ием, сего новопоставленнаго святейшаго Аркадия, Божиею милостию архиепископа упомянутым градом Велику-Нову-Граду и Пскову, Киеву и Московии и Владимиру, Санкт-Петербургу, Олонцу, и Вологде, Ярославлю, Костроме, Нижнему Нову-Граду, Симбирску, Вятке, Велико-Перми и Тобольску и Иркутску и всея Русии и Сибири и Якутския земли в твоем святом царстве Российском, в святительском достоинстве и почтеши его, как пастыря словесных овец Христовых, хранящих древле-православное христианское благочестие греческаго закона и все прежде бывшия обычаи до лет от Христа Вас, о благороднии вельможи и честнии в Сигклите царскому российскаго государства пребывающим, в царевом воинстве исправляющая царская потребы и все яже о Христе многонародное христолюбивое множество, воспоминаем и завещаваем, со всяцем покорением священному сему мужу; ныне же благодатиею Божиею вашему отцу и учителю и вождю вашего спасения предложили тому душа ваша со всяцем смирением и послушанием, а ничесоже о таковом безместно что помышляющи, но яко же самому владыце Христу служаще и повиноватися, по божественному того речению (Лук. 51): слушаяй рече вас, мене слушает и отметаяйся вас, мене отметается, отметайжеся мене, отметается пославшаго мя. И паки: иже чтит иерея; чтит вышняго бога, понеже иерейская честь на бога восходит, да аще убо тако к простым иереом завещание и повиновение подобает соблюдали, кольми паче ко превосходящим честию, наипаче сему ныне святопомазанному превысокому архиепископу отцем отцу и крайнему святителю, его же сана святительства не точию зде, но и в самом небеси мощен есть по Божественному Спасову речению: иже бо (Матф. 76) аще свяжете рече на земли, связан будет на небеси, а иже разрешите на земли на небеси разрешено будет, да никто же речет яко ко Апостолом единем сия реша суть, но и ко всех хотящим были преемником сих, иже убо от Апостол и до ныне хранимо соблюдаемо в православных ненаветно: ему же милостивый Христе буди соблюдатися и хранитися до втораго твоего и страшнаго пришествия. Твое же превосходящее святительство боголюбивый отче и брате нашего смирения преосвященнейший господин Аркадий Божиею милостию архиепископ всея Руси и Сибири молим и завещеваем, да соблюдаеши истинную святую православную нашу веру, якоже и обещался еси пред мноземи свидетели, наипаче же пред тьмами ангел, и пред самем всесильным и вседержащим в Троице славимым Богом нашим, да и той соблюдет тя во веки, и славы своея присносущныя явит тя наследника и со ангелы предстателя, и да не когда оскудеваешь в молитвах о Благородном и Самодержавнейшем Российском Царе и Государе, и о всей палате и о исправляющих повеление Его, и о всех воех Его, и богоснабдивом христианском народе, хранящим древле-православное благочестие его, на себо преуготован и избран, и поставлен еси, яко предстатель и слуга Божии верен, яко не точию человеки мировати устроиши, но и Бога милостива человеком исходатайствуеши молитвами вашего святительства с ними же купно и мое недостоинство в честных ваших молитвах молю, да не предаси забвению, паче же и сего ради, яко сподобихся рукоположили тя. Твое же святительство, по преданию св. Апостол, паче же по благодати святаго и Животворящаго Духа, да поставляеши сущих под тобою в рустей области честных митрополитов и архиепископов и епископов и прочих, яже церкви повелевает, могущих пасти христоименитое стадо без порока, и к вечным обителем возводили и сочетовати. А мы недостойнии зде в нашем царстве, обще со всеми священными отцы, по иных странах наших, с митрополиты и архиепископы и епископы и со всеми тамо пребывающими должни есми непрестанныя молитвы возсылати ко всемогущему Богу, о вашем великом святительстве, и всероссийском Царе и воех Его и о всех христоименитых людех, яко да сохранит Бог святую нашу православную веру, святаго греческаго закона и святую Божию Апостольскую церковь, соблюдет непоколебиму, и от враг ненаветну, яко же весть святая его воля, а понеже разсудихом во священном писании, и советом священных митрополитов, и архиепископов, и епископов, яко единаго согласившеся, подаша власть превысочайшаго Российскаго престола архиепископа, поставляли своими, митрополиты, не токмо архиепископы поставляли, но поставили и патриарха, и митрополиты, и архиепископы, и епископы преподаваю Аз в род и род и ни како же отреваю паче же и молю соблюдатися сему непременно до скончания века. Самому же высокопреосвященнейшему Аркадию архиепископу, поставляли сущу под ним Русския земли, и Сибирския области митрополитов, и архиепископов и епископов, и прочих священных муж, яко же церковь прият, по Апостольскому преданию и святых отец правилом. К большему утверждению, ныне нам новопоставленнаго архиепископа Аркадия, и прочих хотящих по нем были, аз смиренный Мелетий Божиею милостию патриарх Славяно- Бело-Водский, Индостанский, Индиянский, Камбайский, Ость-Индии, и Юсть-Индии, и Фест-Индии, и Африки, и Америки, и земли Хили, и Магеланския земли, и Бразилии и Абиссинии. И митрополиты и архиепископы и епископы и честнейшия архимандриты и игумены, посудихом сие наше писание записали на хартии, и подписали руками нашими, и печатьми затвердили яко да будет к поставлению архиепископства, свидетельствовано и утверждено во веки и никем же пременяемо. Аминь.