ПРИШЕСТВИЕ ОБРАЗА БОГОМАТЕРЕ
Есть же убо о сем страна убо некая, прилежащая к пределом Перския земли, иже Иверская и Грузинская нарицается, иже от древних лет, исперва по воплощении Господа Бога и Спаса нашего Иисуса Христа и во спасенней страсти его в лето 343 (835), при велицем цари Констянтине благочестивом, прияша святое крещение, якоже и писание поведает сице: Во дни тыя жена некая, благоговейна грекини, пленена бывши во Иверскую землю ту и пребываше тамо в посте и молитве. Исцели же молитвою отроча болное и потом царицу царя земли той, болну же сущу, положи на убозей своей постели и молитвою здраву же сотвори. И сего ради царица моляше царя, да церковь пленнице оной сотворит. Царю же, не покаряющуся о сем, слепотою объят бысть. И потом научи его послати ко благочестивому царю Констянтину Великому, яко да пошлет к ним иерея. Слышав же сия Великий Констянтин, яко желают, и послав к ним иерея благоговейна. Он же абие пришед и крести всю землю ту.[4502] И оттоле даже и доднес держаху истинную православную веру християнскую и предания святых апостол и Святых отец. Мнози же убо суть в той стране святыя Божия церкви, и честнии монастыри, и многия святыни быша. И царие правовернии предержаще страну ту[4503], якоже и о Динаре, царице бывшей страны тоя, повесть поведает, како победи Перскаго царя помощию и заступлением Богоматери.[4504] Бысть же, егда прогневаша Бога и святыя заповеди не сохраниша, и предаст их Бог в руце Перскаго царя, не в конечную погибель, но в наказание на неколико время. И паки смирившеся пред Богом и восприимаху благочестивое свое отечество, еже и доныне держаще, славящее Троицы единаго Бога.
Бысть же в лето 7130-е (1622) Богу попустившу за грехи людей. И прииде на Иверскую землю, иже тогда предначальствуяй в Персех, злочестивый царь Аббас шах. И поплени страну ту, и грады их прият, и святыя Божия церкви оскверни, и честныя монастыри разори, и святыя иконы попра, и множество благочестивых огню и мечю предани быша. И всю землю ту пусту положи. Сей же злочестивый царь Аббас шах, аще и злочестив бяше, но неколико благоразумен бысть. Изыскуя святыни, сущия в земли той, и уведев от неких, яко есть в земли той, и уведев про многоцелебную Ризу великаго Господа Бога и Спаса нашего Иисуса Христа, юже обрете у иже ту сущаго митрополита. Иже по возвращении от победы своея посла ю иже тогда царствуюшему в Велицей Росии ко благочестивому царю государю и великому князю Михаилу Феодоровичю всеа Росии самодержцу и ко отцу его великому господину и государю Филарету Никитичю, патриарху Московскому и всеа Росии вместо великаго дара на похвалу царству их, Велицей Росии, иже о ней повесть во своем ея слове пространно скажет.[4505] Мы же на предлежащую нам повесть возвратимся.
В то убо время, егда персяне поплениша Грузинскую землю, и многи честныя иконы взяша, и отнесоша во страну свою, не ради благочестия, но яко да препродают тех, понеже мнози рустии купцы в Персиде бяху, куплю деюще. Ведяху бо их персяне, яко благочестиви суть и честно держат поклонение святых икон. И сего ради принесоша иконы те во страну свою в корысти место[4506], яко да искупят у них рустии они купцы. Бе же некто един от прилучившихся ту купцев именем Стефан, нарицаемый Лазарев, приставник[4507] имению некоего гостя от града Ярославля, иже на Волзе, Георгия, прозванием Лыткина. К тому же Стефану в то время в Персиде персин некий принесе икону — образ Пречистыя Владычицы нашея Богородицы и Приснодевы Марии, честного ея Одигитрия, иже есть Радостная заступница. Бе же икона та обложена сребром и златом. Глаголя ему, яко да искупит от него святую икону ту. Видев же благочестивый той муж Стефан честную икону ту и абие помысли, непросту быти делу тому, но яко Богом послану к нему сущу, опачеже и за се, да послет ю к господину своему Георьгию, ведяше бо его мужа благочестива суща. И тако искупи честную икону ту в Персиде. Тогда бысть Божие некое явление во сне господину его Георгию во граде Ярославле, глаголя, яко: «Приставник имения твоего Стефан, сый в Персиде, купи тебе безценный бисер. Егда же принесет к тебе, ты же пошли его в Двинскую область, в Черную гору». Возбнув же благочестивый той муж Георьгий от сна того и размышляйте в себе, что есть бесценный он бисер. По времени же поведает видение свое первосвятителю кир Филарету, патриарху Московскому и всея Росии. Первосвятитель же удивлься о сем и рече ему: «Аще что Господь восхощет, то и сотворит».[4508] По времени же некоем прииде ис Персиды прежепомянутый приставник имения его Стефан и принесе к нему чюдную ту икону Пречистыя Богоматере, еяже бе искупил в Персиде. Он же абие со многою радостию и со слезами сию приемлет, воспоминает виденное ему, яко се есть воистинну бесценный он бисер, икона Богоматери.
4502
Во дни тыя жена некая, благоговейна грекини, пленена бывши во Иверскую землю ту... Слышав же сия Великий Констянтин, яко желают, и послав к ним иерея благоговейна. Он же абие пришед и крести всю землю ту. — Этот фрагмент повести рассказывает о св. Нине, просветительнице Грузни, память которой почитается 14 января и 27 октября ст. ст., источником этого фрагмента является «Повестьоб иверех, како приидоша в благоразумие» (см.: Пролог, 27 октября).
4504
...якоже и о Динаре, царице бывшей страны тоя, повесть поведает, како победи Перскаго царя помощию и заступлением Богоматери. —
4505
…злочестивый царь Аббас шах... иже о ней повесть во своем ея слове пространно скажет. — Шах Аббас I, по прозванию Великий, — седьмой повелитель Персии из династии Сефиров, род. в 1557 г. С 1613 г. он постепенно завоевывал грузинские земли, подчинив себе к началу 20-х гг. XVII в. большую часть Грузни. Мусульманин Аббас I отличался особой веротерпимостью к христианам. В 1625 г. шах Аббас прислал в Москву царю Михаилу Федоровичу бесценный дар — найденную при завоевании Грузии Ризу Господню — нешвенный хитон, полученный по жребию одним из воинов, по преданию — грузином, бывшим при распятии Христа. Патриарх Филарет, по получении этого дара, собрал самые достоверные сведения о Ризе Господней. После этого она была торжественно положена в ковчег в Московском Успенском соборе. В честь этого события на Руси установлен ежегодный праздник Положения Ризы Господней, отмечаемый 10 (23) июля. О даре шаха Аббаса в древнерусской письменности существовало несколько сказаний, одно из них, как указывает автор повести, и стало источником этого фрагмента (см.: Белокуров С. А. Дело о присылке шахом Аббасом Ризы Господней царю Михаилу Федоровичу в 1625 году. М., 1891; см. также: Пролог, 10 июля).