснодевы Марии, иже Владимирская нарицается. И велию веру имяше к святей иконе той. Пришедшу же ему уже во глубоку старость, помышляше предати по себе святую икону ту единому некоему от христолюбивых муж. Изыскав же и обрете некоего мужа именем Харитона, прозванием же Иванна, мнев его благочестива суща страннаго[4468] ради жития его. Тойже Иван, аще и житием благочестив являшеся, делы же прост некако. Се же помышляющу игумену тому о семь, и яко уже и предати хотяше честную икону ту мужу тому. Бысть же во един от дний тех, пришедшу игумену тому от утрени в келию свою, и абие в сон сведен бысть. И видит, яко отверзошася двери келии его, и глас бысть яко жены некия, глаголющ к нему умилно: «О старче, что помышляеши отдати икону Пречистыя Богородицы мужу неискусну сушу. Но отдай ю вдовому попу Мирону, хощет бо Бог сею прославити место Черныя горы». По скончании же гласа того абие игумен он возбнув от сна того, и не яко во сне, но яко явленно повеленная ему дела ведый, исполняя, якоже рече: «Держащим бо ся чистым светолитием душам сонными вящая боговиденми глаголет, яко своим уже бывшим, тем беседует, и радующимся преподобным во славе его». И вскоре хотя исправити, размышляйте же в себе: «Не ведый, кто есть иерей Мирон, не ведый, и где есть».
4463
...на пятьсот поприщ... — Поприще — мера длины, восходящая к римской миле. Русское поприще примерно равно 1066 м.
4465
...якоже древле Синайскую явлением угоднику своему Моисею... — Синай — гора на Синайской полуострове, куда пришли израильтяне на третий месяц по выходе своем из Египта и с вершины которой был дан евреям Закон от Бога. Святость этого места была возглашена Богом Моисею — вождю и законодателю еврейского народа, пророку и первому священному бытописателю. Однажды, когда Моисей пас овец своего тестя Иофора, он подошел к горе Хорив, являющейся отрогом Синайской горы, и увидел на ней купину — терновый куст, охваченный огнем, но не сгоравший. И тогда Бог возгласил ему о святости этого места (см.: Исх. 3:1–4). Затем, когда, по исходе из Египта, евреи подошли к подножию Синайской горы, Бог ознаменовал свое присутствие на ней страшный громом и молнией, сильный трубным звуком, гора была объята огнем и дымилась. Тогда и были провозглашены 10 заповедей Закона Божия (Исх. 19:16–20, 20:1–21).
4466
...во царство царя и великаго князя Бориса Феодоровича всея Росии... —
4467
...игумен именем Варлам, служитель церкви Воскресения Христова, иже в Кевроле... — Известно, что на Пинеге в Кевроле существовал один из самых ранних севернорусских монастырей — Кевроло-Воскресенский, обращенный впоследствии в Кевроло-Воскресенский приход. Однако ни о времени возникновения монастыря, ни о времени обращения его в приход точных сведений не имеется: начало монастыря датируется в разных исследованиях с XIV по XVI в., о превращении же его в приход сообщается только в описании Кевроло-Воскресенского прихода с датировкой «в XVII столетии» (см.: Краткое историческое описание приходов и церквей Архангельской епархии. Архангельск, 1895. Вып. 2. С. 259). В этом же исследовании указывается, что имя Варлаама схимника упоминается в актах монастыря с 1585 г., а последнее упоминание о нем относится к событиям 1603 г., описываемым в данном тексте.