Виршевая поэзия (первая половина XVII века)

О римских и латынских папежах,

аки о бесовских мрежах:

ими же человеческия души уловляются

и во адово дно низпосылаются

Еще же вкратце рцем о нынешних нечестивых папах,
В них же держими суть людие, аки овцы в волъчьих лапах,
И держаще бо их злодеи своими лютыми прелестми,
Тем и поглощены быша адовыми челюстми.
Глаголем, западныя и полунощныя немцы,
В лепоту же рещи: злыя неверныя иноземцы.
Поне дюже окаянным Мартином прелщени быша
И тако вечное мучение себе получиша,
И даже да днесь нечестивыи тако пребывают,
И выну в место лютаго мучения посланцы бывают.
О нем же, окаяннем Мартине, впреди да скажется.
Мы же тезоименити Христу нарицаемся,
А поганых и нечестивых всех вер отрицаемся.
По том же окаянном и проклятом папе Фармосе[71],
Иже сатанин фимиам носил во своем носе,
И по окаянном же и проклятом Петре Гугнивом[72],
В лепоту убо рещи, по сыне блядивом;
И о сущих бесовских истовых собеседников,
И самаго отца их, сатаны, наследников,
Иже самохотне отпадоша божия благодати,
И воздвигоша на церковь господню многия рати,
И на всю православную истинную веру,
И уставиша свою еретическую злую меру.

Аллегория «Римское папство». Гравюра, 1523 г. Лукас Кранах Старший.

По них же, окаянных, таковии же злодеи начашася быти,
И потому же божия люди со истиннаго пути сводити,
И ко своей прелестной и еретической ереси приводити,
Чтобы всех до конца божия благодати лишити.
О проклятых же именех их не у время изнаписати,
Токмо достоит их окаянных всех проклинати.
И несть ползы нечестивых имена вспоминати,
Токмо такоже достоит их всех анафеме предати.
Зде же токмо злейших и вящих воспомянухом
И многаго ради продолжения скоростию преминухом.
Пространее же поведает о них историская писания,
Яко многия от них начашася быти претыкания,
И на церковь божию и на православную веру велия гонения,
И на весь христианский закон злое развращение.
И паки начаша люди господни со истиннаго пути сводити,
И своим проклятым латинским ересем всех учити,
Чтобы им не примешиватися к православной вере,
И пребывати бы им всем вь еретической мере,
И паки бы всех прелестми своими уловити,
И злое то еретическое учение в них вкоренити.
И тако от окаянных их злое умышление и збышася,
И учение их во всех тверде вкоренишася,
И бесчисленныя души от них, злодеев, погибоша,
И в место лютаго мучения внидоша.
Да и днесь, окаяннии и нечестивии, сводят,
По них же инех в конечную погибель соприводят.
О злых же ересях их впред воспомянухом,
Яко мутныя реки потоки преминухом.
Нужно бо есть воистинну праху напавшую воду пити,
Такожде и еретическое замышление во устех носити,
Вкус бо уста человеческая оскверняют
И самому богу и творцу нашему досаждают.
Аще бы мощно таковое злое речение преминути.
Но несть ключими будут противу их дерзнути,
Против же злаго их ерстическаго учения и умышления,
И яко бесовскаго лютаго ополчения.
Того ради по нужде будет глаголу послужити
И по нашем руском изрядном диолектите носити.
Аще великими святителми себе нарицают,
А божественныя благодати не похваляют
И правоверную нашу истинную веру похуляют,
А свою, еретическую и богомерскую, похваляют;
И уставленную от самого господа нашего Иисуса Христа,
От него страшится всяка христианская верста,
И от святых его апостол и учение преданную развратиша
И к своей же проклятой ереси всех преклониша.

«Симония» — продажа папой духовных чинов. Гравюра, 1477 г. Неизвестный немецкий мастер.

Еще же досаждают, окаяннии, самому Христу
И ругаются его животворящему кресту:
Вместо честнаго и животворящаго креста господня на ногах своих творят крыж,[73]
Вы же, римляне и латыне, уст своих не движ
На таковое лютое пап своих возношение
И самому господу нашему Иисусу Христу досаждение.
И таковую бесовскую гордость папы ваши на ся взяша,
И сами на себя фиял божий взяша:
И в ту свою проклятую ногу велят людям себя целовати,
По нашему же, достоит на ню плевати.
И тако они с клевреты своими ликуют,
И с самим отцем своим, сатаною, ликуют.
Еже от иных земель приходящии тож содевают,
И къ их проклятым ногам приникают,
И по тому же деянию сотворяют
И им окаянным во всем угождают,
И таковою лютою гордостию возвышаются,
И самому богу и творцу сопротивляются.

«Антихристы». Целование папской туфли. Гравюра, 1521 г. Лукас Кранах Старший.

Еще злии самем тем Великим Римом хвалятся,
Потому пред господем богом не исправляются,
Понеже когда в нем благочестивыя папы бываху,
Тогда святителския престолы добре управляху
И благочестивую веру крепко исправляху.
Тогда был тот Великий и славный Рим свят
И благочестием же и верою от всех был превзят.
И ныне злым нечестием аки тмою стал омрачен
И от истинныя православныя веры во всем отлучен.
Прекратим же паки о сем,
Да не в долготу слово прострем.
Настоящее речение сопривнесем
И о выше реченных, о Петре и Павле, рцем:
Аще и господине слово к Петру апостолу сопривносят
И всюду таковое речение произносят,
И нам тем словом и глаголом яко бы воспрещают
И несведущим божественнаго писания запинают.
Сице рече господь к самому апостолу Петру.
Аз же тя римлянине и латыняне сице препру.
Ты еси «Петр», на сем камени созижду церковь мою.[74]
Вы же, римляне, познайте совесть свою.
И паче рече господь, врата адова не удолеют.
И ты же, римлянине, сими словесы нам не рей
И тем укором нас, православных, не препирай,
Паче же нечестивая уста своя заграждай.
То не о вашей церкви Петру речено,
Но к Петровой твердости привменено.
В лепоту и нарече и господь «камень»,
Но являсь твердость его таковым прозванием,
Понеже тверд и тепл был Петр ко Христу верою;
Аще вмале и поколебася страховкою мерою,
Но обаче исповеда его, сына божия,
Должен убо есть, всяк стояти у его святаго подножия,
И от него же, творца своего, милости просити,
Чтоб всякому желателная от него получили.
Мы же паки противу сего речения их ответ сотворим,
Паче же ереси их яко во очесех своих зрим.
Где у них християнское законоположение? —
Токмо все еретическое злое умышление и учение,
Все противно нашему християнскому закону,
Поне же церкви божией учиниша всякую спону.
И паки велию брань на церковь господию воздвигоша,
И многочисленныя души человеческия во дно адово сведоша.
И глаголют от отца и сына духу святому исходити[75],
По нашему смышлению, так станет святому параклиту сослужебну отцу и сыну быти.
И божественную службу служат опресноками,[76]
И действуют кровавыми своими руками:
Епископи их во время брани сами ополчаются
И потом божественней службе касаются;[77]
И прежде инех ходяща в брань биются.
Вем, сами во дно адово несутся.
Аще ли лучится Рождество Христово или Богоявление,
в субботу поста не разрешают.
Тем божественному уставу лают.
И пречистыя Богородицы материю господней не зовут,
Тем их святии наши соборне проклятию предают.
И мы вси им же, святым, последуем
И их святому божественному писанию веруем.
Зовут же злии токмо «святая Мариа», —
Научишася от окаяннаго и проклатаго Ариа[78].

71

...проклятом папе Фармосе... — Личность папы Формоза (891-896) была весьма популярной в средневековой полемической литературе, излагавшей историю его отступничества и посмертного осуждения.

72

...и по окаянном же и проклятом Петре Гугнивом... — Петр Монг, по прозвищу Гугнивый (греч. Монг — Косноязычный), с 477 по 490 г. несколько раз занимал кафедру Антиохийского патриарха; еретик-монофизит, отстаивавший в противовес ортодоксальному догмату о двух природах Христа (божественной и человеческой) тезис о его единой, только божественной, природе.

73

Вместо честнаго... крыж... — Наседка говорит о католическом обычае целовать туфлю с изображением четырехконечного креста на ноге папы. Этот обычай или ритуал резко осуждался как православными, так и протестантами.

74

Ты еси «Петр»... церковь мою. — Цитируются слова Христа из Евангелия от Матфея: «И я говорю тебе: ты Петр, и на сем камне я создам церковь мою...» (греч. πετρος — камень).

75

И глаголют... духу святому исходити... — Согласно католическому Символу веры, святой дух исходит не только от Бога-отца, но и от Бога-сына, что православные рассматривали как ересь.

76

Опресноки — см. примеч. 2 на с. 400, Слово 4-е. В западной церкви причащение совершалось не квасным, а пресным хлебом.

77

Епископи их... касаются... — Православный священник, проливший чужую кровь, навсегда отстранялся от богослужения. Католическим же священнослужителям разрешалось участие в воинских сражениях.

78

...научишася от... Ариа. — Арий (ок. 318-336), александрийский священник, ересиарх, отрицавший божественную природу Христа и определение Девы Мария как «Матери Божьей». Пикейский вселенский собор в 325 г. отлучил Ария от церкви.