Вирши

От всих супостат забрало нам бяше.
Он без помощны бысть поможене,
Скорбящый радость, слезны утешене.
В нуждах надежда ы помощ велика,
Юже нам даде небесе владыка.
Нине, о мати, Дева пресвятая,
Камо грядешы[130], градзей оставляя?
Кому вручышы раб своих в оброну?
И кто соблюдет Полоцкую страну?
На тя надежду свою возложывшу,
Вернолюбезно тебе послужывшу,
А шчэ жэ тебе много согрешихом,
Заповедь Сына твого преступихом.
Себе мы Бога иного не знаем,
Разве Исуса. Ему сен кланяем.
Ты веси немошч всяка человека,
Един безгрешен сын твой ы владыка.
Мы вси зачаты в грехах ы рождены,
В Адаме древле грехом умерщвлены.
Ты токмо сея от язвы изята:
Свята зачнеся ы родися свята.
Пожыл безгрешно; едина пречыста
Ты, токмо з сыном без греха пребыста.
Мы страстни грешни, к злобе преклонени,
Лестию змия в Едеме прельшчени[131].
Убо от тебе милости желаем,
Ходотайствем ти прошченя чаем.
Яко ты веси немошч земнородных,
Веси ы селу супостат безплотных.
Мошч же имашы враги побеждати,
Певцом ти радость ы мир даровати.
Се мы предстоим твои, Дево, раби,
Во настоящых бедах нас ослаби.
Отради скоро, не дажд погибати,
Не дажд слез ы крве всуе проливати.
Увы нам, увы! что ся от нас тшчышы,
Тако ли о ти сынех неродишы?
Тако ли в тузе оставишы чада?
О мати сирых, буди нам отрада.
Нине ест время, нине прыближыся,
В помощы скорой ныне прославися.
Се беда и скорб токмо стужает,
Яко не едва сердца отчавает.
Отвсюду беды ы скорби отвсюду,
Нест нам помошчы без тебе отнюду.
Темже ти слезно образ лобызаем,
Буди нам мати, усердно глашаем.
Не остави нас без помощы жыти,
Паношением врагом нашым быти.
Да не речет враг, где ест помошч ваша
Множе, только крепко уповаша.
Ашче образом от нас отходишы,
Но благодати да не удалишы.
Слонце в небеса на землю действует,
Тако ти милость, ато изволствует.
Призры з небесе, издалеча види
Чада ти вечна ы во помошч прыди.
Прыди, царице, в помошч сего града,
Храни от скорби, огня, меча, глада!
И от напастей изволь соблюдати,
Не возбрани нам твоей благодати.
Ты еси мати, о Еуфросиние[132],
Жителем града всим удобрение.
Яже потщася икону святую
Внести здалеча в страну Полоцкую.
От Цариграда або из Иефесе[133]
Цар благоверны всечестна прынесе,
Твоего ради зельна прошения,
Россыйских дело стран украшения.
Прыподи к ногам небесного цара,
Да не лишыт нас толикаго дара.
Потшыся паки возврашченей быти,
Иконе святей Полоцк украсити.
Отчынный град твой, в нем же бы трудися,
Христу жениху си уневестися.
Ибо толико град нам украшает
Девыя образ ы всюду вславляет.
Якое ест слонцем небо украшенно,
Светлыми звезды дивно упестренно.
Полотски граду бе утвержение,
Столп, стена, помошч ы огражение.
Нине без него како нам пребыти? —
Аки без слонца не удобно жыти.
Убо, о Мати, прыпади за нами
Господу Богу твоими рабами,
Да возвратил бы нам икону святую,
Просветил землю Белоросыйскую.
Моли прылежно ы деву Марыю,
Скланяшчы к стопам святую ти выю.
Да не небрежет отчынна ти града
Ы не оставит правоверна стада.
Удобе мошчно тебе умолити,
Изволи токмо ходотайца быти.
Моли за нами, о святая Мати,
Не отчуди нас твоей благодати!
Се а же ашче раб ти сподобишы,
Всих на похвалу твою обратишы.
По вся дни тебе будем величати,
Венец похвалы песнем соплятати.